تازه خبرونه
د دولت او طالبانو اوربند ناڅرګند ښکاري
د طالبانو مشر په خپل اختریز پیغام کې له افغان دولت سره د سولې خبرو او اوربند په تړاو څه یادونه نه ده کړې؛ خو څرګنده شوې، چې سوله او امنیت د اسلامي حاکمیت اړتیا ده.
د طالبانو مشر د شنبې پر ورځ( د زمري ۲۷) یو اختریز پیغام خپور کړ، چې په کې له افغان دولت سره د سولې خبرو او اوربند په اړه څه نه دي ویل شوي.
طالب مشر ملا هبت الله آخندزاده یو ځل بیا له امریکا سره پر مخامخ خبرو اترو ټینګار کړی او ویلي یې دي، چې امریکا باید د جګړې د پای ته رسولو لپاره تضمین ورکړي.
په دې پیغام کې له امریکا غوښتل شوي، چې له طالبانو سره دې مخامخ خبرې وکړي.
د طالبانو مشر هغه دیني عالمان ساده ګان او درباري یاد کړي، چې د افغانستان له حکومت سره جګړه یې ناروا او حرامه ګڼلې ده.
د سولې عالي شورا رییس عبدالکریم خلیلي وایي؛ دولت دې له طالبانو سره د اختر په ورځو کې اوربند وکړي، چې نورې وینې تویې نشي.
نوموړي زیاته کړې، چې کوچني اختر ته ورته دې په لوی اختر کې هم اوربند وشي؛ دا وړاندیز د خلکو د غوښتنې له مخې کیږي او له طالبانو هم د اوربند غوښتونکي یو.
د عالمانو شورا رییس او د ښځو ټولنه هم د اختر په ورځو کې د دوه اړخیز اوربند غوښتنه لري.
د افغانستان د عالمانو سراسري شورا رییس قیام الدین کشاف وایي، چې مونږ هم په دغو ورځو کې د سراسري اوربند غوښتونکي یو.
د افغان ښځو ټولنې استازې شفیقه حبیبي هم د اوربند پر ټینګیدو ټینګار کوي او وایي؛ له ولسمشره غواړو، چې د اختر په ورځو کې یو ځل بیا اوربند اعلام کړي؛ خو دا اوربند دې دوه اړخیزه وي.
د طالبانو مشرتابه په ډاګه کړې، چې د سولې او امنیت ټینګښت د طالبانو یوه موخو ده؛ خو د بهرنیو ځواکونو په حضور کې ناشونې شوې او د افغانستان د ژغورنې یوازنۍ لار اسلامي حاکمیت دی.
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه4 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ2 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
نړۍ4 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه4 days ago
راشد خان د افغان بیسیم سوداګریز سفیر شو
-
لوبی2 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
لوبی4 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه5 days ago
د ایران ولسمشر پر درې ورځني سفر پاکستان ته ولاړ
-
سیمه ییز خبرونه3 days ago
د غزې په شمال کې د قحطۍ خطر ډېر دی