Connect with us

تازه خبرونه

د هرات ښار د صرافانو مارکیت تر څنګ ماین چاودنې لس کسان ټپیان کړل

Ariana News

خپور شوی

 په

(Last Updated On: November 17, 2019)

نن مازیګر څلور نیمې بجې د هرات ښار د صرافانو مارکیت ته نږدې د ترافیک پولیسو په رنجر موتر کې د یو نښلیدونکي ماین پر چاودنه د درې ماشومانو په ګډون لس کسان ټپیان شوي دي.

د هرات پولیسو ویاند عبدالاحد ولي زاده ویلي، چې په پېښه کې څوک وژل شوي ندي.

د هرات روغتون سر طبیب داکتر عارف جلالي ویلي، چې د درې ماشومانو په ګډون په دې پېښه کې ۶ نور وګړي هم ټپیان شوي دي.

د نوموړي د څرګندونو له مخې؛ د یو کس  او دوه ماشومانو روغتیایي وضعیت د اندېښنې وړ دی.

تر دې دمه هیچا د پېښې پړه پر غاړه نده اخیستې.

تازه خبرونه

د کابل په لویدیځ کې د ځانمرګي برید د وژل شویو کسانو شمېر ۲۴ ته لوړ شو

Ariana News

خپور شوی

په

توسط

Reuters
(Last Updated On: October 25, 2020)

د دشت برچي د پلخشک د “کوثر دانش” ښوونځي د کوڅې په ځانمرګي برید کې د وژل شویو کسانو شمېر ۲۴ کسانو ته لوړ شوی او شاوخوا ۶۰ نور ټپیان دي.

د پېښې شاهدانو ویلي، چې ځانمرګي برید کوونکي خپلو چاودیدونکيو توکو ته د اړوند ښوونځي د زدکوونکیو په منځ کې چاودنه ورکړې او ډېري قربانیان زدکونکي دي.

دا چاودنه په یوه داسې کوڅه کې رامنځته شوې، چې په کې درې د روزنې مرکزونه دي؛ خو فربانیان ټول د کوثر دانش ښوونځي کانکور آزموینې ته د چمتووالي د ټولګي زدکوونکي دي.

اکرم عزیزي د غزني د مالستان اوسیدونکی او له دوه میاشتو راپدیخوا د دې ښوونځي زدکوونکی دی؛ دده استوګنځي ته مخامخ ځانمرګي برید کوونکی چاودنه کړې. هغه په دې پېه کې خپل ټولګیوال له لاسه ورکړی او ټوله شپه یې د خپل ملګري پر قبر سبا کړې ده.

نوموړي ویلي؛ په خواشینۍ، چې یو ټولګیوال روح الله نومي مې په دې پېښه کې خپل خوږ ژوند له لاسه ورکړی او ټوله شپه مې ور سره پر قبر تېره کړه.

داعش په یوه اعلامیه کې د پېښې مسوولیت منلی دی.

دغې ډلې دوه کاله مخکې هم پر یو روزنیز مرکز برید ترسره کړی و. هغه مهال یو ځانمرگي برید کوونکي خپل چاودیدونکي توکي په یوه ټولګي کې وچاودول، چې لږ تر لږه ۴۸ کسان یې ووژل او نږدې ۱۰۰ نور یې ټپیان کړل.

Continue Reading

تازه خبرونه

له آزادو سیالیو سره حبیب نور ماګمدوف بریالۍ مخه ښه وکړه

Ariana News

خپور شوی

په

توسط

(Last Updated On: October 25, 2020)

د روسیې د آزادو سیالیو ۳۲ کلن لوبغاړي حبیب نورماګمدوف تېره شپه (شنبه د لړم درطیمه) پر خپل امریکایي سیال له بریا وروسته، خپله کورناسته اعلام او د اړوند سیالیو له ډګرونو سره یې مخه ښه وکړه.

حبیب، له جاستین گیجي سره په خپله وروستۍ مبارزه کې پنجرې ته ورننوت او بریالی شو، چې خپل ځواکمن سیال مات کړي.

په دوه یم پړاو کې یې خپلې پښې د جاستین ګیچي له غاړې راتاو کړې او ساه پرې بنده شوه؛ له سالنډۍ سره مخ او په دې توګه پر خپل سیال بریالی شو.

دا د هغه لومړۍ سیالي، چې له پلار پرته پنجرې ته وردننه شو. نوموړي د سیالۍ په پای کې د پلار له زیار او هڅو مننه وکړه.

د حبیب پلار په دې وروستیو کې د کرونا ویروس له کبله پر تنفسي ستونزو اخته او مړ شوی و.

حبیب څرګنده کړې: له درې ورځنیو هڅه وروسته بریالی شوم، چې د دغې سیالۍ لپاره د مور اجازه ترلاسه کړم؛ نه راضي کیده، چې د پلار په نشتون کې ولوبیږم. ما له هغې سره ژمنه وکړه، چې دا به مې وروسی ځل وي.

نوموړي زیاته کړې: دا زما وروستۍ سیالي وه. زه د یو اف سي له ټولنې یو څه غواړم، چې د نوملړ په سر کې راشم؛ ځکه، چې زه یې وړ یم.

دغه ۳۲ کلن حبیب د خپلو څانګیزو سیالیو په ډګر کې له ماتې پرته د ۲۹ بریاوو لرونکی پاتې شوی دی.

Continue Reading

تازه خبرونه

په غزني کې د القاعده یو مهم قومندان ووژل شو

Ariana News

خپور شوی

په

توسط

(Last Updated On: October 25, 2020)

د ملي امنیت ځانګړیو ځواکونو په غزني ولایت کې د القاعده یو مهم قومندان وژلی دی.

د ملي امنیت عمومي ریاست څرګنده کړې، چې د دې ریاست د ځانګړیو ځواکونو د عملیاتو په پایله کې د القاعده شبکې د هندي برخې مهم قومندان ابو محسن المصري ووژل شو.

المصري ، د القاعدې مهم قومندان د امریکا د فدرالي څېرنو ادارې تر څار لاندې نوملکړ کې راغلی و.

هغه په امریکا کې د امریکایی اتباعو پر وژلو او د بهرنیو تروریستي سازمانونو لپاره د آسانتیاوو په برابرولو محکوم شوی و.

د ملي امنیت پخوانی مشر رحمت الله نبیل ویلي، چې المصري او د القاعدې یو شمېر غړي د تېرو څو اوونیو په اوږدو کې په منظم ډول شاوال وادیو او غزني ته تګ راتګ کړی دی.

دغه راز د کورنیو چارو سرپرست وزیر مسعود اندرابي ویلي، چې په افغانستان کې د ملي امنیت ریاست لخوا د القاعدې د کليدي غړي وژل کېدل له ترهګرو ډلو سره د طالبانو د نږدې اړیکو او د افغان حکومت او خلکو پروړاندې د دوی د ګډو تروریستي فعالیتونو ښکارندویي کوي.

د نوموړي د څرګندونو له مخې، دا اړیکې اوس هم په خپل حال پاتې دي او طالبان پدې اړه بېلابېلو اړخونو ته دروغ وايي.

Continue Reading
Advertisement

Trending