تازه خبرونه
د ولسمشر فرمانونه نور د چلند وړ نه دي- د سولې او اعتدال ټاکنیزه ډله
د محمد حنیف اتمر ټاکنیزه ډله غواړي، چې ولسمشر غني واک پریږدي؛ په همدې خاطر یې یو لړ ناستې پاستې پیل کړي دي.
د محمد حنیف اتمر په ټاکنیزه ډله کې پخواني حکومتي چارواکي وایي، د ولسمشر غني هیڅ فرمان اعتبار نلري او په وینا یې حکومت دې دا فرمانونه نه مني.
د سولې او اعتدال ټاکنیزه ډله د سرپرستې ادارې د فعالیدو غوښتنه لري او وایي، د ولسمشر د کار دوام به ستر او نوی کړکیچ را ولاړ کړي.
ټاکل شوې له اختر وروسته ځینې ټاکنیزې ډلې له واکه د ولسمشر د ګوښه کیدو په موخه یو لړ اعتراضونه پیل کړي.
د دې ډلې غړي د غبرګولی له لومړۍ نېټې را په دیخوا د ولسمشر د کار د دوام مخالف دي.
د کاپیسا پخوانی والی محراب الدین ساپی وایي، نوی ټاکنې او ګومارنې قانوني ندي.
د سولې او اعتدال ټاکنیزې ډلې غړی تمیم جرئت وایي، چې که حکومت مو غوښتنې ونه مني؛ د هر راز کړنو او بحران مسوولیت به د ولسمشر پر غاړه وي.
د دې ډلې غړي او ملاتړي سرپرسته اداره غواړي.؛ خو ولسمشرۍ ماڼۍ دا ډول مفکوره د نظام په وړاندې کودتا یاد کړې ده.
د پروان پخوانی والي محمد عاصم وایي: دغه حکومت ناقانونه دی او ځای دې سرپرست حکومت ته خوشې کړي.
د حنیف اتمر په ګډون ځینې ټاکنیزې ډلې غواړي، چې له کوچني اختر وروسته د ولسمشر پر ضد اعتراضي حرکتونه پیل کړي.
د ولسي جرګې پخوانی غړی ظهیر سعادت وایي، چې که پر مرکزي لاریونونو ونشوه پر محیطي اعتراضونو به لاس پورې کړو او دا به د ملي وحدت حکومت د پای وخت وي.
مخکې ارګ ویلي وه، چې د سترې محکمې لخوا د اساسي قانون د ۶۱ مادې د تفسیر مطابق ولسمشر غني تر ټاکنو پورې په واک کې پاتې کیږي؛ خو سپیدار ماڼۍ، چې له غني سره یې واک په برابر ډول وېشلی، د ټاکنیزو ډلو اندېښنې پر ځای بولي او وایي، ولسمشر د ټاکنو په درشل کې ځینې کسان بدل را بدل کړي او نوې ټاکنې یې کړې دي.
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه4 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ2 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
نړۍ4 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
لوبی5 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه3 days ago
راشد خان د افغان بیسیم سوداګریز سفیر شو
-
لوبی4 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
لوبی1 day ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه4 days ago
د ایران ولسمشر پر درې ورځني سفر پاکستان ته ولاړ