Connect with us

تازه خبرونه

دولت سولې ته د رسیدو درې پړاویزه تګلاره په ډاګه کړه

Ariana News

خپور شوی

 په

(Last Updated On: مرغومی ۱۸, ۱۳۹۸)

د سولې په چارو کې د دولت وزارت مرستیال د سولې د درې پړاویزه تګلارې په اړه ویلي؛ له لومړي پړاو موخه د سولې خبرو مخته وړل او د مذاکراتو همغږي کول، دویم پړاو د دولت او طالبانو د ګډو لومړیتوبونو پېژندنه او درېیم پړاو د سولې له هوکړه لیک څارنه را نغاړي.

له مدني بنسټونو سره د همغږۍ او مشورې دغه ناسته د یو او بل د اندونو وړاندې کولو لپاره د چارشنبې پر ورځ( د مرغومي ۱۸)جوړه شوه او ګډونوال یې غواړي، چې سولې ته د افغانستان له رسیدو سره مرسته وکړي.

مهمه دا ده، چې د سولې په چارو کې د دولت وزارت درې پړاوه لرونکې تګلاره وړاندې کوي او څرګندوي؛ د سولې له خبرو مخکې پړاوونه، د خبرو په لړ کې او د سولې له هوکړې وروسته وخت را نغاړي.

د سولې په چارو کې د دولت وزارت مرستیال غلام یحیی عباسي  ویلي: له خبرو مخکې موخه د سولې خبرو مخته وړل او پر همغږۍ راچورلي، دویم پړاو د طالبانو او دولت د ګډو لومړیتوبونو پېژندنه او درېیم پړاو د سولې د هوکړه لیک څارنه ده.

د افغانستان د مدني ټولنو د شبکې رییس وایي، حکومت دې په هره توګه چې کیږي، طالبان اوربند ته تیار کړي، ځکه له اوربند پرته د سولې خبرو مخته وړل ستونزمن کار دی.

د سولې په چارو کې د دولت وزارت د انسجام رییسه لیلا جعفري وایي، ټولې دا هڅې رښتینې سولې ته د رسیدو لپاره کیږي.

د مدني ټولنو د شبکې رییس عزیز رفیعي ویلي؛ سولې ته د رسیدو لپاره باید حکومت هڅه وکړي، چې اوربند ته زمینه برابره کړي او  یوازې اوربند کولی شي د سولې بهیر آسانه کړي.

مخکې له دې د هېواد په کچه د ملي اجماع  جوړیدو ته نغوته(اشاره) شوې وه، چې په کې د ټولو پرګنو استازي، د پوهنتونونو استادان، د سیاسي بهیرونو او مدني بنسټونو استازي د سولې لپاره یوه اوږدمهاله تګلاره جوړه کړي.

تازه خبرونه

ملي اردو په تېرو ۶ میاشتو کې له ۴۰۰۰ ډېر ماینونه کشف او شنډ کړي- دفاع وزارت

Ariana News

خپور شوی

په

توسط

(Last Updated On: وږی ۳۰, ۱۳۹۹)

هېواد ملي دفاع وزارت ویلي؛ د طالبانو د روان ۱۳۹۹ لمریز لیږدیز کال په شپږ میاشتو کې ۴۷۷۶ ماینونه د خلکو د استوګنو سیمو ته نږدې او د هېواد د یو شمېر ولایتونو د لویو لارو په اوږدو کې ځای پر ځای کړي وه، چې د هېواد ملي، دفاعي او امنیتي ځواکونو کشف او شنډ کړي دي.

د افغانستان دفاع وزارت څرګنده کړې، چې طالبانو د لویو لارو په اوږدو کې له چاودیدونکیو توکو څخه په ګټه پورته کولو تل زمونږ هېوادوالو ته زیان رسولی؛ خو ملي، دفاعي او امنیتي ځواکونو کشف او شنډ کړي دي.

دفاع وزارت دا هم په ډاګه کړې، چې طالبانو د چاودیدونکیو توکو او ماینونو پر چاودنو نه یوازې ملکي وګړي زیانمن کړي، بلکې په یو شمېر ولایتونو کې یې عمومي لارې، څلور لارې او د هېواد بېخبناوې هم ویجاړې کړي دي.

دفاع وزارت وایي، چې د ۱۳۹۹ کال په شپږ میاشتو کې د ۴۷۷۶ ماینونو پر کشف او شنډولو سره سربېره د سلګونه کیلو متره لارو, پلونو او پلچکونو د زیان او ویجاړۍ مخه هم نیول شوې ده.

ویل کیږي، چې د قطر په دوحه کې د حکومت او طالبانو د پلاوو ترمنځ د خپلمنځي خبرو له پیلیدو سره سم د ښکېلو خواوو لخوا عامو خلکو ته د زیان رسولو او تاوتریخوالي کچه لوړه شوې ده.

Continue Reading

تازه خبرونه

ولسمشر غني په بامیان ولایت کې د حکومت د رهبرۍ ځانګړې امنیتي ناسته ترسره کړه

Ariana News

خپور شوی

په

توسط

(Last Updated On: وږی ۳۰, ۱۳۹۹)

ولسمشر اشرف غني نن سهار د یو لوړپوړي حکومتي پلاوي په مشرۍ د بامیان ولایت د عمومي وضعیت د ارزولو په موخه یاد ولایت ته سفر وکړ. 

په دغه سفر کې د ولسمشر لومړي مرستیال امرالله صالح، د جمهوري ریاست دوه یم مرستیال استاد سرور دانش، د ملي امنیت سلاکار داکتر حمدالله محب او یو شمېر نور لوړپوړي امنیتي چارواکي د ولسمشر متلیا کړې ده.

ولسمشر اشرف غني او ورسره مل پلاوي ته په شهید مزاري هوایي ډګر کې د بامیان والي، ټولو سیمه ییزو مسوولینو او د ولایتي شورا غړیو هرکلی کړی دی.

وروسته د حکومت د رهبرۍ ځانګړې امنیتي ناسته، چې په کې د ملي امنیت سلاکار او د امنیتي سکتور مسوولینو حضور درلود، جوړه شوه.

په دې غونډه کې د هېواد عمومي امنیتي وضعیت وارزول شو او پر امنیتي پلانونو، عملیاتو، د دښمن د ګواښونو د دفع کولو، د امنیتي او دفاعي ارګانونو پر شته ننګونو او وړتیاوو بحث او خبرې وشوې.

د امنیتي او دفاعي ارګانونو مسوولینو د ځواکونو د ځای پرځای کولو په اړه خپل راپورونه وړاندې کړل او د ولسوالیو په سطحه یې د حکومتولۍ د پراختیا او د لازیاتو خدمتونو وړاندې کولو غوښتنه وکړه.

ولسمشر اشرف غني پر امنیتي او دفاعي لومړیتوبونو د ټینګار تر څنګ ویلي، چې د خلکو ساتنې او د انکشافي پروژو امنیت ته دې جدي پاملرنه وشي او د امنیتي او دفاعي ارګانونو انکشافي او اصلاحي برنامې دې پلې شي.

 نوموړي همدا راز د لویو لارو د امنیت پر خوندي کولو، د دښمن د اخاذیو پر مخنیوي او په امنیه قومندانیو کې د وړتیا او معیار پر بنسټ پر بدلونونو له ټینګار سره – سره څرګنده کړې: هغه امنیتي او دفاعي منسوبین دې تقدیر شي، چې په خپلو هڅو کې یې له ځانه وړتیا ښودلې ده.

Continue Reading

تازه خبرونه

په هند کې پر کرونا د اخته کسانو شمېر ۵.۴ میلیون څخه پورته شو

Ariana News

خپور شوی

په

توسط

(Last Updated On: وږی ۳۰, ۱۳۹۹)

په هند کې د کرونا ویروس ۹۲۶۰۵ نوې مثبتې پېښې ثبت شوي، چې ورسره پر دې ناروغۍ د اخته کسانو ټول شمېر له ۵.۴ میلیون ډېر شوی دی.

هندوستان د روان کال له اګست راپدیخوا هره ورځ د دغې ناروغۍ د مثبتو پېښو له ډېریدو خبر ورکړی دی.

د هند روغتیا وزارت د څرګندونو له مخې؛ په تېرو څلیریشت ګړیو کې ۱۱۱۳ کسان له کرونا ویروسه مړه شوي دي، چې له دې سره د مړو ټول شمېر ۸۶۷۵۲ کسانو ته رسیدلی دی.

د هند یو حکومتي ساینس پوه بي بي سي ته ویلي، چې په ټول هېواد کې د کرونا ناروغي مخ په ډېریدو ده.

له ۱۷۰ ورځو راپدیخوا په هند کې پر کرونا ویروس د اخته کسانو شمېر یو میلیون ته لوړ شوی؛ خو په وروستیو ۱۱ ورځو کې یو میلیون مثبتې پېښې ثبت شوې دي.

بي بي سي راپور ورکړی، چې تر دې دمه په هندوستان کې له ۵۰ میلیون د ډېرو خلکو د کرونا ویروس پېښې کتل شوي او هره ورځ له یو میلیون ډېرې بېلګې په دغه هېواد کې کتل کیږي؛ خو اوس هم په نړۍ کې دا ټیټ ثبت شوی شمېر ګڼل کیږي.

د راپورونو له مخې؛ اپیدمیولوژیسټانو ویلي، چې په هند کې پر کرونا ویروس د اخته کسانو شمېر له دې ډېر لوړ دی.

Continue Reading

Trending