تازه خبرونه
د پاکستان د بهرنیو چارو وزیر د افغان حکومت له مشرانو سره ولیدل
د پاکستان بهرنیو چارو وزیر د دوشنبې پر ورځ ( د مرغومې ۳) له غرمې مخکې د افغانستان او پاکستان د مشرانو تر منځ د سولې د دوه اړخیزو خبرو لپاره کابل ته راغی او د افغان حکومت له مشرانو سره یې دوه اړخیزې خبرې وکړې.
د پاکستان د بهرنیو چارو وزارت د یکشنبې پر ورځ په یوه خبرپاڼه کې ویلي وه، چې ډېر ژر به یو پاکستانی پلاوی د شاه محمود قریشي په مشرۍ افغانستان، ایران، چین او روسیې ته خپل درې ورځنی سفر پیل کړي.
ښاغلي شاه محمود د خپل سفر په بهیر کې له ولسمشر اشرف غني او د بهرنیو چارو له وزیر صلاح الدین رباني سره د افغانستان د سولې او ثبات په اړه خبرې کړي او ټینګار کوي، چې د سولې خبرو ته به د طالبانو په هڅولو کې له هیڅ راز مرستې ډده ونکړي.
د افغانستان ولسمشر اشرف غني نن له غرمې مخکې په ګلخانه ماڼۍ کې د پاکستان د بهرنیو چارو له وزیر شاهمحمود قریشي سره ولید او دواړو لوریو د دوه اړخیزو اړیکو، د افغانانو په رهبرۍ او مالکیت د سولې بهیر او د افغانانو تر منځ د راتلونکیو مذاکراتو په اړه بحث او خبرې وکړې او په دې برخه کې یې د سیمې او نړۍ د هېوادونو همکاري مهمه وبلله.
دغه راز د افغانستان د بهرنیو چارو وزیر صلاح الدین رباني هم د پاکستان د بهرنیو چارو له وزیر شاه محمود قریشي سره ولیدل. ښاغلي قریشي ویلي، چې باثباته افغانستان د پاکستان په ګټه دی. هغه ټینګار کړی، چې په افغانستان کې سوله بریالۍ کول د ټولې سیمې مسوولیت دی.
د پاکستان د بهرنیو چارو وزیر شاه محمود قریشي زیاتوي: ځينې ستونزې شته، چې د خپلو سفرونو په ترڅ کې به یې حل کړم. دوه اړخیزې اړیکې، اقتصادي او سوداګریزې چارې او د سیمې ثبات هغه مسایل دي، چې د سفرونو په لړ کې به پرې خبرې وکړو.
په دې لیدنه کې ښاغلي رباني ویلي، چې د افغانستان او پاکستان تر منځ اړیکې د ښه کیدو په حال کې دي؛ ځکه، چې د تېرو لس ورځو په بهیر کې دا د نوموړي دوه یم سفر دی، چې دې هېواد ته تر سره کیږي.
دغه راز د افغانستان د بهرنیو چارو وزیر له نوموړي سره په خبرو کې د حکومت او طالبانو تر منځ پر خبرو هم ټینګار څرګند کړی دی.
د بهرنیو چارو وزارت ویاند صبغت الله احمدي وایي: د نوي میلادي کال په لومړۍ میاشت کې به دغه ډول غونډې دوام پیدا کړي او له افغان دولت سره د وسلوالو طالبانو د مخامخ خبرو زمینه به برابره شي.
ځينې انګیرنې داسې هم دي، چې پاکستان له افغان پلاوي سره په ابوظبۍ کې د وسلوالو طالبانو د لیدنې مخه نیولې ده.
د پوهنتون استاد نصرالله ستانکزی وایي: پاکستان د مسکو د ناستې په ګډون غواړي د ځان په ګټه دغه بهیر راوڅرخوي او ځان د امریکا له فشارونو څه نا څه خلاص کړي.
له دې مخکې د امریکا ولسمشر د پاکستان لومړي وزیر عمران خان ته لیک استولی و او له هغه یې غوښتي وه، چې په افغان سوله کې همکاري وکړي. ښايي له همدې کبله وي، چې پاکستان د افغان سولې په اړه فعال شوی او څه موده مخکې یې په ابوظبۍ کې د افغان سولې په اړه د خبرو زمینه هم برابره کړه.
دا په داسې حال کې ده، چې یوه اوونۍ مخکې کابل د چین او پاکستان په ګډون د درې اړخیزې ناستې کوربه و. په دې ناسته کې درې اړخیز هوکړه لیک لاسلیک شو او د غونډې ګډونوالو د ترهګرۍ پر وړاندې پر ګډو هلو ځلو ټینګار څرګند کړ.
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه4 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ2 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
نړۍ4 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
لوبی5 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه4 days ago
راشد خان د افغان بیسیم سوداګریز سفیر شو
-
لوبی2 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
لوبی4 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه5 days ago
د ایران ولسمشر پر درې ورځني سفر پاکستان ته ولاړ