Connect with us

تازه خبرونه

د جمعیت اسلامي د والي عبدالکریم خدام د لیرې کولو فرمان رد کړ

Ariana News

خپور شوی

 په

(Last Updated On: سلواغه ۳۰, ۱۳۹۶)

د جمعیت اسلامي افغانستان رهبرۍ شورا په یوه اعلامیه کې د دوشنبې پر ورځ( د سلواغې ۳۰) د ملي وحدت حکومت هغه فرمان رد کړ، چې له مخې یې عبدالکریم خدام د سمنګان د ولایت له مقامه لیرې شوی او پر ځای یې عبداللطیف ابراهیمې دغه مقام ته ټاکل شوی دی.

د دغه حزب په اعلامیه کې راغلي، چې د سمنګان د والي لیرې کولو دغه فرمان د تاوتریخوالي د ډېرولو لپاره  یو نامناسب او بې وخته پورته شوی ګام دی، چې د ملي وحدت حکومت له سیاسي هوکړې ښکاره سرغړونه ده.

په اعلامیه کې راغلي، چې د دې حزب رهبري شورا د سمنګان والي عبدالکریم خدام په پلوۍ د دغه ولایت د خلکو او ترک توکمو غوښتنې ډاډمنې بولي او د ده د لیرې کولو فرمان ردوي.

د تېرې شنبې پر ورځ ( د سلواغې ۲۸) د ملي وحدت حکومت د ولسمشر د فرمان له مخې د سمنګانو والي عبدالکریم خدام د ولایت له مقامه لیرې کړ او پرځای یې عبداللطیف ابراهیمي وټاکه .

د سمنګان پخواني والي عبدالکریم خدام د یکشنبې پر ورځ(د سلواغې ۲۹) یوې خبري ناستې ته ویلي وه، چې د سیمه ییزو ارګانونو ادارې پرېکړه نه مني او د سمنګان د والي په توګه به پر خپل مقام پاتې وي.

هغ دا هم ویلي؛ ملي وحدت حکومت دا صلاحیت نلري، چې والیان له دندې ګوښه او یا یې پر ځای بل څوک وټاکي.

د ده د وینا له مخې؛ ده ته د ولایت مقام  جمعیت اسلامي او ترک توکمو سپارلی او تر هغې به دنده تر سره کوي، چې دوی لیرې کړی نه وي.

د جمعیت اسلامې د رهبرۍ شورا مشر او د بهرنیو چارو سرپرست وزیر صلاح الدین رباني تېره ورځ ویلي وه؛ د سمنګان والي جناب عبدالکریم خدام د درناوي وړ، د جمعیت اسلامې د رهبرۍ غړی او د ترکمنو د محترم قوم پوه او تجربه لرونکی شخصیت دی.

د سمنګان د پخواني والي عبدالکریم خدام مرستیال ضیاءالدین ضیاء هم ګواښ کړی، چې که حکومت د پوځي مداخلې په فکر کې شي؛ نو سخت ځواب به وويني. دی هم د ولسمشر لخوا ګوښه شوی و؛ خو اجرائیه رییس بېرته ټاکلی دی.

عبدالکریم خدام تېر کال د سمنګان د والي په توګه ټاکل شوی و، چې تېره ورځ له دندې ګوښه او پر ځای یې د ولسي جرګې د رییس عبدالرووف ابراهیمي وراره عبدالطیف ابراهیمي د سمنګان والي په توګه وټاکل شو.

دا د جمعیت اسلامي دوه یم والي دی، چې د دې ادارې پرېکړه ردوي.

دوه میاشتې وړاندې ارګ د بلخ والي عطاء محمد نور هم له واکه ګوښه کړی؛ خو د دوه میاشتو په تېرېدو بیا هم نوموړی تراوسه د بلخ والي دی او د بلخ لپاره نوي ټاکل شوي والي انجینر داود ته د کار موکه نه ده ورکړشوې.

دا په داسې حال کې ده، چې د سیمه ییزو ارګانونو د خپلواکې ادارې ویانده منیره یوسفزاده د والي لیرې کول او پر دنده ګومارل د ولسمشر واک بولي او وایي،  د دې ولایت نوی والي به ژر کار پیل کړي.

قتیل زوی

تازه خبرونه

په افغانستان کې د سولې لپاره د امریکا او پاکستان همکاري اړینه ده – ویلیم تاد

Ariana News

خپور شوی

په

توسط

(Last Updated On: تله ۳, ۱۳۹۹)

ویلیم تاد، چې د ډونالډ ټرمپ لخوا په اسلام آباد کې د امریکا د استازي په توګه نومول شوی؛ د چارشنبې پر ورځ یې د مشرانو جرګې د بهرنیو اړیکو جرګه ګۍ ( کمیتې) ته ویلي، چې د امریکا او پاکستان ترمنځ همکاري په افغانستان کې د سولې او ثبات لپاره اړینه ده.

تاد زیاته کړې؛ په افغانستان کې سوله د دواړو هېوادونو په ګټه ده او دغې موخې ته د رسیدو لپاره د امریکا او پاکستان همکاري ګټوره او اړینه ده.

هغه دا هم ویلي: نن ټول هېوادونه په افغانستان کې د تلپاتې سولې لپاره ګډې ګټې پېژني.

نو موړي څرګنده کړې، چې: اسلام آباد د داسې شرایطو په رامنځته کولو کې کليدي رول لوبولی، چې نن افغان او طالب مشرانو د سولې خبرو اترو تاریخي پیل ته لار اواره کړې؛ خو اوس پاکستان د سیاسي خبرو اترو هوکړې ته د رسیدو لپاره د هڅو په ملاتړ کې خورا اړین رول لوبولی او غواړي، چې ۴۰ کلن جنګ پای ته ورسیږي.

تاد زیاته کړې؛ دا د پاکستان لپاره یو فرصت دی، چې په سیمه کې نوی او غوره رول ولوبوي.

نوموړي په ډاګه کړې، چې: د سیمې د خوزښت له مخې که څه هم مونږ له هند سره خواکمنې اړیکې لرو؛  خو دا باید د پاکستان په بیه نه وي. زه باور لرم، چې تر سمو شرایطو لاندې به مونږ له دواړو هېوادونو سره پیاوړې اړیکې ولرو.

هغه ویلي، چې له دیلي او اسلام آباد سره د واشنګتن نږدې اړیکې به په سیمه کې د تاوتریخوالي له کمولو سره مرسته وکړي.

دی وایي؛ زمونږ هیله دا ده، چې دواړه هېوادونه به د کړکیچ کمولو لپاره ګامونه پورته کړي او لکه څنګه، چې ولسمشر [دونالد ترمپ] وړاندیز کړی؛ مونږ چمتو یو، چې د دواړو خواوو په غوښتنه د دواړو هېوادونو تر منځ خبرو اترو ته لار اواره او آسانتیاوې رامنځته کړو.

هغه دا هم ویلي؛ دوی به له پاکستان سره په ګډه کار وکړي، چې له خپلې خاورې څخه د ترهګرۍ په له منځه وړلو او په سیمه کې د امنیت په زیاتولو کې ګډې ګټې ته وده ورکړي.

Continue Reading

تازه خبرونه

په جنګ ځپلو سیمو کې د ښځو وضعیت مخ په خرابیدو دی- څېړنه

Ariana News

خپور شوی

په

توسط

(Last Updated On: تله ۳, ۱۳۹۹)

د نړیوالې ژغورنې جرګه ګۍ څېړنه ښیي، چې له تېرو ۲۵ کلونو راپدیخوا ښځو او نجونو د جنسیتي   مساواتو له مخې نړیوال پرمختګ ندی کړی.

د څېړنې له مخې؛ پر نړیوالو لاسته راوړنو سربیره، په جنګ ځپلیو سیمو کې ښوونځیو ته تګ، سواد زدکړې، د زیږون سندونو ته لاسرسی او دې ته ورته له نورو برخو هم ښځې او انجونې له خراب حالت سره مخ شوې دي.

دغه څېړنه په ۱۰ هېوادونو؛ افغانستان، کولمبیا، د کانګو جمهوریت، ایتوپیا، عراق، میانمار، نایجیریا، پاکستان، تایلیند، یوګاندا، کډوالې کورنۍ او بې ځایه شويو خلکو کې جنسیتي مساوات تر څېړنې لاندې نیول شوي دي.

د څېړنې موندنې ښیي، چې له ۱۹۹۵ زېږدیز کال راپدیخوا ۴۴ سلنه کډوالي لوړه شوې، چې تر ۲۰۱۹ پورې له ۲۶ میلیون ډېر راجستر شوي دي.

په ۱۰ څېړل شویو هېوادونو کې افغانستان ۲.۷ میلیونه بې ځایه شوي لري، چې د داخلي بې ځایه شویو خلکو په سلو کې ۳۵۰ ډېروالي ښیي.

په ځینو برخو کې، د میرمنو او نجونو لاسته راوړنې خورا هڅونکې وې او له تېرو ۲۵ کلونو راپدیخوا په نړۍ کې د میندو مړینه ۳۸ سلنه راکمه شوې ( په ۲۰۱۷ کال کې په ۱۰۰۰۰ ژوندیو زیږونونو کې ۲۱۱ مړینې) وې.

افغانستان، ایتوپیا او پاکستان د میندو په مړینه کې ۵۰ سلنه کموالی ښیي.

د څېړنې له مخې؛ که څه هم په نړۍ کې لومړنيو او ثانوي ښوونځیو ته تګ ۱۱ سلنه ډېر شوی، د افغانستان په څېر هېوادونه هیڅکله هم له نړیوالو معیارونو سره برابر ندي.

پداسې حال کې، چې د ۱۹۹۵ کال را پدیخوا د نارینه وو پر پرتله د میرمنو د سواد کچه لوړه شوې (په ترتیب سره ۱۸ سلنه د  ۸ په پرتله ) میانمار د وخت له تېریدو سره د ښځینه وو دسواد کچه کمه کړې او له پرمختګ سره سره عراق، یوګانډا، نایجیریا، پاکستان، ایتوپیا او افغانستان د نړۍ له احصائیو سره د پرتلنې وړ ندي.

دا په داسې حال کې ده، چې افغانستان د کورني تاوتریخوالي ۴۶، ایتوپیا ۴۰ او د کانګو جمهوریت ۳۷ په سلو کې لوړوالی ښیي.

Continue Reading

تازه خبرونه

ترمپ غواړي، چې د ټاکیزو پایلو پرېکړه ستره محکمه وکړي

Ariana News

خپور شوی

په

توسط

(Last Updated On: تله ۳, ۱۳۹۹)

که د امریکا ولسمشر دونالد ترمپ د روان کال د نومبر د درېیمې په ټاکنو کې له ماتې سره مخ شي؛ نو د واک سوله ییز لیږد ته به زړه ښه نکړي او د ټاکنیزو پایلو په اړه پرېکړه به ستره محکمه وکړي.

جمهوریت غوښتونکي ترمپ په سپینه مانۍ کې خبریالانو ته په دې اړه، چې آیا هغه په ​​سوله ییزه توګه واک سپارلو ته چمتو دی؛ ویلي: باید وګورو، چې څه پېښیږي.

رویترز څرګنده کړې، چې ترمپ په ځلونو له ثبوت پرته د راتلونکیو ټاکنو مشروعیت تر پوښتنې لاندې راوستی او ټینګار یې کړی، چې رای ورکول به د پوست منجر له لارې پایلې له درغلۍ او جعل سره مخ کړي.

هغه زیاته کړې، چې د رایو صندوقونه یو ناورین دی.

دیموکراتانو پوست رایې له کرونا ویروس څخه د خوندیتوب لپاره هڅولي دي.

د امریکا اردو له کلونو راپدیخوا پوست رایې کاروي.

دیموکرات جوبایدن خبریالانو ته ویلي، چې د ترمپ څرګندونې منطق نلري.

د نوموړي ټاکنیزې ډلې ویلي، چې د د ترمپ هر راز شیطانت چچمتو والی لري. د امریکا حکومت د دې وړتیا لري، چې سرغړوونکي له سپینې ماڼۍ وباسي.

دا په داسې حال کې ده، چې ترمپ د چهارشنبه پر ورځ په ډاګه کړې: ټاکنې به په ستره محکمه کې پای ته ورسیږي. مونږ ۹ قاضیان لرو، چې خورا مهم دي.

Continue Reading
Advertisement

Trending