سوداگري
کابل ته یو شمېر ازبکستانيو پانګوالو سفرکړی
د ریاست الوزرا اقتصادي مرستیال په بېلابېلو سکټورونو کې د پانګونې لپاره د ازبک پانګوالو له لېوالتیا څخه مننه وکړه او ډاډ یې ورکړ، چې وزارتونه به په خپلو اړوند برخو کې له دوی سره همکاري وکړي.
![](https://www.ariananews.af/wp-content/uploads/2024/07/Mullah-Baradar-uzbek-investors.jpg)
د ازبکستانيو پانګوالو یوه ډله کابل ته راغلې او د ریاست الوزرا له اداري او اقتصادي مرستیالانو سره یې وکتل.
د ریاست الوزرا اداري مرستیال عبدالسلام حنفي ویلي، اسلامي امارت غواړي له ټولو هېوادونو او په ځانګړي توګه د سیمې له هېوادونو سره سوداګریزې اړیکې پراخې کړي.
د ریاست الوزرا اداري مرستیال ویلي، اسلامي امارت د سیمې له هېوادونو سره د سوداګریزو اړیکو پراختیا غواړي او د کورنیو او بهرنیو پانګوالو لپاره یې لازمې اسانتیاوې برابرې کړې دي.
دغه راز ازبکستانيو پانګوالو د ریاست الوزرا له اقتصادي مرستیال ملا عبدالغني برادر سره په لیدنه کي ویلي، چې دوی د ډبرو سکرو پر استخراج او پروسس، له ډبرو سکرو څخه د برښنا تولید، د تېلو د چاڼ د معیاري فابریکې جوړولو، د سمنټو فابریکې جوړولو، د مالګې استخراج او د نساجۍ معیاري فابریکې جوړولو پانګونې ته لېوالتیا لري.
ازبک پانګوالو ویلي؛ افغانستان اوس د پانګونې لپاره یو مناسب هېواد ګرځېدلی او دوی چمتو دي، چې پانګونه وکړي او خپلې تجربې له افغانانو سره شریکې کړي.
د ریاست الوزرا اقتصادي مرستیال په بېلابېلو سکټورونو کې د پانګونې لپاره د ازبک پانګوالو له لېوالتیا څخه مننه وکړه او ډاډ یې ورکړ، چې وزارتونه به په خپلو اړوند برخو کې له دوی سره همکاري وکړي.
اړوند خبرونه:
روسي پانګوال کولی شي په افغانستان کې پانګونې وکړي – ملا برادر
په ازبکستان کې د افغانستان د تولیداتو درې ورځنی نندارتون جوړېږي
سوداگري
افغانستان او ازبکستان د ګډې سوداګرۍ خونې پر جوړولو هوکړه وکړه
ویل کیږي، چې د صنعت او سوداګرۍ وزارت د دوه اړخیزو سوداګریزو او ټرانزیټی اړیکو پر پرا ختیا، د دواړو هېوادونو تر منځ د سوداګرۍ د متوازن کولو، د افغانستان د اوسپنېپټلۍ په سکټور کې د ازبکستان د همکارۍ، د سورخان- پلخمري د برښنا د لېږد په برخه کې د همکاریو په اړه خبرې شوې دي.
![](https://www.ariananews.af/wp-content/uploads/2024/07/Nooruddin-Azizi.jpg)
د سوداګرۍ او صنایعو وزارت چارسمبالي ازبکستان ته په خپل سفر کې د دواړو هېوادونو ترمنځ د سوداګرۍ د خونې پر جوړېدو هوکړه وکړه.
د افغانستان د صنایعو او سوداګرۍ وزارت ويلي، چې دا هوکړه د ازبکستان د لومړي وزیر له مرستیال سره د نورالدین عزیزي او مل پلاوي د کتنې پر مهال رامنځته شوې ده.
نورالدین عزیزي او ورسره مل پلاوي د سې شنبې پر ورځ (د سرطان دولسمه) د ازبکستان د لومړي وزیر له مرستیال جمشید خواجه یوف، د پانګونې، صنایعو او سوداګرۍ وزیر، د برښنا وزیر، د ټرانسپورټ، د کانونو د صنایعو وزیر، د اوبو د منابعو وزیر، د هغه هېواد د ګمرکونو مسوولینو او په افغانستان کې د ازبکستان استوګن سفیر سره وکتل .
دغه راز دواړو لوریو د سوداګریزو او ټرانزیتي اړیکو پر پراختیا، د افغانستان په ګټه د یو اړخیز ترجیحي سوداګریز تړون په پایله کې د دواړو هېوادونو ترمنځ د سوداګرۍ د توازن، د پانګونې او ټرانزیټي تړونونو د وروستي کېدو په اړه بحث او خبرې وکړې.
ویل کیږي، چې د صنعت او سوداګرۍ وزارت د دوه اړخیزو سوداګریزو او ټرانزیټی اړیکو پر پرا ختیا، د دواړو هېوادونو تر منځ د سوداګرۍ د متوازن کولو، د افغانستان د اوسپنېپټلۍ په سکټور کې د ازبکستان د همکارۍ، د سورخان- پلخمري د برښنا د لېږد په برخه کې د همکاریو په اړه خبرې شوې دي.
دا په داسې حال کې ده، چې نن په تاشکند ښار کې د افغانستان او ازبکستان درې ورځنی ګډ نندارتو رسماً پرانستل شو.
اړوند خبرونه:
سوداگري
په ازبکستان کې د افغانستان د تولیداتو درې ورځنی نندارتون جوړېږي
په دې نندارتون کې د هېواد ۲۵۰ صنعتکاران او سوداګر ګډون کوي او په کې به غالۍ، لاسي صنایع، ګران بیه او نیمه ګران بیه ډبرې، وچې مېوې، غیر الکولي مشروبات، بخاري دیګونه او د افغانستان نور تولیدات او محصولات د درې ورځو لپاره نندارې ته وړاندې شي.
![](https://www.ariananews.af/wp-content/uploads/2024/06/Tashkent.jpg)
د افغانستان د صنایعو او سوداګرۍ وزارت اعلان کړی، چې د سېشنبې پر ورځ ( د چنګاښ دولسمه) به د افغانستان د کورنیو تولیداتو یو نندارتون د ازبکستان په پلازمېنه تاشکند ښار کې پرانیستل شي.
د صنایعو او سوداګرۍ وزارت په یوه خبرپاڼه کې راغلي، چې دغه نندارتون د اسلامي امارت د اقتصادي سیاستونو د لړ او د افغانستان او منځنۍ آسیا هېوادونو ترمنځ د اقتصادي، سوداګریزو، ټرانزیټ، پانګونې، د هېواد تولیداتو او محصولاتو ته په بهرنیو بازارونو کې د بازارموندنې او خصوصي سکټور ته د اړتیا وړ اسانتیاو برابرولو او د سوداګریزو فعالیتونو د پیاوړتیا لپاره ترسره کیږي.
په دې نندارتون کې د هېواد ۲۵۰ صنعتکاران او سوداګر ګډون کوي او په کې به غالۍ، لاسي صنایع، ګران بیه او نیمه ګران بیه ډبرې، وچې مېوې، غیر الکولي مشروبات، بخاري دیګونه او د افغانستان نور تولیدات او محصولات د درې ورځو لپاره نندارې ته وړاندې شي.
د صنایعو او سوداګرۍ وزارت زیاته کړې، چې د دغه نندارتون په څنډه کې به د سوداګریزو اړیکو کنفرانس او دوه اړخیز خصوصي بحثونه هم ترسره شي.
اړوند خبرونه:
د روان کال په لو مړۍ ربعه کې د ۳۰۴ میلیون ډالرو پر ارزښت صادرات شوي
په کابل کې د سوداګرو او متشبثو میرمنو ورکشاپ او نندارتون پرانیستل شو
سوداگري
د افغانستان په بندرونو کې د سکنرونو لګول مو لومړیتوب دی
په دې کتنه کې د خصوصي سکټور د ملاتړ صندوق د تمویل پر میکانیزم او د لګښت څرنګوالي، د وارداتو او صادراتو د فیسونو د راټولولو لپاره په ګمرکونو کې د ځانګړي کوډ جوړولو او د دې صندوق لپاره د بانکي حسابونو پرانیستلو بحث وشو.
![](https://www.ariananews.af/wp-content/uploads/2023/10/azizi.jpg)
د صنایعو او سوداګرۍ وزارت اعلان کړې، چې د دې وزارت چارسمبالي د خصوصي سکټور د ملاتړ صندوق د رهبرۍ کمیټې په لومړۍ ناسته کې د هېواد په بندرونو کې د سکنرونو پر لګولو ټینګار کړی دی.
د افغانستان د صنایعو او سوداګرۍ وزارت د سې شنبې (د چنګاښ پېنځمه) په خبرپاڼه کې خبر ورګړی، چې د خصوصي سکټور د ملاتړ لومړنۍ غونډه په کابل کې جوړه شوه.
په دې غونډه کې د صنايعو او سوداګرۍ وزارت چارسمبالي نورالدين عزيزي د دغې کميټې پر عملي فعاليتونو د ټينګار تر څنګ ويلي، چې زمونږ لومړيتوب د هېواد په بندرونو کې د سکنرونو پېرودل او لګوول دي، چې د توکو د وارداتو او صادراتو په برخه کې اسانتياوې رامنځته شي.
په دې کتنه کې د خصوصي سکټور د ملاتړ صندوق د تمویل پر میکانیزم او د لګښت څرنګوالي، د وارداتو او صادراتو د فیسونو د راټولولو لپاره په ګمرکونو کې د ځانګړي کوډ جوړولو او د دې صندوق لپاره د بانکي حسابونو پرانیستلو بحث وشو.
دغه راز په دې ناسته کې د اړوند څانګو او سکټوري خونو لهخوا رهبري کميټې ته د ورپېژندل شويو غړیو پر دايمي غړيتوب د ټينګار تر څنګ د پروژو د پيلولو پرېکړه هم وشوه.
د دې وزارت د خبرپاڼې په پای کې راغلي، چې د خصوصي سکټور د ملاتړ صندوق د تمویل میکانیزم او د لګښت بڼه په څلورو فصلونو او ۱۷ مادو کې ترتیب او وروستۍ شوې ده.
اړوند خبرونه:
د خصوصي سکتور د ملاتړ صندوق پرانستل شو
د افغانستان په ۱۲ ګمرکي بندرونو کې د برښنایي سکنرونو لګولو طرحه و منل شوه
-
لوبی4 days ago
د افغانستان فوټسال لوبډله په دوستانه سیالیو کې له مراکش سره لوبیږي
-
لوبی3 days ago
کوهلي په ۲۰ اوریز نړیوال جام کې د هندوستان له اتلولۍ وروسته استعفا وکړه
-
لوبی2 days ago
درې افغان لوبغاړي د ۲۰ اوریز نړیوال جام سیالیو په غوره لوبډله کې راغلل
-
تازه خبرونه2 days ago
له ابو نصر فراهي بندر څخه افغانستان ته د مالونو لېږد اته برابره زیات شوی – ایران
-
تازه خبرونه3 days ago
د چین او ترکمنستان چارواکو د سیمې د بهرنیو چارو وزیرانو پر راتلونکې غونډه خبرې وکړې
-
تازه خبرونه2 days ago
د ښځو له بشپړې ونډې پرته افغانان موخې ته رسېدلی نشي – کاناډا
-
د هوا حالاتو بدلونونه1 day ago
په هلمند ولایت کې هوا بېساري توده ده
-
تازه خبرونه4 days ago
د روان کال په لو مړۍ ربعه کې د ۳۰۴ میلیون ډالرو پر ارزښت صادرات شوي