تازه خبرونه
د کابل- تهران اړیکې دې د امریکا په بندیزونو کې خوندي پاتې شي
د افغانستان بهرنیو چارو وزارت له امریکا غواړي، چې د ایران په بندیزنو کې د کابل او تهران تر منځ سوداګریزې راکړې ورکړې او سیاسي اړیکې شاملې نه کړي.
د بهرنیو چارو وزارت مسوولین وایي، که د کابل- تهران اړیکې په دې بندیزونو کې خوندي نشي؛ د افغانستان ډېرې زیربناوې به د نشت له خطر سره مخ شي.
پر تهران د واشنګتن لخوا د تازه بندیزونو له لګولو سره جوخت د امریکا ولسمشر په خپل تویت کې دا پیغام خپور کړ: که هر څوک له ایران سره معامله وکړي، له امریکا سره به معامله ونکړي!
د افغانستان د بهرنیو چارو وزارت د امریکا د ولسمشر پر دې پیغام د اندېښنې تر څنګ وایي، دغه بندیزونه به په ایران کې افغان کډوال، په چابهار بندر کې د ایران، افغانستان او هند کاروبار او دغه راز د ایران او افغانستان سوداګریزه راکړه ورکړه له ستونزو سره مخ شي.
د بهرنیو چارو وزارت د ستراتیژیکو مطالعاتو د مرکز رییس فرامرز تمنا وایي، چې افغان حکومت تل په دې اړه د استثنا غوښتنه کړې؛ ځکه، چې د افغانستان او ایران سوداګریزې اړیکې د افغانانو د بېخبناوو په پراختیا کې مرسته کوي.
د یو لړ څرګندونو له مخې؛ افغانستان د ایران صادراتو ته څلورم ستر هېواد دی.
تازه راپورونه ښیي، چې له ایران سره د افغانستان سوداګري له تېلو پرته د روان مالي کال په څلور لومړیو میاشتو کې له یو میلیارد دالرو اوښتې ده.
د سیمې د اقتصاي همکاریو سازمان وایي، د ایران صادرات افغانستان ته له دوه میلیارد دالرو اوړي؛ خو پر ایران د امریکا د بندیزونو له کبله اوس افغان او ایراني سوداګر نشي کولی سترې بانکې معاملې تر سره کړي.
د سیمې د اقتصادي همکاریو د سوداګرۍ او صنایعو خونې رییس آذرخش حافظي وایي، چې مونږ بانکي آسانتیاوو ته اړ یو، اوس مونږ د ایران لپاره خپلې بانکي حوالې تمویلولی نشو؛ ځکه دغه پیسې د نړیوال سوفت مرکز ته ځي او هلته بلاک کیږي او اړوند برخې ته نه رسیږي.
د چابهار بندر ته، چې د افغانستان، هند او ایران تر منځ په اقتصادي اړیکو کې د نوې کړکۍ په توګه ورته کتل کیږي، دا زمینه برابروي، چې افغانستان له نړیوالو اوبو سره ونښلوي، هم د بندیزونو تر اغېز لاندې راځي.
د ولسمشر ویاند هارون چخانسوري وایي؛ دا ښکاره ده، چې یاده پرېکړه به نه یوازې پر افغانستان، بلکې پر نورو هېوادو هم اغېز ولري؛ خو افغان حکومت په دې اړه کارکړی که یوه دروازه بندیږي. دوه نورې به خلاصې وي.
اقتصادي کارپوهان له حکومت غواړي، چې پر ستونزو د بري لپاره دې پر دوه اړخیزو او څو اړخیزو هوکړه لیکونو کار وشي؛ ځکه، چې له ګاونډ هېوادونو سره د سوداګریزو بدېلو لارو لټون د هېواد د راکړې ورکړې د ستونزو د حل یوه لار ګڼل کیږي.
خبریال: شاهپور فرهمند
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه3 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ1 day ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
نړۍ3 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
لوبی4 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه3 days ago
راشد خان د افغان بیسیم سوداګریز سفیر شو
-
لوبی3 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
لوبی1 day ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه4 days ago
د ایران ولسمشر پر درې ورځني سفر پاکستان ته ولاړ