تازه خبرونه
د طالب بندیانو د خلاصون بهیر یو ځل بیا له تخنیکي ستونزو سره مخ شو
د حکومت او طالبانو تخنیکي ډلې په څلورمه ورځ هم ونه توانیدلې د بندیانو د خلاصون پر سر هوکړې ته ورسیږي.
طالبانو ته نږدې سرچینو ویلي، د حکومت لخوا تازه شرطونو دا بهیر له ننګونو سره مخامخ کړی.
جلال الدین شینواری، د طالبانو پخوانې قاضي القضات، وایي: “د نویو شرطونو وړاندیز د بندیانو د خلاصون لړی ستونزمنه کړې.”
په همدې حال کې د حکومت د مرکچي پلاوي ځینې غړي وایي، د بندیانو د خلاصون بهیر اوږدېدو د افغانانو د خپل منځي خبرو پر پیل، منفي اغیز کړي دي.
حکومت تر اوسه د نویو شرطونو په هکله څه نه دي ویلي، خو سرچینو ویلي چې حکومت د بندیانو د خلاصون په بدل کې د تاوتریخوالي د کمي غوښتنه کړې، هغه څه چې ملګرو ملتونو او اروپایي ټولنې هم پرې ټینګار کړې دې.
انتونیوګوترز، د ملګرو ملتونو د سازمان سرمنشي، ویلي: “زه باور لرم چې اوس د دې وخت رسیدلي څو دولت او طالبان د هیواد ګوټ ګوټ کې د کرونا وېروس د پراختیا له امله له دښمني لاس واخلي، او زه هم د بشپړ ملاتړ ژمنه کوم.”
بلخوا باور کیږي چې د بندیانو د خلاصون لړۍ چي هرڅومر اوږدیږي، هغومره د افغانانو خپل منځي خبرو ته زیان رسیږي، هغه هم په داسې یوه حالت کې چې سیاسي لوري او حکومت د پخلاینې عالي شورا په جوړښت او د افغانانو د خپل منځي خبرو په اجنډا پایلې ته نه دي رسیدلي.
فوزیه کوفي، د سولې مرکچي پلاوي غړې، ویلی، ضروي ده چې سیاسي مشران د مصاحلې د عالي شورا پر جوړښت توافق ته ورسیږي څو د مذاکراتو اجندا برابره شي.
د بندیانو د خلاصون بهیر په داسې حال کې له بندون سره مخ شوې چې مخکې د حکومت او طالبانو فني ډلو د بندیانو په خلاصون هوکړه کړې وه، د هغې هوکړې له مخې، ټاکل شوې وه چې پنځه ورځې مخکې سل طالب بندیان او شل د حکومت اړوند بندیان له بند څخه خوشې شي، او همداسې به دې بهیر دوام موندلی و.
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه4 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ2 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
نړۍ4 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
لوبی5 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه3 days ago
راشد خان د افغان بیسیم سوداګریز سفیر شو
-
لوبی2 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
لوبی4 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه4 days ago
د ایران ولسمشر پر درې ورځني سفر پاکستان ته ولاړ