Connect with us

تازه خبرونه

د فیسبوک او تویتر ونډې ۷ سلنه راټیټې شوې

Ariana News

خپور شوی

 په

(Last Updated On: چنګاښ ۹, ۱۳۹۹)

سي این این په ډاګه کړې؛ له هغې وروسته، چې د جمعې پر ورځ یونیلیور شرکت د راتلونکیو کلونو لپاره ټولنیزو رسنیو ته اعلانونه ورکول لغو اعلان کړل؛ د فیسبوک او تویتر ونډې ۷ سلنه راټیټې شوې. 

د یونیلیور شرکت په اعلامیه کې راغلي: په امریکا کې روانو حالاتو ته په کتو مونږ پرېکړه کړې، چې په ټولنیزو رسنیو کې د کال تر پایه اعلانونه لغو کړو. یعنې مونږ به خپل تبلیغات په اینستاګرام، تویتر او فیسبوک کې خپاره نکړو.

د دوی د څرګندونو له مخې: پدې وخت کې به تبلیغات د دغو سیستمونو له لارې خلکو او ټولنې ته ډېر ارزښت ونلري. سره له دې مونږ د اړتیا په صورت کې خپل اوسني وضعیت ګورو او بیا کتنه به پرې کیږي.

یاد شرکت ویلي؛ دې پرېکړې ته له هغې وروسته ورسیدو، چې په دې رسنیو کې له کرکې ډکې څرګندونې خپرې شوې.

د دغه شرکت اجرائیوي مشر لوئس دی کومو وال ستریت ژورنال ته ویلي؛ د ټاکنو لپاره روانو هڅو کرکې او بې تفاوتۍ ته زمینه برابره کړې او د مخنیوي لپاره یې دېر کار ته اړتیا ده.

تازه خبرونه

د کندهار په شاوليکوټ کې موتربم چاودنې ۱۷ کسانو ته مرګ و ژوبله رامنځته کړې

Ariana News

خپور شوی

په

توسط

(Last Updated On: چنګاښ ۱۸, ۱۳۹۹)

د کندهار ولایت په شاوليکوټ ولسوالۍ کي د موتر بم بريد له کبله دوه پوليس وژل شوي او ۱۵ نور ټپيان دي، چې په ټپيانو کي د شاوليکوټ امنیه قومندان باچا هم شته.

د دې ولسوالۍ د پولیسو یو سرچینې ویلي، چې دغه موتر بم چاودنه نن سهار څلور بجې د شاولیکوټ ولسوالۍ د امنیه قومندانۍ پر ودانۍ رامنځته شوې ده.

د شاوليکوټ ولسوالۍ د پوليسو دغې باوري سرچينې زیاته کړې، چې چاودنه د ملي اردو د انترنیشنل موتر پر مټ تر سره شوې ده.

د سرچينې د څرګندونو له مخې؛ چاودنه ډېره زوروره وه، چي له کبله يې د امنیه قومندانۍ ودانۍ ته دروند زيان اوښتی دی.

د کندهار ولایتي چاوراکو تر اوسه د دغه بريد په اړه رسنیو ته څه دي ویلي.

دا په داسې حال کې ده، چې نن سهار همهاله د غزني ولایت د دهیک ولسوالۍ امنیه قومندان د سړک غاړې په ماین چاودنه کې له خپلو دوه ساتونکیو سره وژل شوی دی.

طالبانو د دواړو پېښو د مرګ و ژوبلې مسوولیت منلی دی.

Continue Reading

تازه خبرونه

د ده‌یک ولسوالۍ د پولیسو قومندان په یو چاودنه کې ووژل شو

Ariana News

خپور شوی

په

توسط

(Last Updated On: چنګاښ ۱۸, ۱۳۹۹)

سیمه ییزو چارواکو څرګنده کړې، چې د ده‌یک ولسوالۍ د پولیسو قومندان په یوه ماین چاودنه کې وژل شوی دی.

د غزني والي ویاند وحیدالله جمعه زاده ویلي، چې د یادې ولسوالۍ د پولیسو قومندان حبیب الله نن سهار څلورنیمې بجې د سړک غاړې په ماین چاودنه کې له خپلو دوه ساتونکیو سره وژل شوی دی.

ویل کیږي، چې وسلوالو طالبانو نن سهار د دې ولسوالۍ پر یو شمېر پوستو بریدونه کړي وه او نوموړی د د دغو نښتو د څارنې لپاره پر ګزمه اخته و، چې د سړک غاړ ي له ماین چاودنې سره مخ شو.

دا په داسې حال کې ده، چې نن سهار همهاله د کندهار د شاولي کوټ پر امنیه قومندانۍ موتربم چاودنې ۱۷ کسانو ته مرګ و ژوبله رامنځته کړې ده.

طالبانو د دواړو پېښو د مرګ و ژوبلې مسوولیت منلی دی.

Continue Reading

تازه خبرونه

په افغانستان کې پر کرونا تازه ۱۹۴ کسان اخته او ۲۲ مړه شوي

Ariana News

خپور شوی

په

توسط

(Last Updated On: چنګاښ ۱۷, ۱۳۹۹)

د عامې روغتیا وزارت چارواکو ویلي، چې په افغانستان کې کرونا وبا تازه دوه ویشت کسان مړه کړي او ۱۹۴ پرې اخته شوي، چې له دې سره د ټولو اخته ناروغانو شمېر ۳۳۳۸۴ ته پورته شوی دی.

د عامې روغتیا وزارت د ویاند مرستیاله معصومه جعفري وایي: په تېرو څلیریشت ګړیو کې ۴۹۵ شکمنې پېښې کتل شوي، چې ۱۹۴ یې مثبتې ثبت شوي؛ ۲۲ د مړینې پېښې لرو او ۴۹۵ نور ناروغان رغیدلي دي.

د عامې روغتیا وزارت دا هم ویلي، چې پدې وبا ډېر اخته کسان په هرات، تخار، دایکندي او کابل کې دي.

له ۱۹۴ مثبتو پېښو څخه ۵۷ په هرات، ۳۲ په دایکندي، ۲۳ په تخار، ۱۵ په کابل، ۱۲ په بادغیس، ۱۱ په بلخ، ۱۱ په غزني، ۵ په پروان، ۵ په بدخشان،۶ په کندهار، ۶ په میدان وردګ، ۲ په کونړ، ۲ په خوست، ۱ په ننګرهار، ۱ په لغمان او ۳ په پنجشېر ولایتونو کې ثبت شوي دي.

د عامې روغتیا وزارت وایي، کرونا وبا تر دې مهاله نهه سوه څلیریشت کسان مړي کړي او بېرته ترې رغیدلي کسان شل زره یو سل و یو پنځوس ته رسیږي.

Continue Reading

Trending