Connect with us

تازه خبرونه

د راروان کال ملي بودجه مشرانو جرګې ته واستول شوه

Ariana News

خپور شوی

 په

(Last Updated On: لړم ۲۰, ۱۳۹۷)

حکومت د ۱۳۹۸ کال ملي بودجه، چې درې سوه نهه نوي میلیارد افغانۍ اټکل شوې؛ دوه سوه پېنځه اویا میلیارد افغانۍ په کې عادي او پاتې یو سل و څلیریشت میلیارد افغانۍ یې پرمختیايي بودجه ده.

د مشرانو جرګې غړي وايي، که د بودجې په سند کې د دوی غوښتنو ته پاملرنه نه وي شوې؛ دوی به یې رد کړي.

د مالیې وزارت مسوولین وايي، چې د بودجې په جوړښت کې یې د هېواد اړتیاوې په پام کې نیولي او په نړیوالو معیاریونو یې جوړه کړې ده.

د مالیې وزارت سرپرست همایون قیومي وايي؛ په روان کال کې کورني عواید لوړ شوي، چې له دوی سره یې د بودجې په جوړښت کې مرسته کړې ده.

د مشرانو جرګې غړی فرهاد سخي ويلي، که په ملي بودجه کې د دوی وړاندیزونو ته ځای ورنکړشي؛ دوی به د بودجې د تائيد رایه ورنکړي.

د مشرانو جرګې د ملي اقتصاد کمیسیون ريیس محمد عظیم قویاش وایي: په تېرو څو کلونو کې د بودجې په اړه زمونږ اندونو ته پاملرنه نده شوې؛ نو څه اړتیا ده، چې پر دغه سند ۱۵ ورځې کار وکړو.

د مشرانو جرګې رييس وايي؛ سناتورانو ته په کار ده، چې د بودجې د تائيد لپاره تفاهم ته ورسیږي.

د مشرانو جرګې ريیس فضل الهادي مسلمیار وایي: دا د قانون حکم دی، چې د بودجې په اړه خپل مشورتي اند څرګند کړو؛ باید د بودجې د تايید لپاره تفافم ته ورسیږو او هره پرېکړه، چې دې جرګې وکړه ورته احترام لرو او هغه به پلې کوو.

د مشرانو جرګې غړي وايي، دوی به د بودجې ارزونه وکړي او دا به په ډاګه شي، چې په بودجه کې توازن او پرمختیا ته څومره پاملرنه  شوې او په کې د خلکو غوښتنې څومره نغښتل شوې دي.

خبریال: رفیع صدیقي

تازه خبرونه

په غزني کې له ماین چاودنې ۱۴ عامو وګړيو ته مرګ و ژوبله اوښتې

Ariana News

خپور شوی

په

توسط

(Last Updated On: چنګاښ ۲۲, ۱۳۹۹)

په غزني ولایت کې د سړک غاړې له ماین چاودنې د ښځو او ماشومانو په ګډون ۱۴ عامو وګړیو ته مرګ و ژوبله اوښتې ده.

د غزني والي ویاند واحدالله جمعهزاده رسنیو ته ویلي؛ پرون مازیګر د جغتو ولسوالۍ په قیاق دره سیمه کې هغه مهال د سړک غاړې ماین چادونه رامنځته شوه، چې د ملګي وګړیو د سپرلۍ موتر د وسلوالو مخالفانو لخوا پر ایښودل شوي ماین وربرابر شو.

د نوموړي د څرګندونو له مخې؛ د ملکي وګړیو پر یوه فلاینګ کوچ ډوله موتر د وسلوالو مخالفانو له لوري د سړک غاړه ځای پر ځای شوی ماین چاودېدلی، چې د ښځو او ماشومانو په ګډون یې شپږ ملکي وګړي وژلي او اته نور ټپیان دي.

جمعهزاده زیاته کړې؛ ټپیان د غزني ولایت ملکي روغتون ته رسول شوي دي.

طالبانو تر اوسه په دې اړه څه ندي ویلي.

دا په داسې حال کې ده، چې د افغانستان دفاع وزارت د فاریاب ولایت د دولت آباد ولسوالۍ په اړوند سیمو کې د ملي امنیتي او د فاعي ځواکونو په ځمکني او هوایي بریدونو کې د طالبانو د سرې قطعې د یوه قومندان په ګدون د ۲۵ وسلوالو طالب جنګیالو له مرګ و ژوبلې خبر ورکړی دی

Continue Reading

تازه خبرونه

طالبانو افغان استخبارات د خپلو بندیانو پر ځورونې تورن کړل

Ariana News

خپور شوی

په

توسط

(Last Updated On: چنګاښ ۲۱, ۱۳۹۹)

طالبانو افغان استخبارات تورن کړي، چې زندانیان یې د امریکایي ځواکونو د وژلو په بدل کې له روسیې څخه د پیسو اخیستو او په دې اړه د اعتراف لپاره ربړولي او ځورولي دي.

په امریکايي رسنیو کې طالبانو ته د امریکايي سرتېرو د وژلو په بدل کې د روسیې لخوا د ډالیو د ورکړې د راپورونو له خپریدو وروسته طالبانو د افغانستان استخباراتي اداره تورنه کړې، چې طالب زندانیان یې د همدغه اعتراف لپاره ربړولي دي.

په قطر کې د طالبانو د سیاسي دفتر یوه غړي خیرالله خیرخوا د دغې ادعا تر څنګ ویلي، چې هیڅوک دا نشي ثابتولی، چې طالبانو دې له روسیې څخه د امریکايي سرتېرو د وژل په بدل کې پیسې اخیستې وي.

د افغانستان د ملي امنیت اداره د طالب زندانیانو د ربړونې او په زور د اعتراف اخیستو تورونه بېځایه ګني او وايي، چې له طالب زندانیانو سره یې د بشري حقونو په رڼا کې چلند کړی دی.

د روسیې د بهرنیو چارو وزیر سرګې لاوروف دا خبره رد کړې، چې ګواکې دوی طالبانو ته د امریکايي سرتېرو د وژلو په بدل کې پيسې ورکړي دي.

هغه وایي: زه یوازې دا ویلی شم، چې دا ټولې ادعاوې یوازې په ګومان ولاړې دي. هیڅ داسې څه ندي وړاندې شوي، چې واقعیت یې ثابت کړي.

 

له بلې خوا امریکايي پوځي چارواکو ګانګرس ته په خبرو کې ویلي، چې روسیه له کلونو راپدیخوا له طالبانو سره اړیکې پالي.

که څه هم پدې اړه ناندرې روانې دي؛ خو طالبان اوس هم د هغو زندانیانو پر خوشې کیدو ټینګار کوي، چې نوملړ یې پخوا امریکا ته سپارلی دی.

طالبانو ته نږدې سرچینې وايي؛ طالبان ندي حاضر، چې له هغو شپږ سوه بندیانو تېر شي، چې حکومت یې پر نه خوشې کولو ټینګار کوي او له همدې کبله خپلمنځي خبرې له خنډ او ځنډ سره مخ شوي دی.

د بهرنیو چارو وزارت ویاند ګران هېواد ويلي؛ د افغان سولې په اړه په وروستۍ نړیواله غونډه کې هم د سیمې او نړۍ د هېوادونو استازیو ټینګار وکړ، چې د طالب زندانیانو د خوشې کولو پر وخت باید د قانون واکمني تر پوښتنې لاندې را نشي.

دا په داسې حال کې ده، چې طالبانو په غور ولایت کې اوولس افغان سرتېري خوشې کړي او ټینګار کوي، چې د پېنځه زره طالب زندانیانو پر خوشې کولو یې له امریکا سره هوکړه کړې او نوملړ یې هغوی ته سپارلی؛ نو، ځکه د نوي نوملړ سره موافقه نکوي.

Continue Reading

تازه خبرونه

په تېره اوونۍ کې ۶۸ ولسي وګړیو ته مرګ و ژوبله اوښتې- د افغانستان ملي امنیت شورا

Ariana News

خپور شوی

په

توسط

(Last Updated On: چنګاښ ۲۱, ۱۳۹۹)

د افغانستان ملي امنیت شورا ويلي، چې په تېره اوونۍ کې د وسلوالو طالبانو په بریدونو کې درویشت ولسي وګړي وژل شوي او پېنځه څلوېښت نور ټپیان دي.

د افغانستان ملي امنیت شورا ویاند جاوید فیصل ويلي؛ وسلوالو طالبانو خپلو بریدونو او جګړو ته زور ورکړی، چې په کې ولسي وګړیو ته ځاني زیانونه اوښتي دي.

د دغې شورا د معلوماتو له مخې؛ په تېره اوونۍ کې وسلوالوطالبانو په شپاړس ولایتونو کې دوه سوه څلور اتیا بریدونه کړي، چې په کې د کابل، ننګرهار، کندهار، پکتیا، تخار، بغلان او هرات ولایتونو ولسي وګړیو ته ډېره مرګ و ژوبله اوښتې ده.

د دغې شورا د معلوماتو له مخې؛ دا مرګ و ژوبله په شپاړس ولایتونو کې ولسي وګړیو ته اوښتې ده. طالبانو تر اوسه د ملي امنیت شورا دغو څرګندونو ته غبرګون ندی ښودلی.

له بلې خوا په پلازمېنه کابل کې د مقناطیسي یا نښلیدونکیو ماینونو چاودنو ښاریان سخت اندېښمن کړي دي.

د امنیتي سرچینو د معلوماتو له مخې؛ یوازې په کابل کې له تېرې یوې اوونۍ راپدیخوا لس مقناطیسي ماینونه چاودلي دي.

کابل ښاریان له حکومت او طالبانو غواړي، چې د جګړې او بریدونو پر وخت د ولسي وګړیو ژوند ته پاملرنه وکړي.

پخواني پوځي کارپوهطاهر عظیمي ويلي، چې تیت او پرک جګړې زیاتره وخت د ولسي وګړیو مرګ و ژوبله رامنځته کوي.

د نوموړي په باور تر اوسه طالبانو او افغان دولت د ولسي وګړیو د خوندیتوب لپاره اساسي ګامونه، ندي پورته کړي.

د افغانستان د بشري حقونو خپلواک کمیسیون د رسنیو مشر ذبیح الله فرهنګ هم په تیره یوه میاشت کې د ولسي وګړیو مرګ و ژوبله زړه بوږنوونکې بولي او له ښکېلو خواوو غواړي، چې د جګړې پر وخت نړیوال قوانین او بشري حقونه په پام کې ونیسي.

که څه هم په دې وروستیو کې د سولې او افغانانو د خپلمنځي خبرو لپاره طالبانو د ۱۰۰۰ حکومتي  زندانیانو خوشې کول روان ساتلی؛ خو حکومت له نږدې حلورنیم زره بندیانو له خوشې کولو وروسته د ځينو زندانیانو خوشې کول درولي او له همدې کبله د دواړو خواوو ترمنځ جګړه توده روانه ده.

Continue Reading

Trending