Connect with us

تازه خبرونه

د ننګرهار د هسکې مېنې پر جومات د برید پلانوونکی ووژل شو

Avatar

خپور شوی

 په

(Last Updated On: لړم ۲, ۱۳۹۸)

په ننګرهار کې د صفر دوه قطعې مطبوعاتي دفتر ویلي، چې د د دې ولایت د هسکې مېنې د وروستي برید پلانوونکی د بې پیلوته الوتکې په برید کې وژل شوی دی.

د ننګرهار ولایت د هسکې مېنې په جودري سیمه کې د تېرې جمعې د لمانځه پر مهال چاودنو کې له اویاوو ډېر کسان وژل شوي وه.

 د صفر دوه قطعې مطبوعاتي دفتر څرګنده کړې؛ د دې ځانمرګي برید پلانوونکی قاري شاکر، چې په قدرت پاچا مشهور و او د پاکستان د اورکزۍ ايجنسۍ اصلي استوګن و د اچین د ګاودرې په سیمه کې له دوه نورو داعش جنګياليو سره نن غرمه مهال د بې پیلوته الوتکې تر برید لاندې راغی او ووژل شو.

طالبانو په دې برید کې لاس لرل رد کړي او داعش یې په اړه څه ندي ویلي.

دا په داسې حال کې ده، چې ننګرهار والي د ۱۸ داعش جنګیالیو او ۱۹ بهرنیو ښځو او ۳۵ ماشومانو له تسلیمۍ خبر ورکړی، چې په کې عرب، پنجابي، ایراني او تاجګي اتباع شامل دي.

تازه خبرونه

د ټینس نومیالی لوبغاړی خپلې پخوانۍ میرمنې پر زور زیاتي تورن کړ

Avatar

خپور شوی

په

توسط

(Last Updated On: غبرګولى ۱۶, ۱۳۹۹)

سي این این په ډاګه کړې، چې  د نړۍ د نومیالي ټینس لوبغاړي نیکولوز باسیلاشویلي پخوانۍ میرمنې له محکمې غوښتي، چې د هغه لخوا پرې زورزیاتي شوی دی.

د جورجیا لویې څارنوالۍ څرګنده کړې؛ نیکولوز باسیلاشویلي، چې د نړۍ په ټینس لوبغاړیو کې ۲۷ ځای لري د خپلې پخوانۍ میرمنې نیلي دوروکاشویلي لخوا پرې د زورزیاتي تور پورې شوی دی.

که څه هم د قضیې په اړه څېړنې اوس هم روانې دي؛ خو باسیلاشویلي د ۳۱۳۰۰ ډالرو په ضمانت خوشې شوې او ټاکل شوې، چې د جولای پر ۱۶ بیا محکمې ته حاضر شي.

 د نوموړي وکیلانو او استازیو د باسیلاشویلي په فیسبوک پاڼه کې، چې له تضمین وروسته خوشې شوې شوی؛ څرګندوي، چې دغه تورونه “دروغ او بشپړ بې بنسټه دي.”

د هغه وکیلانو ویلي: مونږ د نیکولاس باسیلاشویلي پلویانو ته ډاډ ورګوو، چې له دې مخکې محکمې ته سپارل شوې ویډیوګانې زمونږ د مؤکل دریځ ښیې او هغه د پورته ذکر شويو ناقانونه تورونو څخه پاکوي.

له بلې خوا، د دوروکاشکا وکیل هم ویلي؛ داسې اسناد او شواهد شته، چې د دې ښځې ادعاګانې ثابتولی شي.

د هغې وکیل ویلي داسې خلک شته، چې د دوی د اړیکو شاهدان دي او وايي، چې د قضیې په اړه ویډیوګانې او آډیو ریکارډونه شته او دغه رازد ټیلیفون غږیز پیغامونه هم ثبته شوي دي.

د یادونې ده، چې د دې جوړې د واده پایله پېنځه کلن زوی دی او تېرکال سره بېل شوي دي.

Continue Reading

تازه خبرونه

ټویټر جورج فلایډ ته د ټرمپ د درناوي جوړه شوې ویډیو له خپلې شبکې لیرې کړه

Avatar

خپور شوی

په

توسط

(Last Updated On: غبرګولى ۱۶, ۱۳۹۹)

د غربي رسنیو د څرګندونو له مخې؛ ټویټر له هغې وروسته جورج فلایډ ته د امریکا د ولسمشر د درناوي ودیو له خپلې شبکې لیرې کړه، چې د کاپي رایت د حق پر بنسټ یې د خلکو اندېښنې تر لاسه کړې.

د ټویټر یوه استازي ویلي: مونږ د کاپي رایت حق خوندي ساتو او مونږ د خپروونکي یا د دوی د استازیو لخوا راپورته شویو اندېښنو ته ځواب ویونکي یو.

ویل کیږي؛ دا کلیپ د لاریونکوونکیو او د جورج فلایډ له مړینې وروسته د تاوتریخوالي له انځورونو او ویډیوګانو څخه، چې په شالید کې ورسره د ټرمپ غږ مل دی جوړ شوی دی.

دا د درې دقیقو او ۴۵ ثانیو لرونکې ویډیو، چې د جون پر ۳ د ترمپ د ډلې لخوا ټویټ شوې؛ اوس هم په یوټیوب کې د ۶۰۰۰۰ لیدلو او ۱۳۰۰۰ خوښولو سره  شته.

Continue Reading

تازه خبرونه

په افغانستان کې له تېرو ۲۴ ګړیو راپدیخوا کرونا ویروس ۹ کسان مړه کړي

Avatar

خپور شوی

په

توسط

(Last Updated On: غبرګولى ۱۶, ۱۳۹۹)

د عامې روغتیا وزارت ویلي؛ په هېواد کې له کرونا ویروسه درې کسان په بلخ، ډوه ـ دوه په هرات، سمنګان او کندوز ولایتونو کې مړه شوي او ۱۷۸ نور د هېواد له بېلابېلو روغتونونو کورونو ته رخصت شوي دي.

د دوی د څرګندونو له مخې؛ له تېرو څلیریشت ګړیو راپدیخوا په هېواد کې  ۹۱۵ نوې مثبتې پېښې ثبت شوي، چې ۴۲۳  یې د کابل، ۲۰۱ د هرات، ۱۱۶ د بلخ، ۲۹ د کندوز، ۲۳ د کونړ، ۲۱ د کندهار، ۲۱ د فراه، ۲۱ د سرپل، ۲۰ د هلمند، ۱۵ د سمنګان، ۱۱ د پکتیا، ۷ د ننګرهار، ۴ د میدان وردک او ۳ نور د لغمان ولایتونو دي.

له دې سره په ټول هېواد کې پر کرونا ویروس د اخته کسانو شمېر ۱۸۹۶۹ ته پورته شو.

د وروستیو څرګندونو له مخې؛ په هېواد کې له کرونا ویروسه ۳۰۹ کسان مړه شوي او ۱۷۶۳ نور رغیدلي دي.

یو ځل بیا هم، د روغتیا وزارت ټینګار کوي چې د کرونا رنځ سره مبارزه، خلکو پورې اړه لري؛ د دې آفت پر وړاندې هر ډول سرغړونه به د جدي ناورین رامل وګرځي.

په همدې حال کې، د ولسمشر لومړي مرستیال امرالله صالح وايي، افغانستان د کورونا وبا له امله په بدترین حالت کې دی. نوموړي خپل فیسبوک کې وویل، نیمه کورنۍ او د دفتر غړي یې پر کرونا وېروس اخته شوي دي. ښاغلي صالح درې ورځې وړاندې په یوه ویډیویي پیغام کې وویل، په افغانستان کې د کرونا وېروس بحران لا خپل اوج ته نه دی رسېدلی او پر خلکو یې غږ کړی چې روغتیایي سپارښتنو ته جدي پام وکړي.

Continue Reading

Trending