Connect with us

تازه خبرونه

د مسکو په خپلمنځي خبرو کې افغان سفیر د حکومت استازی دی- احمدي

Ariana News

خپور شوی

 په

(Last Updated On: May 28, 2019)

د بهرنیو چارووزارت وایي، د مسکو په خپلمنځي خبرو کې افغان سفیر د حکومت په استازیتوب ګډون کوي.

په مسکو کې د طالب استازیو او افغان سیاسي څېرو د دوه یمې ناستې له ترسره کیدو سره په یوه وخت بهرنیو چارو وزارت وایي، په مسکو کې افغان سفیر د حکومت په استازیتوب په دي ناسته کې ګډون او وینا کوي.

د افغانستان د بهرنیو چارووزارت ویاند صبغت احمدي وایي: که ټاکل شوي وي، چې په مسکو کې د افغانانو خپلمنځي ناسته تر سره شي؛ زمونږ سفیر به د افغانستان په استازیتوب په کې ګډون وکړي.

حامد کرزی، حنیف اتمر، محمد محقق، عطا محمد نور او  د ملابرادر په ګډون د طالبانو څوارلس کسیزه ډله دې ناستي ته ورغلي دي.

طالبانو ویلي، چې له سیاسي څېرو سره ناستو ته دوام ورکوي؛ خو تر هغې، چې له امریکا سره هوکړه نه وې شوې له افغان حکومت سره خبر به ناشونې وي.

د طالبانو د مرکچي پلاوي غړي شېر محمد عباس ستانکزي ویلي، د بهرنیو ځواکونو د وتلو پر څرنګوالي او دا، چې د افغانستان خاوره به نورې نړې ته خطر نه وې؛ په دې اړه له امریکا سره په خبرو کې پرمختګ شوی او وروستۍ پرېکړې ته هم نیږدې شوي يو.

هغه وایي: مونږ تل له حکومت سره خبرې رد کړي او د بهرنیو ځواکونو تر وتلو پورې به مو له حکومت سره مبارزه روانه وي.

د طالبانو د رهبري پلاوي غړی امیرخان متقي وایي؛ باور دا دی، چې د مسکو په اوسنۍ ناسته کې به طالبان د خبرو اترو جزئیات له سیاسي څېرو سره شریکوي او د دوحې د بین الافغاني خبرو اترو نه ترسره کیدل به هم په همدې ناستې کې جبران شي.

د وسلوالو طالبانو او سیاسي څېرو ترمنځ دوه یمه بین الافغانې ناسته په داسې حال کې ترسره کیږي، چې تراوسه هم افغان حکومت د سولې د خبرو اترو لپاره هراړخیز پلاوی ندی ټاکلی او دغه سیاسي څيرې بیا له افغان حکومت سره د سولې د خبرو اترو د څرنګوالې په تړاو مخالفت لري.

خبریال: شاهپور فرهمند

تازه خبرونه

د کابل په لویدیځ کې د ځانمرګي برید د وژل شویو کسانو شمېر ۲۴ ته لوړ شو

Ariana News

خپور شوی

په

توسط

Reuters
(Last Updated On: October 25, 2020)

د دشت برچي د پلخشک د “کوثر دانش” ښوونځي د کوڅې په ځانمرګي برید کې د وژل شویو کسانو شمېر ۲۴ کسانو ته لوړ شوی او شاوخوا ۶۰ نور ټپیان دي.

د پېښې شاهدانو ویلي، چې ځانمرګي برید کوونکي خپلو چاودیدونکيو توکو ته د اړوند ښوونځي د زدکوونکیو په منځ کې چاودنه ورکړې او ډېري قربانیان زدکونکي دي.

دا چاودنه په یوه داسې کوڅه کې رامنځته شوې، چې په کې درې د روزنې مرکزونه دي؛ خو فربانیان ټول د کوثر دانش ښوونځي کانکور آزموینې ته د چمتووالي د ټولګي زدکوونکي دي.

اکرم عزیزي د غزني د مالستان اوسیدونکی او له دوه میاشتو راپدیخوا د دې ښوونځي زدکوونکی دی؛ دده استوګنځي ته مخامخ ځانمرګي برید کوونکی چاودنه کړې. هغه په دې پېه کې خپل ټولګیوال له لاسه ورکړی او ټوله شپه یې د خپل ملګري پر قبر سبا کړې ده.

نوموړي ویلي؛ په خواشینۍ، چې یو ټولګیوال روح الله نومي مې په دې پېښه کې خپل خوږ ژوند له لاسه ورکړی او ټوله شپه مې ور سره پر قبر تېره کړه.

داعش په یوه اعلامیه کې د پېښې مسوولیت منلی دی.

دغې ډلې دوه کاله مخکې هم پر یو روزنیز مرکز برید ترسره کړی و. هغه مهال یو ځانمرگي برید کوونکي خپل چاودیدونکي توکي په یوه ټولګي کې وچاودول، چې لږ تر لږه ۴۸ کسان یې ووژل او نږدې ۱۰۰ نور یې ټپیان کړل.

Continue Reading

تازه خبرونه

له آزادو سیالیو سره حبیب نور ماګمدوف بریالۍ مخه ښه وکړه

Ariana News

خپور شوی

په

توسط

(Last Updated On: October 25, 2020)

د روسیې د آزادو سیالیو ۳۲ کلن لوبغاړي حبیب نورماګمدوف تېره شپه (شنبه د لړم درطیمه) پر خپل امریکایي سیال له بریا وروسته، خپله کورناسته اعلام او د اړوند سیالیو له ډګرونو سره یې مخه ښه وکړه.

حبیب، له جاستین گیجي سره په خپله وروستۍ مبارزه کې پنجرې ته ورننوت او بریالی شو، چې خپل ځواکمن سیال مات کړي.

په دوه یم پړاو کې یې خپلې پښې د جاستین ګیچي له غاړې راتاو کړې او ساه پرې بنده شوه؛ له سالنډۍ سره مخ او په دې توګه پر خپل سیال بریالی شو.

دا د هغه لومړۍ سیالي، چې له پلار پرته پنجرې ته وردننه شو. نوموړي د سیالۍ په پای کې د پلار له زیار او هڅو مننه وکړه.

د حبیب پلار په دې وروستیو کې د کرونا ویروس له کبله پر تنفسي ستونزو اخته او مړ شوی و.

حبیب څرګنده کړې: له درې ورځنیو هڅه وروسته بریالی شوم، چې د دغې سیالۍ لپاره د مور اجازه ترلاسه کړم؛ نه راضي کیده، چې د پلار په نشتون کې ولوبیږم. ما له هغې سره ژمنه وکړه، چې دا به مې وروسی ځل وي.

نوموړي زیاته کړې: دا زما وروستۍ سیالي وه. زه د یو اف سي له ټولنې یو څه غواړم، چې د نوملړ په سر کې راشم؛ ځکه، چې زه یې وړ یم.

دغه ۳۲ کلن حبیب د خپلو څانګیزو سیالیو په ډګر کې له ماتې پرته د ۲۹ بریاوو لرونکی پاتې شوی دی.

Continue Reading

تازه خبرونه

په غزني کې د القاعده یو مهم قومندان ووژل شو

Ariana News

خپور شوی

په

توسط

(Last Updated On: October 25, 2020)

د ملي امنیت ځانګړیو ځواکونو په غزني ولایت کې د القاعده یو مهم قومندان وژلی دی.

د ملي امنیت عمومي ریاست څرګنده کړې، چې د دې ریاست د ځانګړیو ځواکونو د عملیاتو په پایله کې د القاعده شبکې د هندي برخې مهم قومندان ابو محسن المصري ووژل شو.

المصري ، د القاعدې مهم قومندان د امریکا د فدرالي څېرنو ادارې تر څار لاندې نوملکړ کې راغلی و.

هغه په امریکا کې د امریکایی اتباعو پر وژلو او د بهرنیو تروریستي سازمانونو لپاره د آسانتیاوو په برابرولو محکوم شوی و.

د ملي امنیت پخوانی مشر رحمت الله نبیل ویلي، چې المصري او د القاعدې یو شمېر غړي د تېرو څو اوونیو په اوږدو کې په منظم ډول شاوال وادیو او غزني ته تګ راتګ کړی دی.

دغه راز د کورنیو چارو سرپرست وزیر مسعود اندرابي ویلي، چې په افغانستان کې د ملي امنیت ریاست لخوا د القاعدې د کليدي غړي وژل کېدل له ترهګرو ډلو سره د طالبانو د نږدې اړیکو او د افغان حکومت او خلکو پروړاندې د دوی د ګډو تروریستي فعالیتونو ښکارندویي کوي.

د نوموړي د څرګندونو له مخې، دا اړیکې اوس هم په خپل حال پاتې دي او طالبان پدې اړه بېلابېلو اړخونو ته دروغ وايي.

Continue Reading
Advertisement

Trending