Connect with us

تازه خبرونه

د بشرحقونو خپلواک کمیسیون په هېواد کې پر ملکي زیانونو اندېښنه ښودلې

Ariana News

خپور شوی

 په

(Last Updated On: November 3, 2019)

د بشرحقونو خپلواک کمیسیون اندېښمن شوی، چې یوازې پر یوه ورځ په هېواد کې د سړک غاړې ماین چاودنو د ۱۶ عامو وګړیو خوږ ژوند اخیستی او باید ښکېلې خواوې ملکي وګړي د جګړې قربانیان نکړي.

په افغانستان کې اتلس کلنه جګړه د  جګړې پر ښکېلو غاړیو سربېره ملکي وګړي هم قربانې کړي او دا لړۍ د هرې ورځې پر تېریدو زور اخلي.

د شنبې پر ورځ( د لړم یوولسمه) د نهو ماشومانو په ګډون ۱۶ ملکیان په تخار کې ووژل شول.

د دې ولایت پوځیان ویلي، چې طالبانو دغه بریدونه پلان کړي وه؛ خو طالبانو هم دغه بریدونه غندلي دي.   

په ورستیو څو میاشتو کې د ملکي خلکو تلفات په بي ساري ډول زیات شوي او یاد کمیسیون ویلي، چې ښکېلې خواوې باید د ملکي تلفاتو د مخنیوي په برخه کې هڅې وکړې.

د بشر حقونو خپلواک کمیسیون کمیشنر نعیم نظري څرګنده کړې، چې په دې وروستیو کلونو کې په ځانکړي توګه له تېرو څو میاشتو راپدیخوا د ملکي وګړیو تلفات په بې ساري کچه لوړ شوي او لامل یې په جګړو کې بې غوري ده.

کورنیو چارو وزارت څرګنده کړې، چې طالبان له ملکي وګړیو د سپر په توګه کار اخلي او یا هم په ځینو برخو کې پرې قصدي برید کیږي؛ نو له همدې کبله د ملکي کسانو تلفات لوړ شوي دي.

کورنیو چارو وزارت ویاند نصرت رحمیمي منلې، چې په ځینو مواردو کې د افغان ځواکونو پر عملیاتو ملکي وګړیو ته تلفات اوښتي دي؛ خو ډېری وخت ملکي وګړي د دولت د وسلوالو لخوا قرباني کیږي او تردې حده، چې په قصدي ډول تر برید لاندې راغلي دي.

د بشري حقونو مدافعین د جګړې ښکېلې خواوې د بي ګناه کسانو پر وژلو تورنوي او په دې وروستیو کې پرافغان ځواکونو هم له همدې کبله نیوکي کیږي.

تازه خبرونه

په کابل کې له دوه بېلابېلوچاودنو ۲ پولیس وژل شوي او ۴ نور ټپیان دي

Ariana News

خپور شوی

په

توسط

(Last Updated On: January 27, 2021)

په کابل ښار کې د چارشنبې پر سهار د پولیسو پر دوه رنجر موټرو دوه بېلابېلې چاودنې رامنځته شوي؛ دوه ملي پولیس وژل شوي او څلور نور ټپیان دي.

د پولیسو د څرګندونو له مخې؛ لومړۍ چاودنه نن سهار شاوخوا ۸:۰۴ د کابل ښار د ۱۵ ناحیې د دسپېچري په سیمه کې د ملي پولیسو پر یو رینجر موټر رامنځته شوې ده.

پولیس وایي، چی دوه پولیس لږ څه ټپیان شوي دي.

دوه یمه چاودنه ۹:۳۲ د ښار د ۱۲ ناحیې د سلیم کاروان په سیمه کې د پولیسو پر رینجر رامنځته شوې، چې په کې لږ تر لږه دوه پولیس وژل شوي او دوه نور ټپیان دي.

تر دې دمه هیچا د دغو چاودنو مسوولیت پر غاړه ندی اخیستی.

Continue Reading

تازه خبرونه

جوبایډن او پوتین لومړنۍ ټیلیفوني خبرې وکړې

Ariana News

خپور شوی

په

توسط

(Last Updated On: January 27, 2021)

د امریکا ولسمشر جو بایډن تېره شپه له خپل روسی سیال ولادیمیر پوتین سره د هغو تورونو په اړه، چې روسیې په افغانستان کې د امریکایي ځواکونو د وژلو لپاره هڅونې کړي؛ ټیلیفوني خبرې کړې دي.

دا د امریکا له ولسمشریزو ټاکنو راپدیخوا له پوتین سره د بایډن لومړۍ ټیلیفوني خبرې دي.

جو بایډن په روسیه کې د وروستیو لاریونونو په اړه هم خبرې کړي او د روسیې د حکومت د مخالف الکسي ناوالني پر نیولو یې هم اندېښنه څرګنده کړې ده.

دغه راز ولسمشر بایدن د روسیې د سایبري بریدونو پر تورونو اندېښنه څرګنده کړې او د سولار وینډوز د سافټویر شرکت د معلوماتو پر پېر یې هم اندېښنه په ډاګه کړې.

هم دارنګه بایډن ویلي، چې د امریکا او روسیې ترمنځ پر اختلافاتو سربېره دواړه هېوادونه کولی شي، چې  د متقابلو ګټو لپاره نوې هوکړه وکړي.

دا په داسې حال کې ده، چې له پوتین سره له خبرو مخکې جو بایډن د ناټو له عمومي منشي ینس سټولټنبرګ سره په خبرو کې هغه ته د امریکا له لوري دې ټولنې ته ډاد ورکړ شوی دی.

Continue Reading

تازه خبرونه

بایډن او سټولتنبرګ د افغانستان او ګډو ننګونو په اړه خبرې وکړې

Ariana News

خپور شوی

په

توسط

(Last Updated On: January 27, 2021)

د ناټو عمومي منشي ینس سټولټنبرګ تېره شپه د امریکا له ولسمشر جو بایډن سره په افغانستان کې د ترهګرۍ پرضد د مبارزې په ګډون د نړیوالو ننګونو په اړه ټیلیفوني خبرې وکړې.

ناټو په ډاګه کړې، چې ینس سټولټنبرګ بایډن ته د امریکا د نوي ولسمشر د لوړې مبارکي څرګنده کړې او پهع ډاګه کوي؛ دا مرسم د ډیموکراسۍ د ځواک اړو زمونږ د ګډو ارزښتونو ښکارندوي او زمونږ د ائتلاف د نوي پړاو پیل دی.

 ینس سټولټنبرګ هم د ائتلاف پر بیارغونې د بایډن له پاملرنې هرکلی وکړ او وایي، چې ناټو د اروپایانو او امریکایانو د ورځنیو لیدنو ځای دی او مونږ کېدی شي له داسې ننګونو سره مخ شو، چې زمونو له ملتونو به یو ملت هم پر یوازې ځان ورسره ډغرې ونشي وهلی.

په خبرپانه کې دا هم راغلي؛ دواړو لوریو هوکړه وکړه، چې د روان کال د بروکسل د سرمشریزې په تر سره کولو کې به همکاري وکړي.

د ناټو د څرګندونو له مخې؛ دواړو لوریو پر ګډو ننګونو بحث وکړ. لکه د نړیوالې ترهګرۍ پروړاندې مبارزه؛ د مثال په توګه په افغانستان او عراق کې. دوی له روسیې سره پر معامله کولو او د چین د راپورته کیدلو پر امنیتي اغېزو بحث وکړ.

Continue Reading

Trending

آریانا نیوز: ټول حقونه خوندي دي