Connect with us

تازه خبرونه

د تېرکال په پرتله د تازه میوې په تو لید کې۵۰ سلنه زیاتوالي راغلي

Ariana News

خپور شوی

 په

(Last Updated On: September 21, 2017)

د سوداګرۍ خوني مسوولین  وايي،  د تېرکال په پرتله د تازه میوې په تو لید کې پنځوس سلنه زیاتوالي راغلي او د میوې صادارت هم ښه شوي دي.

د سوداګرۍ خونې مرستیال خانجان الکوزی وايي، که څه هم د تازه میوې فصل پای  ته ندی رسید لی؛ خو تر او سه پورې د تازه میوو د صادارتو له اړخه افغان سوداګرو ښه صادارت د رلو دل.

ښاغلی الکوزی زیاتوي، تر اوسه افغان سوداګرو د سیمې هېوادونو ته د ځمکي له لارې ۶۸ زره ټنه تازه میوه صادره کړې، چي ډېر يي انګوراو خټکي دي.

هغه دا هم ویلي، چې په روان کال کي د افغان صادارتو په وړاندې پاکستان هیڅ ستونزه هم  نده جوړه کړي.

نوموړي په ډاګه کړې؛ مونږه د پاکستان د واګې بندر له لاري هم صادارت درلودل او د تېر کال په پرتله مو قیمتونه هم لوړ شوي، چې نږدي پنځوس سلنه په کي زیاتوالی راغلی. هیله لرو، چي انار او مڼې به مو هم ښه بازار ولري.

د اقتصادي چارو یو شمېر کارپوهان وايي، که حکومت د صادراتو لپاره بازار موندني په برخه هڅي وکړي؛  د افغان باغ لرونکيو او سوداګرو مالونه به ښايي نړیوالو بازارو نو ته هم ورسیږي.

اقتصادي کارپوه حکیم الله صدیقي وایي، افغان حکومت نه باید یوازې په ګاونډ او د جنوبی آسیا هېوادونو  پر بازار اتکا وکړي، بلکې باید د منځنۍ آسیا هېوادونو ته هم خپل صادارت پراخ کړي، چې افغان سوداګر او باغ لرونکي زیاته  ګټه تر لاسه کړي.

د سوداګرۍ خو نه په ډاګه کوي؛ هڅي پیل شوي، چې د منځنۍ آسیا له لارې د دوه اړ خیز ترانزیت ستونزې حل او د دغو هېوادونو لپاره به هم صادارت پیل شي.

د سوداګرۍ او صنایعو وزارت مسوولین وايي، چي ډېر ژر به ولسمشر د منځنۍ آسیا له هېوادونو سره دوه اخیزه ترانزیتي هوکړه لاسلیک کړي.

خبریال: اسلم حجاب

تازه خبرونه

په کندهار ولایت کې پر جنګي جنایتونو د طالبانو تورنېدل

Ariana News

خپور شوی

په

توسط

(Last Updated On: August 3, 2021)

په افغانستان کې د امریکا او بریټانیا سفارتونو ویلي، چې کېدی شي طالبانو له ملکي وګړیو څخه د غچ اخیستنې پر مهال جنګي جنایتونه تر سره کړي وي.

د طالبانو د مذاکراتي ټیم غړي سهیل شاهین رویټرز ته دغه تورونه رد کړی او څرګندوي، چې د متحده ایالاتو او برتانیا سفارت ټویټونه بې بنسټه تورونه دي.

په کابل کې د امریکا سفارت په یوه ټویټ کې طالبان د کندهار ولایت په سپین بولدک ولسوالۍ کې د لسګونه ملکي وګړیو پر وژلو تورن کړي دي.

دغه راز په کابل کې د بریتانیا سفارت هم ورته ټویټ کړی او څرګندوي، چې دا وژنې جنګي جنایت هم ګڼل کیدی شي.

دغو سفارتونو ویلي، چې تر سره شوې وژنې باید وڅېړل شي او طالب جنګیالي یا مسوول قومندانان باید حساب ورکوونکي اوسي.

دغو بنسټونو په یوه بل ټویټ کې څرګنده کړې: د طالبانو مشرتابه باید د خپلو جنګیالیو د جرمونو په اړه حساب ورکړي. که تاسې اوس نشئ کولی خپل جنګیالي اداره کړئ؛ نو بیا د حکومتدارۍ په اړه به څه وکړئ.

دا په داسې حال کې ده، چې تېره ورځ د افغانستان د بشري حقونو کمیسیون د راپور له مخې؛ طالبانو په کندهار ولایت کې د ملکي وګړیو په وژلو او د هغوی د کورونو پر ویجاړولو غچ اخیستونکې وژنې کړې، چې له ملي او نړیوالو قوانینو سرغړونه ګڼل کیږي.

Continue Reading

تازه خبرونه

ملي شورا له جمهوري نظامه خپل ملاتړ څرګند کړ

Ariana News

خپور شوی

په

توسط

(Last Updated On: August 2, 2021)

د افغانستان ملي شورا په یوه تصویب شوې اعلامیه کې په ډاګه کړې، چې دا شورا له جمهوري نظام، حکومتي ځواکونو، لاسته راوړنو او سولې خبرو اترو ملاتړ کوي.

د ملي شورا ولسي جرګې او مشرانو جرګې په یوه ګډه اعلامیه کې له امریکا، ملګرو ملتونو او د اسلامي همکاریو له سازمان وغوښتل، چې له افغانستان څخه خپل ملاتړ  او مالي مرستې روانې وساتي.

نن دوشنبه د زمري ۱۱ ولسمشر محمد اشرف غني د ملي شورا په ځانګړې غونډه کې د طالبانو پر وړاندې د ولسي پاڅون غوښتنه وکړه او د ملي شورا پرغړیو یې غږ وکړ، چې په دې برخه کې همکاري وکړي.

ولسمشر محمد اشرف غني وایي: مونږ ته اوږه راکړئ، چې ړڼه راتلونکې جوړه کړو، له خپلو ولسي اړیکو ګټه پورته کړئ؛ ځکه هر استازې د زرګونه خلکو استازیتوب کوي. په دې توګه به د طالبانو پر وړاندې ملي او ولسي یووالی رامنځته او دښمنان به له پرېکنده ځواب سره مخ شي.                     

د ولسي جرګې مشر ټینګار کوي، چې ملي شورا له امنیتي ځواکونو، ولسي پاڅون والو او د جمهوریت نظام ساتنه خپل ملي مسوولیت بولي.

د ولسي جرګې مشر میررحمان رحماني وایي: مونږ له امنیتي ځواکونو ملاتړ کوو او د ملي شورا غړي به یې تر څنګ ولاړ وي. دغه راز د اردو په چوکاټ کې له ولسي پاڅونونو ملاتړ به مونږ په سپیڅلې ژغورنه کې بریالي کړي.          

ملي شورا له جمهوري نظام او افغان ځواکونو څخه د ملاتړ لپاره ګډه اعلامیه خپره کړه، چې په کې له نړیوالې ټولنې څخه پرمرستو ټینګار شوی دی.

د مشرانو جرګې لومړی مرستیال محمد علم ایزدیار وایي: ملي شورا د حکومت د درې ګونه ځواکونو څخه د یوه ځواک په توګه له نظام، امنیتي ځواکونو او سولې بهیره خپل ملاتړ اعلاموي. ملي شورا له جمهوریت، اساسي قانون، بیان آزادي، ښځو ونډه او وګړنیزو حقونو ملاتړ کوي او نه پرېږدي، چې د تېرو لسیزو لاسته راوړنې زیانمنې شي.                

د ملي شورا د ځانګړې ناستې په پای کې د ولسي جرګې ځینو غړیو د ولسمشر خبرو ته داسې غبرګون وښود.

په ولسي جرګه کې د فراه استازې بلقیس روشن وایي: نننۍ ناسته یوه تشریفاتي ناسته وه او هغه څرګندونې ، چې واورول شوې؛ عملي ندي. دغه ناسته پر بنسټیزو مسلو، چې د پاکستان جنګ او د ایران لاسوهنې دي؛ راونه څرخېده.                 

په ولسي جرګه کې د بلخ استازي ګل رحمان همدرد ویلي: د دسیسو پر وړاندې بحث یوه اړتیا ده، چې ترې یادونه وشوه. ملي یووالی کولی شي د هېوادنیو ستونزو پر وړاندې مونږ غوښتلي کړي.              

د ولسي جرګې د ځینو غړیو د څرګندونو له مخې، هېواد له سترې تاریخي آزموینې سره مخ دی او له روان کړکېچه د وتلو لپاره اړتیا ده، چې ټول بهیرونه یوه خوله وي.

Continue Reading

تازه خبرونه

د طالبانو پر وړاندې د ولسونو له درېدو ملاتړ وکړئ ـ اشرف غني

Ariana News

خپور شوی

په

توسط

(Last Updated On: August 2, 2021)

ولسمشر اشرف غني نن دوشنبه د زمري ۱۱ د ملي شورا د دواړو جرګو په ناسته کې د اړوند ولایتونو له استازیو وغوښتل، چې د طالبانو پر وړاندې دې ولسونه درېدو ته وهڅوي.  

نن دوشنبه د زمري ۱۱ ولسمشر محمد اشرف غني د ملي شورا په ځانګړې غونډه کې د طالبانو پر وړاندې د ولسي پاڅون غوښتنه وکړه او د ملي شورا پرغړیو یې غږ وکړ، چې په دې برخه کې همکاري وکړي.

 د هېواد په دې روان ترینګلي امنیتي حالت کې ولسمشر غني د ملي شورا ځانګړې ناستې ته طالبان فتنه، خوارج او شریر یاد کړل او خبرداری یې ورکړ، چې که د سولې رښتینو خبرو ته زنګون پر زنګون حاضر نشي، د جګړو په ډګرونو کې به یې زنګونونه مات شي.

ولسمشر محمد اشرف غني وایي: مونږ ته اوږه راکړئ، چې ړڼه راتلونکې جوړه کړو، له خپلو ولسي اړیکو ګټه پورته کړئ؛ ځکه هر استازې د زرګونه خلکو استازیتوب کوي. په دې توګه به د طالبانو پر وړاندې ملي او ولسي یووالی رامنځته او دښمنان به له پرېکنده ځواب سره مخ شي.                     

ولسمشر غني امنیتي بنسټونو ته امر کړی، چې د ترهګرو ډلو د ائتلاف او فتنې مخه دې ونیسي.

نوموړی وایي: زما ژمنه دا ده، چې د هیڅ ورانکارې ډلې پر وړاندې زنګون نه وهم یا د خبرو په میز کې زنګون پر زنګون کېنم او یا به یې د جګړو په ډګرونو کې زنګونونه مات شي.

ولسمشر غني ویلي، چې طالبان پر سوله باور نلري او د یوې تحمیلي جګړې په لټه کې دي. له همدې کبله وه، چې د سولې خبرې یې د جمهوریت د تخریب لپاره د فشار او د یوې یرغلګرې ډلې لپاره مشروعیت ورکول وګڼل شول.

هغه زیاتوي: سولې ته رسېدل زمونږ لومړیتوب دی؛ خو طالبان او ملاتړي یې فتنې جوړوي.

ولسمشر غني ټول سیاسي بهیرونه او خلک یووالي ته را وبلل، څو د سترو دسیسیو په وړاندې ودریږي.

اشرف غني ویلي: د ملامت او سلامت د بېلولو وخت نلرو؛ قضاوت خلکو ته پرېږدو او ټینګار مو پر ملي یووالي راڅرخي. مونږ له ملي آزمون سره مخ یو؛ ځکه یو موټي اجیرو عناصرو او وینه توییوونکیو د الله پاک کلام تر پښو لاندې کړی او د خلکو پر ژوندانه تېری کوي.  

ولسمشر په شپږ راتلوونکیو میاشتو کې د امنیتي حالت د بدلولو ډاډ ورکوي او په دې اړه وایي، چې حکومت په دې اړه ستر پلان لري او امنیتي ځواکونو ته امر کوي، په پرېکنده ډول د طالبانو پر وړاندې ودریږي.

غني زیاتوي: زمونږ امنیتي پلان ښکاره دی او تر ۶ میاشتو به دا حالت مدیریت شي؛ اردو به پر ستراتیژیکې دفاع څرخي، پولیس به ښاري امنیت خوندي کوي او ملي امنیت به د ولسي یووالي چارې پر غاړه اخلي. د دې پروګرام د پلي کېدو لپاره نړیوال ملاتړ له ځان سره لرو.    

په همدې حال کې ولسمشر غني د اوسني کړکېچ د ژغورنې لار له امنیتي ځواکونو پراخ ملاتړ بولي او وایي، چې یو موټی ملت کولی شي افغانستان د بهرنیانو له دسیسو وژغوري.

Continue Reading

Trending

آریانا نیوز: ټول حقونه خوندي دي