تازه خبرونه
د پولیسو څلورکلن امنیتي پلان، د مرستندویو هېوادونو د باور وړ ګرزیدلی- برمک
کورنیو چارو وزیر ویلي، چې د پولیسو د ودې او پراختیا لپاره د دې وزارت امنیتي پلان، د مرستندویو هېوادونو د باور او تائید وړ ګرزیدلی او مرستو ته یې چمتوالی ښودلی دی.
د ملي وحدت حکومت اجرائيه رييس عبدالله عبدالله وايي، چې افغان پولیس په ډېرو حساسو شرایطو کې له سخت دریځو سره د مبارزې دنده تر سره کوي؛ د ټاکنو په امنیت او نورو ملي بهیرونو کې باید بې پرې چلند وکړي او په سیاست کې ښکېل نشي.
کورنیو چارو وزارت د پولیسو د ودې، پراختیا او اصلاحاتو څلور کلن پلان په کابل کې د یو شمېر مرستندویو هېوادونو استازیو او سفیرانو ته وړاندې کړ.
د کورنیو چارو وزارت وايي، چې پولیس له یوې خوا د قانون د پلي کولو دنده لري او له بلې خوا له وسلوالو مخالفینو سره په سخته جګړه بوخت دي.
د کورنیو چارو وزیر ویس احمد برمک په ډاګه کړې، چې د دغه څلور کلن پلان له پلي کیدو سره به ډېرې امنیتي ستونزې حل شي.
د نوموړي په وینا؛ په دې امنیتي پلان کې د خلکو غوښتنې هم په پام کې نیول شوي؛ د پولیسو پر رهبرۍ، ریفورم او اصلاحاتو ټینګار شوی او د هېواد امنیت خوندي کول یې په لومړیتوبونو کې راغلي دي.
د ښاغلي برمک د څرګندونو له مخې؛ پولیس تر هر څه وړاندې د خلکو همکارۍ ته اړتیا لري، چې وکولی شي، د قانون د پلي کولو لپاره شرایط برابر کړي.
د افغانستان لپاره د اروپايي ټولنې سفیر پیري ماویدن ویلي، چې مونږ د کورنیو چارو وزارت له تازه ستراتیژۍ ملاتړ کوو. د افغان پولیسو اصلاح به ډېرې نورې ستونزې هم حل کړي او وبه کولی شي، چې را روانو ټاکنو ته امنیت ټینګ او خوندي کړي.
د افغانستان لپاره د کانادا سفیر فرانسوا ریبت ځان له افغان پولیسو سره همکاریو ته ژمن بولي او وایي؛ ځکه، چې مونږ هم د خپلو ژمنو له مخې په افغان پولیسو کې د اصلاحاتو غوښتونکي یو او ستونزې یې باید حل شي.
په پلازمېنه کابل کې د تلاشۍ د پوستو زیاتول د ښار د امنیت ټینګولو د نوي امنیتي پلان یوه برخه بلل کیږي؛ خو کابل ښاریان وايي، چې په کابل ښار کې د تلاشۍ شاوخوا سل پوستې جوړې شوي او په ښار کې یې د تګ راتګ ستونزې رامنځته کړې دي.
خبریال: رفیع صدیقي
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه3 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ3 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
نړۍ1 day ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی4 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه3 days ago
راشد خان د افغان بیسیم سوداګریز سفیر شو
-
لوبی1 day ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
لوبی3 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه4 days ago
د ایران ولسمشر پر درې ورځني سفر پاکستان ته ولاړ