Connect with us

تازه خبرونه

د تاوتریخوالي د کمښت طرحه له سولې تېښته ده – سرور دانش

Ariana News

خپور شوی

 په

(Last Updated On: مرغومی ۲۹, ۱۳۹۸)

د ولسمشر دویم مرستیال  سرور دانش د افغانستان د سولې په بهیر کې د تاوتریخوالي کمښت طرحه؛ له سولې تېښته، د افغانانو او نړیوالې ټولنې غولول نومولې ده.

د ولسمشر دویم مرستیال سرور دانش د بشري حقونو د ساتونکیو د ژغورنې د ستراتیژۍ د مخکتنې په ناسته کې، چې د بښنې نړیوالې ټولنې د مرغومي پر ۲۹ په کابل کې جوړه کړې؛  خبرداری ورکړ، چې د طالبانو او امریکا تر منځ د سولې هوکړې ته که هر څومره توجیهات ولټول شي، د افغانستان درد به دوا نکړي.

نوموړي زیاته کړې، چې د تاوتریخوالي طرحه له سولې تېښته، د خلکو او نړیوالې ټولنې غولول دي.

د ولسمشر دویم مرستیال مني، چې: حکومت د طالبانو او امریکا ترمنځ د سولې په خبرو کې ګوښه ساتل شوی؛ نو، ځکه ټينګار کوي، چې د افغان حکومت پر محوریت د سولې د خبرو له پیلیدو او سراسري اوربند له ټينګیدو پرته پر یو  او بل د باور کول ستونزمن دي.

د قطر په پلازمېنه دوحه کې امریکايي او طالب استازي د تاوتریخوالي پر کمښت او د سولې هوکړې ته د زمینې پر برابرلو خبرې کوي.

د طالبانو سیاسي دفتر ویلي، چې د سولې هوکړې مسوده ترتیب شوې او په راتلونکیو دوه اوونیو کې به د امریکا او طالبانو ترمنځ لاسلیک شي.

دغه دفتر ټینګار کړی، چې د هوکړې د لاسلیک نېټې له رانږدې کیدو سره به په افغانستان کې د تاوتریخوالي د کمولو طرحه هم پلې شي.

ځانمرګي بریدونه، چاودنې، په لویو لارو کې یرغلیز بریدونه د تاوتریخوالي د کمولو په طرحه کې شامل دي، چې درول کیږي به.

دغه راز په مقابل کې به بهرني سرتېري شپني عملیات او هوايي بریدونه دروي.

د بشري حقونو په برخه کې د دولت وزیره سیما سمر وایي، چې د تاوتریخوالي کمښت باید پوره څرګند شي، چې چېرته او څنګه تاوتریخوالی راکمیږي.

طالبانو ته نږدې سرچینې وايي، چې د هوکړې له لاسلیک سره به پېنځه زره امریکايي سرتېري له قید او شرط پرته له افغانستان څخه وځي او پاتې نور به د څوارلس میاشتو په لړ کې شرایطو ته په کتو افغانستان پریږدي.

د یادونې ده، چې جرمني هم د افغانانو د خپلمنځي خبرو کوربتوب ته چمتووالی په ډاګه کړی او په کابل کې د جرمني سفیر هم له یو شمېر سیاستوالو سره په دې اړه خبرې پیل کړې دي.

تازه خبرونه

په دایکندي ولایت کې ماین چاودنې د ۵ ماشومانو په ګډون ۱۴ کسان وژلي

Ariana News

خپور شوی

په

توسط

(Last Updated On: تله ۸, ۱۳۹۹)

کورنیو چارو وزارت څرګنده کړې، چې پېښه نن سهار ۹:۰۰ د دایکندي ولایت د کجران ولسوالۍ د دشت سلیمان آباد په اړوند سیمه کې پر یو فلاینکوچ موتر د سړک غاړې ماین چاودنه تر سره شوې.

د دغه وزارت د څرګندونو له مخې؛ ماین د طالبانو لخوا ځای پر ځای شوی و.

دې وزارت زیاته کړې، چې په دغه موتر کې ۱۷ مسافر سپاره ول، چې په کې ۱۴ کسان مړه او درې نور ټپیان شوي دي.

یاد وزارت وايي، په مړو کې اووه ښځې، پېنځه ماشومان او دوه سړي شامل دي.

په ټول هېواد کې له تېرو دوه میاشتو راپدیخوا تاوتریخوالی ډېر شوی؛ په ځانګړي توګه د عامه سړکونو په اوږدو کې د ماینونو ښخول، چې د پوځيانو په پرتله یې ډېر ملکي وګړي وژلي دي.

Continue Reading

تازه خبرونه

مونږ سولې ته د ګډو هڅو په هیله یو – عبدالله عبدالله

Ariana News

خپور شوی

په

توسط

(Last Updated On: تله ۸, ۱۳۹۹)

نن سې شنبه د تلې اتمه د ملي پخلاینې عالی شورا مشر عبدالله عبدالله د اسلام آباد په ستراتیژیکو مطالعاتو انستیتیوت کې د وینا پر مهال څرګنده کړه، چې افغانستان او پاکستان د افراطیت، تروریزم او کرونا ویروس له ګډ ګواښ سره مخ دي.

د ملي پخلاینې عالي شورا د خبرپاڼې له مخې؛ عبدالله عبدالله د افغان حکومت او طالبانو تر منځ د خبرو پیل یو تاریخي او ارزښتمنه شېبه بولي او زیاتوي، چې له دې شېبې څخه باید د جګړې د پای ته رسولو او په افغانستان کې دننه او بهر د تلپاتې او له درناوي ډکې سولې د خوندي کولو لپار ګټه واخلو.

ښاغلي عبدالله ټینګار کړی، چې افغانستان به په هېواد کې یوې ترهګرې ډلې ته هم اجازه ورنکړي، چې نورو هېوادونو ته ګواښ پېښ کړي.

عبدالله عبدالله وایي: اوس هغه وخت رارسیدلی، چې ملتونه مو پخپلو ستراتیژیکو غوراویو له سره کتنه وکړي؛ نوي لیدلوري وپېژني، د ګډو ستونزو او ګټو په اړه بحث وکړي او پوه شي، چې سوله په افغانستان ، سویلي او مرکزي آسیا د اړیکو لپاره مثبتې پایلې لرلی شي.

هغه دا هم ویلي: مونږ مسوولیت لرو، چې د یوې اجماع جوړولو لپاره ګډ کار وکړو او د سولې د پیاوړي کولو لپاره ګډې هڅې تنظیم کړو او په افغانستان کې جګړه د یوې عادلانه، جامع او له درناوي ډک سیاسي حل له لارې پای ته ورسوو. مونږ باید دا اصل هیر نکړو، چې نننی افغانستان د ۱۹۹۶ یا ۲۰۰۱ هېواد نه دی؛ افغانستان نن ځوان او ټولګډونه دی.

دغه راز په دې ناسته کې د پاکستان د بهرنیو چارو وزیر شاه محمود قریشي د سولې خبرو لپاره د خپل هېواد پر ملاتړ ټینګار څرګند کړ او څرګندوي، چې هیڅ راز  پوځي حل نشته، بلکې په افغانستان کې د اوسني وضعیت د پای ته رسولو یوازنۍ لار او غوره لار سیاسي هوکړې ته رسیدل دي.

ښاغلي قریشي ویلي اسلام آباد د افغانستان خپلواکي، ملي حاکمیت او ځمکنۍ بشپړتیا ته درناوی لري او یوازې افغانان کولی شي د خپل هېواد پر راتلونکې پرېکړه وکړي.

د پاکستان د بهرنیو چارو وزیر ټینګار کړی، چې د سوداګرۍ او ټرانزیټ، مرکزي آسیا سره د سویلي آسیا د اړیکو او د سیمې د هېوادونو د پراختیا او اقتصادي ودې لپاره په افغانستان کې سوله د سیمې یوه اړتیا ده.

د پاکستان بهرنیو چارو وزیر ویلي، چې اسلام آباد ته د پخلاینې عالي شورا د مشر سفر د دواړو هېوادونو په اړیکو کې مهم پرمختګ دی او باید د اسلام آباد او کابل ترمنځ په اړیکو کې نوی فصل پرانيزي.

نوموړي دغه راز ویلي، چې لوی اکثریت په افغانستان کې سوله غواړي.

 نوموړي دا هم ویلي، چې افغان ولسمشر محمد اشرف غني به هم ډېر ژر پاکستان ته سفر وکړي.

Continue Reading

تازه خبرونه

له اوسنۍ تاریخي شېبې پرته به وضعیت نور هم بحراني شي – عبدالله عبدالله

Ariana News

خپور شوی

په

توسط

(Last Updated On: تله ۷, ۱۳۹۹)

د ملي پخلاینې عالي شورا مشر عبدالله عبدالله پاکستان ته د خپل درې ورځني سفر پر مهال ویلي؛ که د سولې له روانې تاریخي شېبې ګټه پورته نشي؛ وضعیت به نور هم ورسره بحراني شي.

نوموړي په خپل دغه کاري سفر کې د پاکستان د بهرنیو چارو له وزیر سره خبرې کړي دي.

عبدالله عبدالله له پاکستانيو چارواکو مننه کړې، چې طالبان یې د سولې خبرو ته هڅولي دي.

هغه دا غوښتنه هم کړې، چې له خپلمنځي خبرو کلک ملاتړ وکړي.

هغه ویلي، چې د تاوتریخوالي زیاتوالی به د سولې پر روانو هڅو ناوړه اغېزه وکړي.

د پاکستان د بهرنیو چارو وزیر له عبدالله عبدالله سره په کتنه کې ویلي، چې هېواد یې د افغانستان په چارو کې لاسوهنه نکوي؛ خو د افغانستان د سولې له بهیره ملاتړ کوي.

ټاکل شوې، چې عبدالله عبدالله به په دې درې ورځني سفر کې د پاکستان له لومړي وزیر عمران خان او د پوځ له لوی درستیز سره هم وګوري.

په اسلام آباد کې د افغان پلاوي لپاره ځانګړي تدابیر نیول شوي دي.

د پخلاینې عالي شورا مسوولینو ويلي، چې دا سفر به د افغانستان او پاکستان په اړیکو کې نوی څپرکی پرانیزي.

په دغه سفر کې د پاکستان لپاره د ولسمشر ځانګړی استازی عمر داوودزی هم ملګری دی.

د نوموړي وینا؛ په کار ده، چې پاکستان خبرو ته د طالبانو هڅول روان وساتي.

د افغانستان په سوله او جګړه کې د پاکستان ونډه مهمه ګڼل کیږي.

اوس نظر دا دی، چې پاکستان د افغانستان لپاره په خپلو پالسیو کې یو څه بدلون راوستی او غواړي، چې د سولې له بهیر ملاتړ وکړي.

Continue Reading
Advertisement

Trending