تازه خبرونه
د داعش پر هڅو د حکومت چوپتیا د پوښتنې وړ ده- ظاهر قدیر
د هېواد په ختیځ جلال آباد ښار کې بېړنی حالت حاکم دی؛ د جلال آباد ښار د ساتني مسوولیت د ملي پوځ په لاس کې دی او کور په کور د استوګنې سیمې هم پلټل کیږي.
خلک پوښتي، چې ولې جلال آباد ښار د داعش او نور وسلوالو ډلو د پام وړ ګرزيدلی او په آسانۍ کولی شي خپلو ښاري موخو ته ورسیږي؟!
په ولسي جرګه کې د ننګرهار استازی او د دغه ولایت پخوانی والي په دیني مدرسو کې د داعش د غړیو هڅې او پر وړاندې یې د حکومت چوپه خوله پاتې کیدل د پوښتنې وړ بولي.
په ولسي جرګه کې د ننګرهار استازی ظاهر قدیر وایي، په دیني مدرسو کې په ښکاره داعش ته کمپاین کیږي، چې حکومت هم پرې خبر دی. همدلته یې د عملیاتو لپاره پروګرامونه جوړیږي؛ خو حکومت پرې چوپتیا غوره ګڼلې او خلکو ته یې پوښتنې رامنځته کړې دي.
د هېواد په ختیځ کې ننګرهار ولایت د داعش ډلې اصلي مرکز یادیږي او په جلال آباد ښار کې د تېرو څو خونړیو پېښو مسوولیت همدغې ډلې پر غاړه اخسیتی دی.
د ننګرهار پخواني والي سلیم خان کندوزی وايي، چې د ننګرهار په مدرسو کې داعش ډله د ځان په ګټه تبلیغات کوي او یو شمېر ښاري کړۍ هم ورسره همکاري لري.
د ننګرهار پخوانی والي سلیم خان کندوزی وایي؛ په ننګرهار کې مهمه داده، چې په مدرسو او جوماتونو کې باید د عالمانو پر هڅو کار وشي؛ ځکه له همدغو ځایونو د نظام پر ضد تبلیغات کیږي.
که څه هم د کورنیو چارو او دفاع وزارت د جلال آباد ښار د امنیتي ستوتونزو پر اوارۍ ټینګار څرګند کړی؛ خو د حکومت اجرائیه رییس نن د وزیرانو شورا په ناسته کې د دې ولایت اوسنی حالت د اندېښنې وړ یاد کړ.
د حکومت اجرائيه رييس عبدالله عبدالله وایي، چې د ننګرهار امنیتي حالات او په ځانګړي توګه د جلال آباد اوسنی وضعیت د امنیتي چارواکو ځانګړې پاملرنه غواړي.
په دې وروستیو کې د ښار پر مرکزي ادارو د ځانمرګو بریدونو تر څنګ ګڼ شمېر نورې مرګونې پېښې هم شوي، چې ډېر شمېر کسانو ته په کې مرګ و ژوبله اوښتې ده. د دې پېښو په لړ کې تېرماښام د بهسود پله تر څنګ په یوه بله ورته پېښه کې د یوه پوځي پر وژل کیدو سربېره څلور نورهم ټپیان شول.
خبریال: شاهپور فرهمند
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه3 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ5 days ago
د جاپان دوه پوځي چورلکې بحر ته وغورځېدې
-
تازه خبرونه5 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
نړۍ3 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
لوبی4 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه3 days ago
راشد خان د افغان بیسیم سوداګریز سفیر شو
-
نړۍ23 hours ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی3 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ