Connect with us

تازه خبرونه

بیات بنیاد په بغلان کې د خوراکي توکو، درسي او سپورتي وسایلو مرسته کړې

Avatar

خپور شوی

 په

(Last Updated On: وری ۲۸, ۱۳۹۶)

vlcsnap-2017-04-17-16h44m16s72

د ولسي جرګې ځینې غړي وایي؛ د ولسمشر لخوا د ښار جوړونې وزارت ته د پروژو سپارل قانوني کړنه نه ده او دا وزارت یې د پلي کولو واک و ځواک نه لري او نه دا کار کولی شي.

ولسمشر یو حکم کړی، چې له مخې یې د شپږ پنځوس پراختیایی پروژو عملي مسوولیت د ښار جوړونې وزارت ته سپارل شوی دی.

په ولسي جرګه کې د بدخشان استازی عبدالستار خواصي د ولسمشر دا اقدام د قانون ښکاره نقض بولي او وایي، چې دا وزارت د دې توان نه لري، چې پراختیایی پروژې د هېواد په ګوټ ګوټ کې پلې اوعملي کړي.

د نوموړي په وینا؛ بودجه خپله قانون دی او ولسمشر د قانون خلاف بودجه بدله کړې او د بودجې تشکیلاتي جوړښت او نور مسایل یې د ښار جوړونې وزارت ته لیږدولي دي.

په ولسي جرګه کې د بدخشان استازې فوزیه کوفي وایي، چې ولسي جرګې بېلابېلو وزارتونو ته بورجه بېله کړې؛ دا به قانوني نه وي، چې د یو وزارت کار بل وزارت ته وسپارل شي.

د نوموړې په وینا؛ هر وزارت د خپل مکلفیت له مخې ولسي جرګې ته ځواب ورکوونکی دی.

د ښار جوړونې او اقتصاد وزیران او د مالیې وزارت مرستیال د ولسمشر د دغه حکم په تړاو د ولسي جرګې نننۍ ناستې ته ورغلي الو په دې اړه د جرګې غړیو ته سپیناوی کوي.

 د ښار جوړونې وزیر سید سادات منصور نادري وایي، دا کار د پروژو په چارو کې د آسانتیا لپاره را منځته شوی او دا وزارت د هېواد په ګوټ ګوټ کې د بېلابېلو پروژو د پلي کيدو واک و ځواک لري.

د هغه د څرګندونو له مخې؛ د ولسمشر حکم دغه پیچلې ستونزه آسانه کړې اغو پرېکړه به یې د پروژو په اړه ډېره ګټوره وي.

هغه زیاتوي زمونږ موخه او لومړیتوب د پروژو په پلي کولو کې څرنګوالی، پاملرنه، روڼتیا او د عمل چټکتیا ده. مونږ نه غواړو، چې پروژې بې کیفیته پلې شي.

د اقتصاد وزیر عبدالستار مراد په ډاګه کړه، چې د کارونو د ګټور مدیریت لپاره دا پرېکړه شوې.

هغه زیاتوي، د ملي برنامو د پلي کولو لپاره د یو چتر لرل یو اړینه اړتیا ده.

مخکې له دې بودجوي بنسټونو د پراختیایي پروژو د عملي کیدو مسوولیت په غاړه درلود او وړم  تېر کال د کابینې اووه وزیران؛ ځکه سلب صلاحیت شول، چې د ولسي جرګې د غړیو په وینا د څلورنوییم مالي کال پراختیایی بودجه یې لږ مصرف کړې وه.

خبریال: رفیع صدیقي

Continue Reading
Advertisement

تازه خبرونه

په افغانستان کې د کوویډ-۱۹ پېښې ۱۲۴۵۶ ته پورته شوې

Avatar

خپور شوی

په

توسط

(Last Updated On: غبرګولى ۷, ۱۳۹۹)

د ۶۲۵ نویو پېښو له ثبتیدو سره، افغانستان کې د کرونا رنځ ټولټال شمیره ۱۲۴۵۶ ته لوړه شوې.

د عامې روغتیا وزارت د چهارشنبې پر ورځ وویل چې په تیرو ۲۴ ګړیو کې یې د کرونا ویروس ۶۲۵ مثبتې پېښې موندلي دي.

د یاد وزارت په وینا دغه نوې پېښې په لاندې ولایاتو ویشل شوي: کابل ۳۶۰ ، هرات ۱۰۸ ، بلخ ۵۰ ، پروان ۲۶ ، تخار ۲۴، کنر ۱۴،  پنجشیر ۹، بغلان ۹، غور ۸، لغمان ۸، ننگرهار ۵، بامیان ۲، فراه یو او قندز هم یو.

له دی سره په افغانستان کې پر کرونا رنځ د اخته کسانو شمیر ۱۲۴۵۶ ته رسیدلی.

دې وزارت ویلي چې په تیرو ۲۴ ګړیو کې ۷ کسانو د دغه رنځ له امله ساه ورکړې چې له دې سره اوسمهال د مړیو شمیر ۲۲۷ تنو ته رسیدلی.

تر دې دمه له دې ویروس څخه ۱۱۳۵ کسان روغ شوي هم دي.

د روغتیا وزارت مرستیال وحید مجروح وایي چې په تیرو ۱۲ ورځو کې د ککړو کسانو شمیر ۵۰ سلنه زیاد شوې چې لوی لامل یې له لارښوونو سرغړونه او د ګرځبندیز نه مراعاتول دي.

دی وايي چې ناورین افغانستان ته دننه شوې او ممکن تر ۱.5 میلیونه خلک په افغانستان کې په دې رنځ اخته شي.

Continue Reading

تازه خبرونه

په افغانستان کې پر کرونا د اخته کسانو شمېر ۱۱۸۳۱ ته لوړشو

Avatar

خپور شوی

په

توسط

(Last Updated On: غبرګولى ۷, ۱۳۹۹)

د عامې روغتیا وزارت ویلي؛ په تېرو څلیریشت ساعتونو کې ۱۱۵۲ شکمنې بېلګې وکتل شوې، چې ۶۵۸ یې مثبتې ثبت شوي او کابل د ۲۳۷ پېښو په لرلو د ولایتي نوملړ په سر کې بیا پاتې شو.

د دغه وزارت د څرګندونو له مخې؛ په هرات کې ۸۵، په بلخ کې ۷۷، په بغلان کې ۵۹، په بادغیس کې ۵۲، په فراه کې ۵۲ ، په فاریاب کې ۲۹، په ننګرهار کې ۲۷، په بامیان کې ۱۱، په پکتیا کې ۱۰،  په لوګر کې ۷، په کاپیسا کې ۶، په سرپل کې ۴، په تخار کې یوه او په سمنګان هو یوه مثبتې پېښې ثبت شوي، چې له دې سره په هېواد کې پر کرونا ویروس د ټولو پېښو شمېر ۱۱ زره او ۸۳۱ ته رسیدلی دی.

له تېرې یوې شپې او ورځ راپدیخوا په بلخ کې د کرونا ویروس یو ناروغ مړ شوی او ۳۱ نور روغ او له روغتونه رخصت شوي، چې ورسره په هېواد کې له کووید ۱۹ ناروغۍ د مړیو شمېر۲۲۰ او د روغو شویو کسانو شمېر یو ۱۱۲۸ ته رسیدلی دی.

د عامې روغتیا وزارت ټینګار کوي، چې له کرونا ویروس څخه د ژغورنې یوازنۍ لار روغتیایي سپارښتنې په پام کې نیول او په کور کې پاتې کیدل دي.

دا په داسې حال کې ده، چې کابل والي په دوه شفتونو ( سهار او ماسپښین) کې د حکومتي ادارو د کار له پیلدو خبر ورکړی دی.

Continue Reading

تازه خبرونه

افغانستان کې پر کرونا رنځ اخته کسانو شمېر ۱۱۱۷۳ ته رسیدلی دی

Avatar

خپور شوی

په

توسط

(Last Updated On: غبرګولى ۵, ۱۳۹۹)

د روغتیا وزارت د څرګندونو له مخې؛ له تېرو څلیریشت ګړیو راپدیخوا د کرونا ویروس ۵۹۱ مثبتې پېښط ثبت شوي، چې کابل اوس هم د ۳۹۰ تازه مثبتو پېښو په لرلو د نوملړ په سر کې دی او له دې سره په ټول هېواد کې پر دې ناروغۍ د اخته کسانو شمېر ۱۱۱۷۳ ته رسیدلی دی.

د روغتیا وزارت مرستیال ویاند توحید شوکومند زیاته کړې، چې په تېرو څلیریشت ګړیو کې ۱۰۹۵ شکمنې پېښې کتل شوي، چې ۵۹۱ یې مثبتې وې. کابل د ۳۹۰ پېښو په لرلو سره د نوملړ په سر کې راغلی دی.

له کابل وروسته په ترتیب د هرات ۶۲ ، د بلخ ۳۶، د بادغیس ۲۱، د ننګرهار ۱۸، د کونړ۱۴، د تخار ۱۴، د جوزجان ۱۱، د وردګ ۷، د پکتیا ۵ ، د بغلان ۵، د خوست ۳، دپنجشیر ۲، د غور ۲ او د بامیان یوه نوې مثبتې پېښې دي.

له اختر راپدیخوا په کابل کې پر تګ راتګ بندیزونه سخت شوي. که څه هم دیني عالمان پر بندیز لګولو ټینګار کوي؛ خو له پولیسو غواړي، چې د ناروغانو او اړو کسانو سره مناسب چلند وکړي.

پر کورونا ویروس د اخته کسانو په شمېر کې د ډېروالي په اړه اندېښنې راپورته شوي؛ خو د عامې روغتیا وزارت په افغان جاپان روغتون کې د بستر له نشتوالي خبر ورکړی دي.

د روغتیا وزارت په وینا ، په کابل کې به د کرونا ویروس درې نور روغتونونه هم پرانیستل شي.

د یادونې وړ ده چې د کووید-۱۹ ناروغۍ د لازیاتو خپریدو د مخنیوي لپاره په کابل ښار کې د اختر په ورځو کې د لیدو پر مهال محدودیتونه جدي نیول شوي دي.

له بلې خوا، که څه هم دیني عالمان د بندیزونو لګولو ټینګار کوي، دوی په پولیسو غږ کوي چې ناروغ او نور یې جدي اړتیا زغمي.

په کورونا ویروس اخته کسانو کې د زیاتوالي په اړه اندیښنې راپورته شوي ، پداسې حال کې چې د عامې روغتیا وزارت د افغان-جاپان روغتون کې د وړتیا نشتون راپور ورکړی. د دې وزارت په وینا، د کروناویروس درې نور روغتونونه به په کابل کې پرانستل شي.

Continue Reading

Trending