Connect with us

تازه خبرونه

د غزني په آب بند کې موتربم برید ۱۵ سرتېرو ته مرګ و ژوبله اړولې

Avatar

خپور شوی

 په

(Last Updated On: زمری ۵, ۱۳۹۸)

د غزني ولایت د رسنیو دفتر په ډاګه کړې، چې وسلوالو طالبانو د شنبې پر ورځ( د چنګاښ۵) د سهار څلورنیمې بجې د دغه ولایت د آب‌ بند ولسوالۍ او امنیه قومندانۍ پر ودانیو موټربم برید کړی، چې په کې ۳ امنیتي سرتېري وژل شوي او ۱۲ نور ټپیان دي.

د غزني د آب ‌بند  ولسوال جمعه خان تره کي رسنیو ته د دې برید په اړه په ډاګه کړېي، چې په دې پېښه کی څلور پوليس وژل سوي او ۱۷  نور ټپیان دي.

د ولسوال د څرګندونو له مخې؛ چاودنه خورا زوروره وه او د ولسوالۍ مرکز په بشپړه توګه له منځه تللی دی.

طالب ویاند ذبیح الله مجاهد د پېښې مسوولیت منلی او څرګندوي؛ په دې برید کې یې د ولسوالۍ ودانۍ په بشپړ ډول له منځه وړي او په کې میشت لسګونه پولیسو او عسکرو ته مرګ و ژوبله اوښتې ده.

د برید د ځاني زیان په اړه بشپړ جزئیات ندي تر لاسه شوي.

تازه خبرونه

په افغانستان کې له تېرو ۲۴ ګړیو راپدیخوا کرونا ویروس ۹ کسان مړه کړي

Avatar

خپور شوی

په

توسط

(Last Updated On: غبرګولى ۱۶, ۱۳۹۹)

د عامې روغتیا وزارت ویلي؛ په هېواد کې له کرونا ویروسه درې کسان په بلخ، ډوه ـ دوه په هرات، سمنګان او کندوز ولایتونو کې مړه شوي او ۱۷۸ نور د هېواد له بېلابېلو روغتونونو کورونو ته رخصت شوي دي.

د دوی د څرګندونو له مخې؛ له تېرو څلیریشت ګړیو راپدیخوا په هېواد کې  ۹۱۵ نوې مثبتې پېښې ثبت شوي، چې ۴۲۳  یې د کابل، ۲۰۱ د هرات، ۱۱۶ د بلخ، ۲۹ د کندوز، ۲۳ د کونړ، ۲۱ د کندهار، ۲۱ د فراه، ۲۱ د سرپل، ۲۰ د هلمند، ۱۵ د سمنګان، ۱۱ د پکتیا، ۷ د ننګرهار، ۴ د میدان وردک او ۳ نور د لغمان ولایتونو دي.

له دې سره په ټول هېواد کې پر کرونا ویروس د اخته کسانو شمېر ۱۸۹۶۹ ته پورته شو.

د وروستیو څرګندونو له مخې؛ په هېواد کې له کرونا ویروسه ۳۰۹ کسان مړه شوي او ۱۷۶۳ نور رغیدلي دي.

Continue Reading

تازه خبرونه

فیسبوک د حکومتونو ترڅارنې لاندې رسنۍ په نښه کوي

Avatar

خپور شوی

په

توسط

(Last Updated On: غبرګولى ۱۶, ۱۳۹۹)

د فیسبوک نړیوالې شبکې په ډاګه کړې، چې د حکومتونو تر څارنې لاندې ټولو رسنیزو شبکو ته ځانګړې نښې جوړوي.

فیسبوک ټولنیز شرکت غواړي یو شمېر رسنیزې پاڼې لکه د روسیې سپوتنیک، د ایران پریس ټي وي او د چین سیهنووا خبري آژانس د منفی او دولتي تبلیغاتو د مخنیوي لپاره ځانګړې نښې وکاروي.

له دې کاره موخه د خلکو پوهول ښودل شوي، چې دا رسنۍ نا دولتي ندي، بلکې د دولت لخوا څارل کیږي.

فیسبوک تېره ورځ  په یوه اعلامیه کې په ډاګه کړې، چې په سږني دوبي کې به د امریکا له ولسمشریزو ټاکنو مخکې د دغو رسنیو ټولې خبرتیاوي او تبلیغات دلته بند شي.

فیسبوک څرګندوې: مونږ دغو خپرونکیو ته د روڼتیا زمینه برابروو؛ ځکه، چې دوی د رسنیو له لارې دولتي ستراتیزیکې موخې پالي او مونږ باید خلک او اوریدونکي وپوهوو، چې څه اوري او ګوري له دولتي اغېزه برخمن دي.

دې بنسټ دا هم په داګه کړې، چې ناپېیلې او نادولتي رسنۍ به په نښه نشي.

فیسبوک په بشپړ ټینګار څرګنده کړې، چې د امریکا په ولسمشریزوټاکنو کې د بهرنيو لاسوهنو د مخنیوي لپاره  یې دا پرېکړه کړې ده.

فیسبوک شرکت په دې وروستیو کې د خپلو کارکوونکیو له نیوکو سره مخ شوی، چې ولې یې د ټول هېواد په کچه د روان تاوتریخوالي په اړه د ولسمشر ډونالډ ټرمپ د ګواښونو مخنیوی ندی کړی.

Continue Reading

تازه خبرونه

د  دیني عالم ډاکټر ایاز نیازي مړی پر ځانګړیو مراسمو خاورو ته وسپارل شو

Avatar

خپور شوی

په

توسط

(Last Updated On: غبرګولى ۱۵, ۱۳۹۹)

د  افغانستان د وتلي دیني عالم ډاکټر ایاز نیازي مړی نن پر ځانګړیو مراسمو د وزیر محمد اکبرخان لوی جومات په انګړ کې، چې خطیب یې هم و؛ خاورو ته وسپارل شو.

 ایاز نیازی وړم ماښام په وزیر محمد اکبر خان جامع جومات کې دننه په یوه چاودنه کې لومړی سخت ټپي او بیا یې په روغتون کې ساه ورکړه.

هو! هغه رسا غږ، نور د تل لپاره دغلته تر خاورو لاندې شو.

ایاز نیازی، چې د مصر په الازهر کې یې  دوه ماسترۍ او یوه ډاکټري تر لاسه کړې وې؛ نه یوازې یې په تلویزیوني بحثونو کې دیني لارښوونې کولې، بلکې د مرګ تر ګړۍ یې له ولسونه خبله پوه نه ده سپمولې.

د ارشاد، حج او اوقاقو وزارت چارسمبالی عبدالحکیم منیب دا پېښه د نورو دیني عالمانو لپاره د عطف ټکی بولي او وایي؛ دا پېښه په هر اړخیز ډول څېړل کیږي او د حقیقت موندنې د پلاوي مشري به هم زه پخپله کوم.

طالبانو دا پېښه غندلې او  لوی جنایت یې بولي.

د ولسمشر لومړي مرستیال امرالله صالح تازه پخپلې فیسبوک پاڼې څرګنده کړې، چې طالبان نشي کولی په لنډو جملو کې له دا راز پېښو ځان سپین ثابت کړي.

نوموړي زیاته کړې؛ زیاتره هغه عالمان په افغانستان کې پر نښه کیږي، چې له پاکستان پرته نورو هېوادونو کې یې زدکړې کړې وي.

Continue Reading

Trending