تازه خبرونه
د خلکو استازي بریالي نشول، چې د رییس مرستیالان او منشیان وټاکي
په ولسې جرګه کې د خلکو استازي د دوه یمې ورځې لپاره هم بریالي نشول، چې د رییس مرستیالان او منشیان وټاکي.
د اداري پلاوي د ټاکلو لپاره ټاکنې د دوه یمې ورځې لپاره هم ترسره شوې او اداري پلاوې بې برخلیکه پاتې شو. د لومړی مرستیالۍ څوکۍ ته نجیب الله ناصر او عالم ساعي د دوه یم مرستیال څوکۍ ته غلام حسین ناصري او همایون شهیدزاده، د منشي څوکۍ ته اسدالله شهباز او سید عظیم کبرزاني، د نایب منشي څوکۍ ته عرفان الله عرفان او فریده حمیدي ځانونه نوماند کړي وه.
یو شمېر وکیلان یې عامل د سپینو او باطلو رایو کارونه ګڼي او وایي؛ په لوی لاس داسې کیږي، چې اداري پلاوی بشپړنشي.
د ریاست لومړي مرستیالۍ ته نوماند محمد عالم ساعي وایي؛ له تاسو هر یوه، چې له رایو مو برخمن کړی یم مننه کوم؛ خو له هغو پرته، چې اهلیت یې په پام کې ندی نیولی او خپلو خېټو خولي دي.
د ولسي جرګې یو شمیر غړي ټینګار کوي، چې ادارې پلاوی د رښتینو دندو تر سره کولو ته اړ دی.
د ریاست دوه یم مرستیالۍ ته نوماند همایون شهید زاده وايي؛ د اداري پلاوي څوکۍ د خلکو د غوښتنو ساتونکې ده او مسوولین یې باید د چوپړ تر سره کوونکي وي.
د غونډې نصاب ۲۳۶ استازي وه او ۱۱۲۹ رایې، چې پنځوس جمع یوه رایه ښیي؛ خو هیڅ یو نوماند هم ونکړای شول، چې اکثریت رایې ترلاسه کړي.
د ولسي جرګې رییس میررحمان رحماني بیا وایي، چې د درېیمې ورځې لپاره به دا څلور پوستونه د نویو نوماندانو سیالیو ته وړاندې شي. نوي نوماندان دې لنډمهالي پلاوي ته خپل غوښتنلیکونه وړاندې کړي.
ټاکل شوې، چې د رییس د مرستیالانو او منشیانو لپاره ټاکنې د درېیمې ورځې لپاره ترسره شي او نوي نوماندان دې د دغو څوکیو د ترلاسه کولو لپآره د سیالۍ ډګر ته راووځي.
خبریال: رفیع صدیقي
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه4 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ2 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
نړۍ3 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
لوبی4 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه3 days ago
راشد خان د افغان بیسیم سوداګریز سفیر شو
-
لوبی1 day ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
لوبی3 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه4 days ago
د ایران ولسمشر پر درې ورځني سفر پاکستان ته ولاړ