Connect with us

تازه خبرونه

د سیاسي هڅاند وحید مژده مړی خاورو ته وسپارل شو

خپور شوی

 په

(Last Updated On: لړم ۳۰, ۱۳۹۸)

یو شمېر سیاسي هڅاندو ویلي، چې حکومت باید د مژده وژونکي پیدا او پر سزا ورسوي.

د ارواښاد وحید مژده د جنازې په مراسمو کې سیاسي هڅاند له حکومت وغوښتل، چې دا قضیه وڅاري او که یې عاملین پیدا نشي؛ له ولسمشره نیولې ان د  حکومت ټولې اړوند ادارې په دې پېښه کې ګرم دي.

دوی ویلي، مژده ته له دې مرګوني برید مخکې ګواښنې شوې وې؛ خو په وینا یې ولې یې حکومت د ساتنې لپاره اقدام ونکړ.

سیاسي هڅاند موسی فریور ویلي، چې وحید مژده مخالفینو ندی وژلی. نوموړی هغه چا وژلی، چې ځان د آزادۍ ساتونکی بولي.

د نوموړي د څرګندونو له مخې؛ باید د مژده قاتلین د محکمې میز ته راکاږل شي؛ ځکه، چې پېښه په کابل کې شوې او د ملي وحدت حکومت یې باید ځواب ورکړي.

وحید مژده په سیاسي بحثونو کې تل پر حکومت نیوکې کړي او له دې پېښې وړاندې د سیاسي چارو بل  فعال حسن حقیار هم په پل آرتل سیمه کې د وسلوالو په برید کې ټپي شوی و.  

د یادونې ده، چې د سیاسي چارو هڅاند وحید مژده د چارشنبې پر ماښام( د لړم ۲۹) د دوه موتر سایکل سپرو لخوا پر ډزو وژل شوی دی.

خبریال: اسلم حجاب

تازه خبرونه

په بادغیس ولایت کې زلزلې ۳۰ کسانو ته مرګ و ژوبله اړولې

خپور شوی

په

توسط

(Last Updated On: مرغومی ۲۸, ۱۴۰۰)

سیمه ییزو چارواکو څرګنده کړې، چې د دوشنبې پر ورځ د افغانستان په لويدیځ بادغیس ولایت کې زلزلې  ۲۶ کسان مړه کړي، ۴ ژوبل او سلګونه کورونه ویجاړ شوي دي.

رویټرز د سیمه ییزو چارواکو لخوا د خپاره شويو انځورونو له مخې څرګنده کړې، چې د ریښتر پر کچه ۵ اعشاریه ۶ درجې زلزلې له ترکمنستان سره پر ګډه پوله پروت بادغیس ولایت ولړزاوه، چې او له خښتو جوړ شوي سلګونه کورونه یې ویجاړ کړل.

د بادغیس ولایتي ادارې د اطلاعاتو او فرهنګ مشر باز محمد سروري  زیاته کړې: له بده مرغه زمونږ لومړني راپورونه ښيي، چې د پېنځه ښځو او څلور ماشومانو په ګډون ۲۶ کسان مړه شوي او څلور نور ټپیان دي.

نوموړي د اسلامي امارت ځواکونو ته په نغوته کې څرګنده کړې: مجاهدین یو شمېر زیانمنو سیمو ته رسېدلي؛ خو بادغیس یو غرنی ولایت دی ښايي د تلفاتو شمېر له دې هم لوړ شي.

هغه زیاته کړې، چې اوس هم په سیمه کې سخت باران روان دی.

د رویټرز د راپور له مخې؛ د افغانستان د بېړنیو چارو وزارت د بېړنیو عملیاتو مرکز مشر ملا جانان ساقي د وژل شویو کسانو شمېر تائید کړی او ویلي یې دي، چې له ۷۰۰ ډېر کورونه زیانمن شوي دي.

د بادغیس په مرکز کې د مرکزي روغتون د نرسنګ مشر ثناء الله ثابت وایي؛ دوی ته د زلزلې پېنځه ټپیان ورلېږدول شوي، چې د ډېرو یې هډوکي مات شوي دي.

د اروپایي سرچینو د څرګندونو له مخې، یاده زلزله ۳۰ کیلومټره ( ۱۸ اعشاریه ۶۴ میله) ژوروالی لري.

Continue Reading

تازه خبرونه

پاکستان د افغانستان پر ختیځو سیمو ۲۱ توغندي توغولي – چارواکي

خپور شوی

په

توسط

(Last Updated On: مرغومی ۲۸, ۱۴۰۰)

د ختیځ زون پوځي چارواکو آریانا نیوز ته څرګنده کړې، چې د یکشنبې پر شپه ډیورنډ کرښې ته نږدې د کونړ ولایت په سرکاڼو ولسوالۍ کې د اسلامي امارت او پاکستانيو ځواکونو ترمنځ نښته شوې ده.

چارواکو په ډاګه کړې؛ پاکستانيو ځواکونو د افغانستان پر لوري ۲۱ توغندي وتوغول، چې مرګ و ژوبله نلري.

د ختيځ زون د لومړۍ سرحدي لوا وياند حمدالله همدرد ويلي، چې د اسلامي امارت ځواکونو هم پر پاکستانيو ځواکونو يو شمېر توغندي توغولي دي.

دغه راز ویل کیږي، چې د کونړ ولایت په سرکاڼو ولسوالۍ کې د اسلامي امارت او پاکستانيو ځواکونو ترمنځ نښته هم شوې ده.

حمد الله همدرد زیاته کړې، چې جګړه د شپې تر ۹ بجو روانه وه. د نښتې لامل د پاکستانيو ځواکونو برید و، په ځواب کې یې د اسلامي امارت ځواکونو توغندي توغولي او ښايي مرګ و ژوبله یې هم اړولې وي. زموږ ځواکونو او خلکو ته مرګ و ژوبله نده اوښتې.

د اسلامي امارت چارواکو ویلي، چې د ډیورنډ کرښې په اوږدو کې د پاکستانيو ځواکونو د بریدونو د مخنیوي لپاره ۳۲ نوې پوستې جوړوي.

Continue Reading

تازه خبرونه

په چین کې د زیږون کچه ډېره راټیټه شوې

خپور شوی

په

توسط

(Last Updated On: مرغومی ۲۸, ۱۴۰۰)

د چين د احصائې ملي ادارې د دوشنبې پر ورځ ( د مرغومي ۲۷ ) څرګنده کړې، چې په ۲۰۲۱ زېږدیز کال کې د زېږون کچه په هرو زر کورنیو کې ۷.۵۲ راټيټه شوې ده.

چین په ۲۰۱۶ زېږدیز کال کې د څو ماشومانو پالیسي له منځه یوړه او پر ځای یې د دوه اولادونو محدودیت وضع کړ، چې له اقتصادي ستونزو څخه د وګړیو د ژر زړښت مخه ونیسي؛ خو د ښاري ژوند لوړ لګښت د ډېرو ماشومانو د لرلو مخه ونیوله.

له همدې کبله کله، چې د احصائې ادارې په دې اړه د معلوماتو راټولول پیل کړل؛ نو په ‌ډاګه شوه، چې  د زیږون کچه له ۱۹۴۹ کال راپدیخوا ترټولو ټیټه شوې ده.

د چین د وګړیو د طبیعي ودې کچه له کډوالۍ پرته د ۲۰۲۱ لپاره یوازې ۰.۰۳۴ سلنه ده، چې له ۱۹۶۰ راپدیخوا ترټولو ټیټه کچه ده.

د پن پواینټ شتمنیو مدیریت مرکز لوی اقتصاد پوه ژی وی ژانګ ویلي؛ د نفوس ننګونه ښه پېژندل شوې؛ خو د وګړیو د عمر کچه په څرګنده توګه د تمې په پرتله ګړندۍ روانه ده.

دا ارقام ښیي، چې په ۲۰۲۱ زېږدیز کال کې ۱۰.۶۲ میلیون د ۲۰۲۰ کال پر پرتله، چې ۱۲ میلیون ماشومان ول؛ زېږېدلي دي.

د یادونې ده، چې په چین کې د زیږون کچه د ۲۰۲۰  کال له مخې په هرو ۱۰۰۰ خلکو کې ۸.۵۲ سلنه ده.

Continue Reading

Trending

Copyright © 2022 Ariana News. All rights reserved!