Connect with us

تازه خبرونه

د افغان سولې امریکایي استازی خلیلزاد کابل ته راځي

Ariana News

خپور شوی

 په

(Last Updated On: وری ۱۰, ۱۳۹۸)

د افغان سولې لپاره د امریکا ځانګړی استازی زلمی خلیلزاد سبا ته له اروپا څخه د کابل پر لوري را خوځيږي.

د امریکا د بهرنیو چارو وزارت مسوولینو ویلي؛ خلیلزاد به له افغان حکومت له مشرانو او سیاسیونو سره د امریکا او طالبانو تر منځ پر خبرو بحث وکړي او دوی به د سولې په اړه  د یو هر اړخیز پلاوي جوړولو ته وهڅوي.

د ولسمشریزو ټاکنو نوماند شیدا محمد ابدالي ویلي، چې مونږ به هغه وخت بریالي شو، چې د افغانانو تر منځ خبرو ته زمینه برابره شي. په دې هیله، چې خلیلزاد دا ځل د یادو خبرو زمینه د حکومت، سیاسي ګوندونو او د افغانستان د مشرانو په ګډون رامنځته کړي.

ولسمشر اشرف غني هم د سولې په خبرو کې د یوه غښتلي دریځ او یو موټي دریځ د خپلولو لپاره له ځینو هغو سیاستوالو سره خبرې پیل کړي، چې له وسلوالو طالبانو سره د سولې د خبرو پر یوه میز ناست ول.

د ولسمشرۍ ویاند محمد هارون  چخانسوري وايي، چې ولسمشر غني د پخواني ولسمشر حامد کرزي په ګډون له اجرائیه رییس عبدالله عبدالله، استاد سیاف، سروردانش، محمد کریم خلیلي سره پر افغان سوله خبرې کړې دي.

د نوموړي د څرګندونو له مخې د دې ناستې موخه داوه، چې د سولې بېلابېلې هڅې دې نږدې شي او له نورو سیاسي اړخونو سره به هم ورته خبرې کیږي.

د افغان سولې لپاره د امریکا د بهرنیو چارو وزارت ځانګړي استازي د خپل روان سفر په لړ کې لومړی اروپا ته ولاړ او له بریتانوي چارواکو سره یې پر افغان سوله له خبرو وروسته په بروکسل کې د ناتو له عمومي منشي سره هم وکتل.

د اجرائیه ریاست د ویاند مرستیال امید میثم وایي، چې  اړتیاده، چې په سیمه او نړۍ کې د رښتینې سولې لپاره ګډې هڅې ډېرې شي او مونږ د سولې خبرو د پایلو لیدونکي شو.

زلمی خلیلزاد، چې په قطر کې له طالب استازیو سره شپږم پړاو خبرې په مخ کې لري، پاکستان، اربکستان او اردن ته هم به سفرونه وکړي.

خبریال: خالد نیکزاد

تازه خبرونه

د کابل په افغان جاپان روغتون کې ناروغان بې پاملرنې پاتې دي

Ariana News

خپور شوی

په

توسط

(Last Updated On: چنګاښ ۱۷, ۱۳۹۹)

په کابل کې د افغان جاپان روغتون ناروغ لرونکیو ویلي؛ په دې روغتون کې ناروغانو ته درملنه نشته او  له روغتیایي پاملرنو څخه یوازې د اکسیجن د یو بالون کارولو شونتیا پاتې ده، چې هغه هم د کارولو پر وخت د ناروغ لرونکيو لخوا چمتو کیږي.

د دغه روغتون مشر احمد ظاهر سلطاني ویلي؛ وضعیت مدیریت شوی او د ناروغانو او ناروغ لرونکیو لپاره هر څه تر سره کیږي.

پر کرونا ویروس د اخته کسانو په شمېر کې لږوالی راغلی؛ خو د مړینې کچه لوړه شوې ده.

د عامې روغتیا وزارت د څرګندونو له مخې په تېرو څلیریشت ګړیو کې پر کرونا اخته ۳۴ ناروغان مړه شوي او ۲۳۹ نورې مثبتې پېښې ثبت شوې دي.

له عامې روغتیا وزارت سره پر کرونا د اخته کسانو شمېر ۳۳۱۹۰ ته رسیدلی، چې تر دې دمه ترې ۸۹۸ مړه شوي او ۲۰۰۰۰ نور رغیدلي دي.

Continue Reading

تازه خبرونه

په حکومت کې د ګمرک میلیونونه عواید هر کال بې ځایه ځي

Ariana News

خپور شوی

په

توسط

(Last Updated On: چنګاښ ۱۶, ۱۳۹۹)

د افغانستان د روڼتیا څار بنسټ څرګنده کړې؛ په ګمرکونو کې پر فساد ککړ کسان، سیمه ییز زورواکي او حکومتي څېرې دي، چې د ګمرک عواید بې ځایه لګوي.

د  هرات ولایتي شورا غړي غلام هاشم ویلي، لس باروړنکي موتر په یوه نمبر پلیټ له محصول پرته بهر وځي او هره ورځ له سلګونه تېل ټانکرو او اضافه بار ټولګو محصول نه اخیستل کیږي.

د اسلام کلا ګمرک چارسمبالی مصطفی حکیمي تائیدوي، چې د سوداګریزو مالونو محصول د زورواکو د لاسوهنو له کبله نه اخیستل کیږي او کارونه د زور او ګواښ له مخې پر کارکوونکیو تر سره کیږي. ان یو شمېر کارمندان د بشري سرچینو د مدیر په ګډون ډبول شوي هم دي.

د هرات والي احمد وحید قتالي څرګنده کړې؛ د یوې سوداګریزې ټولګې له درې میلیون محصول یوازې ۳۰ زره افغانۍ ورکول کیږي. ان له ټګۍ برګۍ کار اخلي؛ اضافه بار، ناقانونه مالونه او بدل جنس تېرول یې ښکاره خبره ده.

د افغانستان د ګمرکونو په تړاو د افغانستان روڼتیا څار څېړونکي ناصر تیموري په ډاګه کوي، چې هر کال د زورواکو، په فساد کې د ککړو سیمه ییزو او مرکزي چارواکو په لاسوهنهپه میلیونونو ډالر ځانګړیو جېبونو ته ځي او له هوسونو ځاریږي.

دغه بنسټ زیاته کړې، چې په ګمرکونو کې له رڼښت او سیالۍ پرته ګمارنو دا جوړښت فاسد کړی دی.

 مالیې وزارت ویاند شمروز خان مسجدي که څه هم په ګمرکونو کې فساد تائیدوي؛ خو د فساد پر پوره څېړنې ټينګار هم د یادونې وړ بولي او وایي: مونږ له شک پرته منو، چې فساد شته؛ خو مونږ د والیانو د موندنو په تمه یو، چې د کومې څېړنې له مخې یې دا معلومات تر لاسه کړي دي.

د اداري سمونونو او ملکي خدمتونو خپلواک کمیسیون ویاند فرید احمد حقمل ویلي؛ تر دې دمه ټولې ګومانې او ټاکنې مالیې وزارت تر سره کړي او په دې کې د اصلاحاتو خپلواکې ادارې ته هیڅ واک ندي ورکړشوی؛ خو ټاکل شوې، چې د ولسمشر په سپارښتنه د ګمرکونو ټولې څوکۍ د آزادې سیالۍ له لارې د ګومارنې لپاره وړاندې شي.

د مالیې وزارت په ډاګه کړې؛ په ګمرکونو کې یې سکنرونه ایښي، چې د فساد مخنیوی پرې شوی او په ځینو ګمرکونو کې د فساد لپاره سکنرونه غیر فعال ساتل شوي دي.

Continue Reading

تازه خبرونه

په کابل کې د ۱۸ هېوادونو د استازیو د سولې سیمه ییزه ناسته تر سره شوه

Ariana News

خپور شوی

په

توسط

(Last Updated On: چنګاښ ۱۶, ۱۳۹۹)

د افغانستان حکومت د دوشنبې پر ورځ په کابل کې د ۱۸ هېوادونو، ملګروملتونو او د اسلامي همکارۍ د ټولنو د استازیو په ګډون د سولې بهیر د سیمه ییزې ناستې کوربتوب تر سره کړ.

دغه ویدیوي ناسته، چې د افغانستان د بهرنیو چارو وزارت چارسمبالي حنیف اتمر یې مشري کوله؛ د ولسمشر اشرف غني له وینا سره پیل شوه.

د بهرنیو چارو وزارت مسوولینو ویلي؛ دغه ناسته د سیمه ییزې اجماع د پیاوړتیا لپاره تر سره شوه، چې په کې د تاوتریخوالي پر کمښت، د خپلمنځي خبرو پیل، اوربند ته رسیدل او د طالب بندیانو پر خوشې کولو هر اړخیزې خبرې را وڅرخیدلې.

د خپلمنځی خبرو د پیلولو لپاره دغه ناسته په داسې حال کې جوړیږي، چې ښکېلو خواوو جګړه روانه ساتلې او تاوتریخوال هم ډېر شوی دی.

طالبانو د ټواو بندیانو خوشې کیدل د خپلمنځي خبرو او اوربند لپاره شرط ایښی او حکومت هم د ټولو حکومتي بندیانو خوشې کول د شرطه په توګه وړاندې کړي او وایي، چې د ځانګړیو څېرو خوشې کول، چې طالبان پرې ټینګار کوي ؛ ناشونې ده.

د حکومتي سرچینو د څرګندونو له مخې؛ له تېرو ۲۴ ګړیو راپدیخوا طالبانو په ۶ ولایتونو کې ۳۶ بریدونه کړي او افغان ځواکونه ور سره ښکېل پاتې شوي دي.

وګورو، چې د ملګرو ملتونو او اسلامي هېوادونو د همکارۍ ټولنې به وکړای شي، چې په جګړه کې ښکېلې خواوې اورکم ته راضي او خپلمنځي خبرو ته زمینه برابره کړي او که نه!

Continue Reading

Trending