تازه خبرونه
د افغان پوځ روزنې او ملاتړ لپاره نورو امریکايي سرتېرو ته اړتیا ده- جنرال جوزف ووتل
په منځني ختیځ کې د امریکا تر ټولو لوړپوړي پوځي چارواکي د متحده ایالتونو پارلمان ته ویلي، چې د افغان ځواکونو د روزنې او ملاتړ لپاره په افغانستان کې له دې ډېرو امریکايي ځواکونو ته اړتیا ده.
په داسې حال کې، چې په افغانستان کې د جګړې فصل ته د ګوتو په شمېر شپې و ورځې پاتې دي او په ډېرو سیمو کې وار له مخه جګړه توده ساتل شوې ده.
د امریکا د پوځ د مرکزي قومندانې قومندان جنرال جوزف ووتل په ډاګه کړې، چې مونږ له دفاع وزیر سره په خبرو اخته یو؛ زما په باور د افغانستان ماموریت نورو نړیوالو سرتېرو ته اړتیا لري. دا هر څه زمونږ د سلا مشورې او روزنې د غښتلي کولو لپاره مهم دي.
که څه هم نوموړي په ډاګه نه کړه، چې څومره نورو سرتېرو ته اړتیا ده؛ خو له دې مخکې په افغانستان کې د ناتو د غوڅ ملاتړ قومندان ویلي وه، چې په افغانستان کې نورو زرګونه سرتېرو ته اړتیا ده. امریکايي پوځيان په دې باوردي، چې یوازې او یوازې د سرتېرو د شمېر زیاتول د افغانستان له ثبات سره مرسته نه شي کولی.
د نوموړي په وینا؛ په افغانستان کې بهرنیو زیان اړوونکیو ډلو د دغه هېواد وضعیت پېچلی کړی دی. د هغو ډلو ځواکمنتیا، چې په دې هېواد کې دننه او له پاکستان سره پولې ته نږدې فعالیت کوي او ترې د هغو ملاتړ اوس هم د ستونزې په توګه په مخ کې لرو او د اندېښنې وړ ده.
په افغانستان کې له وسلوالو سخت دریځو د پاکستان ملاتړ له پخوا راهیسې د امریکايي قومندانانو له خولو اوریدل کیږي؛ هغه څه، چې د دوی په وینا په افغانستان کې یې د امریکا لاسته راوړنې له ګواښ سره مخ کړې دي.
د نوموړي په وینا؛ امریکا به پر پاکستان خپل دیپلوماتیک فشار وساتي، چې د سخت دریځو امن ځایونه ویجاړ او د افغانستان او پاکستان تر منځ په سیمو کې امنیت رامنځته شي.
امریکايي چارواکي په دې باور دي؛ نږدې شل سخت دریځي وسلوالې ډلې په پاکستان او افغانستان کې فعالیت کوي، چې وسلوال طالبان دغو ډلو ته د زمینو په برابرلو کې مهم رول لوبوي.
خبریاله نذیره کریمي
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه4 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ2 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
نړۍ4 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
لوبی5 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه4 days ago
راشد خان د افغان بیسیم سوداګریز سفیر شو
-
لوبی2 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
لوبی4 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه4 days ago
د ایران ولسمشر پر درې ورځني سفر پاکستان ته ولاړ