Connect with us

تازه خبرونه

د تاجکستان له زندان څخه اتیا بندیان کندوز ته راولیږدول شول

Avatar

خپور شوی

 په

(Last Updated On: زمری ۶, ۱۳۹۸)

په تاجکستان کې د افغانستان سفارت چارسمبالي ویلي، چې له تاجکستان سره د یوه هوکړه لیک له مخې هغه اتیا افغان بندیان د کندوز زندان ته ولیږدول شول، چې له لس کلونو را پدیخوا په تاجکستان کې بندیان ول.

د لومړي ځل لپاره اتیا تنه هغه افغانان د کندوز زندان ته راولیږدول شول، چې په تاجکستان کې بندیان ول.

په تاجکستان کې د افغانستان سفارت چارسمبالی وايي، دا د یوې ګډې هوکړې له مخې شوی او په لړ کې به یې ټول افغانان، چې په تاجکستان کې بندیان دي افغانستان ته راولیږدول شي.

په تاجکستان کې د افغانستان سفارت چارسمبالی سید معصوم بدخش وايي؛ په تاجکستان کې ۱۷۴ افغانان بندیان دي، چې اتیا تنه یی کندوز ته لیږدول شوي او نور به هم ولیږدول شي.

د کندوز د زندان مدیر ګل خان کوفي وايي، د زندانیانو لپاره شرایط ښه شوي او د ولسمشر د فرمانونو له مخې د یو شمېر بندیانو د بند موده یا کمیږي او یا هم خوشي کیږي.

کندوز ته لیږدول شوي بندیان وايي، د تاجکستان دولت له کومې ګنا پرته بنديان کړي وه او سم چلند هم ورسره نه کیده.

د یوه بندي ماشوم زوی سید احمد نومي، چې پلار یې په تاجکستان کې بندي و؛ د حکومت له دې کار هرکلی کړی او څرګندوي؛ له لس کلونو وروسته یی پلار ولید.

په تاجکستان کې د افغانستان سفارت مسوولین وايي، ډېر کسان په تاجکستان کې له دې کبله بندیان شوي، چې افغانان دي. د کندوز د زندان مسوولین هم وايي، د دې اتیا زندیانو له لیږدولو سره د دغه ولایت په زندان کې د بندیانو شمېر اته سوه کسانو ته رسیږي.

تازه خبرونه

د افغانستان د وګړیو شمېر نږدې ۳۳ میلیون اټکل شوی- مرکزي احصائیه

Avatar

خپور شوی

په

توسط

(Last Updated On: غبرګولى ۱۲, ۱۳۹۹)

د مرکزي احصائې ادارې د څرګندونو له مخې؛ په روان لمریز کال کې د افغانستان د وګړیو شمېر نږدې ۳۳ میلیون اټکل شوی دی.

دوی دا هم په ډاګه کړې، چې د تېر کال په تناسب د هېواد وګړي څه باندې اووه سوه زره زیات شوي دي. د مرکزي احصائې د راپور له مخې، یو اویا سلنه وګړي په کلیو کې او پاتې نور په ښارونو کې ژوند کوي. دغه راز د کوچیانو شمېر هم یو نیم میلیون ښودل شوی، چې څلوراعشاریه شپږ سلنه کیږي.

په دې راپور کې له ۱۵ کلونو ټیټ عمره کسانو شمېر ۱۵نیم میلیون ښودل شوی دی.

د ملي احصائې او معلوماتو ادارې ویانده روبینا شهابي وایي، د دغو وګړیو یو پنځوس سلنه نرینه دي، چې له ۲۳ میلیون ډېر یې په کلیو کې ژوند کوي.

د یادې ادارې د څرګندونو له مخې؛ د نفوسو ۱۶ میلیون او اته سوه زره نرینه او ۱۶ میلیون او سل زره ښځینه دي.

 د نرینه وو نفوس له ښځینه وو څه باندې یوه سلنه ډېر دی.

د مرکزي احصائې په راپور کې په ډاګه شوې، چې د هېواد د نفوسو څه باندې څلور پنځوس سلنه وګړي د بېوزلۍ تر کرښې لاندې ژوند کوي او د نفوسو له ډېریدو سره بېوزلي هم پراختیا مومي.

ټولنپوه عبدالقیوم سجادي وایي، وړاندې شوې احصائيه له تخنیکي ستونزو سره مخ ده.

خلک وایي؛ پرلپسې جګړو له حکومت دا موقع اخیستې، چې د طالبانو په تر واک لاندې سیمو کې خلک وشمېري.

Continue Reading

تازه خبرونه

په افغانستان کې د کرونا مثبتو پېښو ډېریدو اندېښنې راپورته کړي

Avatar

خپور شوی

په

توسط

(Last Updated On: غبرګولى ۱۲, ۱۳۹۹)

په افغانستان کې د کرونا ویروس چټکه خوریدنه ټکان ورکوونکې ده او عامې روغتیا وزارت ویلي؛ که  روغتیایي سپارښتنو ته پاملرنه ونکړو، هېواد به له لوی ناورین سره مخ شي.

 د عامې روغتیا وزارت د څرګندونو له مخې، په تېرو څلیریشت ګړیو کې یوولس سوه اته شپېته بېلګې کتل شوي، چې ۵۴۵ یې مثبتې را وتلي دي.

د عامې روغتیا وزارت مرستیال وحبد الله مجروح زیاته کړې؛ د کرونا ویروس له دې پېښو سره د ټولو مثبتو هغو شمېر۱۵۷۵۰ ته رسیدلی، چې په همدومره وخت کې ترې ۸ کسان مړه شوي دي.

د عامې روغتیا وزارت مرستیال د کرونا کنټرولولو لپاره د خلکو همکاري اړینه او له دې حالت څخه د وتو یوازنۍ لار بولي او خبرداری ورکوي که روغتیایي سپارښتنې رعایت نشي؛ هېواد به له لوی ناورین سره مخ کړو.

کرونا ویروس د نورې نړۍ په څیر افغانستان هم ځپلی او زیاترو خلکو، چې اقتصادي ستونزې یې درلودې؛ د کرونا له اړخه لګیدلو محدویتونو یې ژوند نور هم تریخ کړ. که څه هم د عامې روغتیا وزارت له خلکو څخه په بیا بیا غوښتي، چې په کورونو کې پاتې او روغتیایي سپارښتنې عملي کړي؛ خو د کابل په ګډون په لویو ښارونو کې ډېر خلک پر ټولنیزو کارونو اخته تر سترګو کیږي.

Continue Reading

تازه خبرونه

حکومت ۳۰۰۰ نه، بلکې ۲۲۸۴ طالب بندیان خوشې کړي- شاهین

Avatar

خپور شوی

په

توسط

(Last Updated On: غبرګولى ۱۲, ۱۳۹۹)

په قطر کې  د طالبانو د سیاسي دفتر غړي او ویاند سهیل شاهین ویلي؛ حکومت د درې زره طالب زندانیانو د خوشي کولو خبره کوي، خو په وینا یې تر دوه نیم زره کم طالب بندیان خوشي شوي دي.

د ده په خبره حکومت تر دې دمه له خپلو زندانونو د طالبانو ۲۲۸۴ بندیان خوشي کړي دي.

شاهین زیاته کړې، چې د بندیانو د خوشي کولو بهیر باید روڼ وي او په دې لړ کې دې ګډوډي نه رامنځته کېږي.

د افغانستان امنیت شورا ویلي، چې په درې ورځو کې یې د طالبانو زر بندیان خوشې کړي دي.

د ملي امنیت شورا ویاند جاوید فیصل ویلي، چې له اختر مخکې ۱۰۰۰ طالب بندیان خوشې شوي دي.

د نوموړي د څرګندونو له مخې؛ په اختر کې ولسمشر په ډاګه کړه، چې دوه زره نور بندیان دې هم خوشې شي، ۱۰۰۰ یې د اختر په ورځو کې خوشې شول.

۷۱۰ کسان په تېرو درې ورځو کې خوشې شول او ټاکل شوې، چې ۲۹۰ نور هم خوشې شي، چې له دې سره به ټول ۳۰۰۰ پوره شي.

پخواني طالب سید اکبر آغا ویلي؛ د یو شمېر ډاډمنو سرچینو د څرګندونو له مخې، د بندي طالبانو د آزادولو په بهیر کې د نشه یي توکو ځینې قاچاق وړونکي هم خوشې شوي دي.

طالبانو هم له څلور ۴۰۰ ډېر بندیان آزاد کړي دي، چې حکومت ویلي و؛، ځینې یې ملکیان دي.

د حکومت د سولې خبرو مرکچي پلاوی له طالبانو غواړي، چې په سملاسي توګه د افغانانو خپلمنځي خبرو ته حاضر شي.

د حکومت د سولې مرکچي پلاوي غړی فاروق مجروح ویلي؛ ځینې هېوادونه د دې خبرو اترو کوربتوب ته چمتو شوي دي او څومره، چې ژر کیدای شي، حکومت او طالبان دې د دې خبرو د ځای پر سر هوکړې ته ورسیږي.

د ملي پخلاینې شورا، چې د سولې خبرو اترو د پر مخ بیولو په برخه کې واک لرونکې اداره ده، پخپل اداري جوړښت له کار کولو خبر ورکوي.

د حکومت د مرکچي پلاوي غړې فوزیه کوفي وایي، چې د دې شورا د مشرتابه په کچه کې باید ښځې ټاکوونکی رول ولري.

د ولسمشر له فرمان سره سم د دوو زرو طالب بندیانو د خلاصولو بهیر د یکشنبې پر ورځ بشپړ شو؛ خو حکومت ندي ویلي، چې دا بهیر غزوي او که نه؟ خو د طالبانو تخنیکي ډله، چې د خپلو بندیانو پېژندنې لپاره کابل ته راغلې، اوس هم په کابل کې ده.

مخکې سرچینو آریانا نیوز ته ویلي وه، چې د جون پر لسمه یا ۱۵ ښایي د افغانانو خپلمنځي خبرې پیل شي؛ خو طالبانو او حکومت  په دې اړه په رسمي بڼه څه ندي ویلي.

حکومت تمه لري، چې د زندانیانو له خوشي کولو سره د افغانانو خپلمنځي خبرې پيل او د تاوتریخوالي کچه راټيټه شي؛ خو طالبانو د تولو ۵۰۰۰ بندیانو له خوشې کیدو وروسته د سولې خبرو د دوه یم پړاو یا خپلمنځي خبرو پر پیلولو ټینګار ښکاره کړې دي.

Continue Reading

Trending