Connect with us

تازه خبرونه

۳۸۹۵ طالب بندیان خوشې شوي او خپلمنځي خبرو ته چمتووالی لرو

Ariana News

خپور شوی

 په

(Last Updated On: June 27, 2020)

افغان حکومت ویلي، چې له خپلو زندانونو یې درې زره پېنځه نوي طالبان خوشې کړي او د سولې خبرو د پیل لپاره یې ټول اړین ګامونه اوچت کړي دي.

د نړیوالې ټولنې او ملګرو ملتونو لخوا د افغان حکومت او طالبانو لخوا د زندانیانو پر خوشې کولو له ټينګار وروسته ولسمشرۍ ماڼۍ ويلي؛ ۳۸۹۵ طالب بندیان یې د افغانانو د خپلمنځي خبرو د پیل لپاره خوشې کړي دي.

د ولسمشر ویاند صدیق صدیقي وایي: تر دې دمه ۳۸۹۵ طالب بندیان خوشې شوي؛ خو طالبانو خپلمنځي خبرو ته د زمینې برابرولو پر لوري کوم ډاډمن ګام ندی پورته کړی.

دا پاتې طالب زندانیان هغه دي، چې په مرګونو بریدونو کې په لاس لرلو ګرم پېژندل شوي دي.

طالبانو هم ویلي، چې نږدې شپږ سوه افغان سرتېري او دولتي کسان خوشې شوي دي. 

په قطر کې د طالبانو د سیاسي دفتر غړي او ویاند سهیل شاهین نن شنبه ویلي، چې په بدخشان ولایت کې ۳۴ حکومتي بندیان خوشې شوي دي.

طالبانو ته نږدې سرچینې وايي، چې حکومت د پاتې ۱۰۰۰ طالب زندانیانو له خوشې کولو سره مخالفت ښيي، چې دا کار به د سولې خبرې ځنډنۍ کړي.

پخوانی طالب چارواکی سید اکبر آغا وایي: نړیواله ټولنه هڅه کوي، چې حکومت او طالبان قانع او ډادمن کړي.

د ملي امنیت شورا دفتر ويلي، چې طالبانو بریدونه ډېر کړي دي.

د دغې شورا د معلوماتو له مخې؛ تېره اوونۍ په څوارلس ولایتونو کې یویشت ولسي وګړي وژل شوي او دېرش نور ټپیان دي.

په غزني کې یو پوځي افسر ویلي: ځواکونه مو په لوړه روحیه د طالبانو د بریدونو پر وړاندې دریدلي دي.

د غرني اوسیدونکي وحید الله نومي ویلي: هره ورځ جګړه ده؛ په کورنو کې قرنطین شوي یو او له کورونو وتلی نشو.

د ولسمشر ویاند صدیق صدیقي څرګنده کړې، چې په یو اړخیز ډول د طالبانو لخوا د تاوتریخوالي زیاتولو ناهیلي کړي او روان وضعیت د سولې د خبرو لپاره زیان اړوونکی دی. 

د ولسمشرویاند صدیق صدیقي وایي: په خواشینۍ، چې اورکم نه منلو د سولې بهیر زیانمن کړی دی. 

له دې ټولو سره – سره تمه ده، چې په راتلونکیو څو اوونیو کې به د افغانانو خپلمنيځي خبرې پیل شي؛ خو دا، چې د خبرو له پیل مخکې به ټاکل شوي بندیان د دواړو خواوو لخوا خوشې شي او که نه! وخت به یې وښیي.

تازه خبرونه

د لغمان د دولت شاه ولسوالۍ امنیه قومندان ووژل شو

Ariana News

خپور شوی

په

توسط

(Last Updated On: May 16, 2021)

د لغمان والي رحمت الله یارمل نن له غرمې وروسته د دولت شاه ولسوالۍ امنیه قومندان عبد الظاهر د افغان ځواکونو لخوا په توغول شوې مرمۍ لګېدلی او وژل شوی دی.

والي یارمل زیاته کړې؛ افغان ځواکونو د طالبانو پر خوا د توپ مرمۍ ویشتله، چې د تخنیکي ستونزې له کبله مرمۍ د امینه قومندان تر څنګ لګېدلې او چاودنه یې کړې، چې پخپله امنیه قومندان له یو ساتونکي سره یو ځای وژل شوی دی.

والي ویلي، چې په سیمه کې وضعیت د اندېښنې وړ ندی او جګړه هم نشته.

دولت شاه د لغمان یو له ناامنه ولسوالیو شمېرل کیږي، چې پدې وروستیو په کې افغان ځواکونو د وسلوالو طالبانو پر ضد چاڼیز عملیات هم پیل کړي دي.

Continue Reading

تازه خبرونه

داعش د کابل د شکردرې په لوی جومات کې د چاودنې پړه ومنله

Ariana News

خپور شوی

په

توسط

(Last Updated On: May 16, 2021)

د داعش خبري سرچینې په ډاګه کړې، چې داعش جنګیالیو د کابل د شکر درې په لوی جومات کې د چاودنې مسوولیت منلی دی.

د کابل د شکردرې په یوه جومات کې د جمعې د ورځې د یوې نیمې بجې د چاودنې مسوولیت پرغاړه اخیستې، چې په کې د جومات د امام مفتي نعمان په ګډون لږ تر لږه ۱۴ لمونځ کوونکي وژل شوي دي.

ویل کیږي، چې چاودنه د جمعې د لمانځه پر مهال د کابل ولایت د شکردرې ولسوالۍ د لوی جومات په محراب کې رامنځته شوې ده.

چاودنه په داسې حال کې شوې، چې طالبانو او افغان حکومت د اختر په ویاړ درې ورځني اوربند کړی دی.

د داعش خبري سرچینې په ډاګه کړې، چې جنګیالیو یې د جومات دننه چاودیدونکي توکي ځای پر ځای کړي وه او هغه مهال یې چاودنه وکړه کله، چې عبادت کوونکي د کوچني اختر پر دوه یمه ورځ د جمعې د لمانځه د ادا کولو نیت وکړ.

د یادونې ده، چې د حکومت او طالبانو اوربند د شنبې پر نیمه شپه پای ته ورسیده او جګړه له سره پیل شوې ده.

Continue Reading

تازه خبرونه

له درې ورځنی اوربند وروسته جګړه بیا پیل شوه

Ariana News

خپور شوی

په

توسط

(Last Updated On: May 16, 2021)

د هېواد په سویل لویدیځ کې امنیتي ځواکونو له درې ورځني اوربند له پای ته رسیدو وروسته خپل یرغلیز تصفیوي او تروریزم ضد بریدونه بیا پیل کړل.

ميوند ۲۱۵ قول اردو څرګنده کړې، چې دغه پوځي عملیات د لښکرګاه، ناوې او نهرسراج ولسوالیو په لویدیځو سیمو کې همهاله پیل شوي دي.

د یادې سرچینې د څرګندونو له مخې: د افغانستان دفاعي ځواکونه په هېواد کې د وسلوالو مخالفانو له منځه وړولو ته ژمن دي.

طالبانو تر دې دمه پدې اړه څه ندي ویلي.

دغه پای ته رسېدلی درې ورځني اوربند د یکشنبې پر ورځ د کوچني اختر په ویاړ د طالبانو لخوا اعلان شو، چې بیا په پراخه کچه د افغان حکومت او طالبانو لخوا وڅارل شو.

د افغانستان دفاع وزارت د شنبې پر ورځ ویلي وه، چې طالبانو د هیواد په اووه ولایتونو کې له درې ورځني اوربند سرغړونه کړې او په لسګونه ملکي او امنیتي وګړيو ته یې مرګ و ژوبله اړولې ده.

د ملي دفاع وزارت مرستیال ویاند فواد امان ویلي؛ طالبانو له اوربنده په څو مواردو کې سرغړونه کړې؛ خو حکومت اوربند ته ژمن پاتې و.

له اوربنده د سرغړونې تورونه هغه مهال راپورته شول، چې د کابل د شکردرې ولسوالۍ د یوه جومات په محراب کې د  جمعې لمانځه پرمهال ځای پر ځای شويو چاودیدونکيو توکو چاودنه وکړه او په ډاګه شوه، چې د جومات د امام په ګډون ۱۴ کسان ووژل شول او ۲۰ نورټپیان دي.

دغه درې ورځنی اوربند د افغانستان د خلکو لخوا په پراخه کچه له تود هرکلی سره مخ شو، خو دوی د دغه اوربند د غځېدو او دایمي کیدو غوښتنه هم وکړه.

په داسې حال کې، چې طالبانو ویلي؛ دا درې ورځنی اوربند به د اختر له رخصتیو وروسته به جګړه بیا پیل کیږي.

Continue Reading

Trending

آریانا نیوز: ټول حقونه خوندي دي