د هند غوره لیګ (IPL) سیالیو ته، چې د لیندۍ پر څلورمه او پېنځمه / د نومبر پر څلیریشتمه او پېنځه‌ویشتمه په سعودي عربستان کې ترسره کېږي؛ ۱۸ افغان لوبغاړي ونومول شول.

د دې داوطلبۍ لپاره ټولټال ۲۹ افغان کرکټ لوبغاړو نوملیکنه کړې وه.

د جمعې پر ورځ د هند غوره لیګ تنظیموونکیو د ۵۷۴ لوبغاړو وروستی نوملړ اعلان کړ، چې ۱۸ افغانان په کې راغلل.

په ۵۷۴ لوبغاړو کې ۳۶۶ هندي او ۲۰۸ بهرني لوبغاړي دي.

ټولټال ۲۰۴ لوبغاړي پېرل کیږي، چې ۷۰ به یې بهرني لوبغاړي وي.

د افغان لوبغاړو بشپړ نوملړ، چې د داوطلبۍ په وروستۍ برخه کې راغلي دادي:

۱.  رحمن الله ګربز

۲. نور احمد

۳. وقار سلام خېل

۴. الله محمد غضنفر

۵. مجیب الرحمن

۶. عظمت الله عمرزی

۷. نوین الحق

۸. ظاهر خان پکتین

۹. صدیق الله اتل

۱۰. محمد نبی

۱۱. گلبدین نایب

۱۲. فضل الحق فاروقی

۱۳. نجیب الله ځدراڼ

۱۴. ابراهیم ځدراڼ

۱۵. قیس احمد

۱۶. کریم جنت

۱۷. فریدون داوودزی

۱۸. ننګیال خروتی

د افغانستان د ۱۹‌کلنو ځوانانو ملي لوبډله د درې اړخیزو سیالیو په لړ کې سبا جمعه( د لړم پطنځه‌ویشتمه / د نومبر پېنځلسمه ) د پاکستان له ۱۹‌‌‌کلنې لوبډلې سره لوبیږي.

د افغانستان کرکټ بورډ ويلي؛ دغه سیالۍ د عربي متحده اماراتو پر کوربتوب د کابل پر وخت سبا سهار ۱۰ بجې  پيليږي، چې په کې به پر افغانستان او پاکستان سربېره د اماراتو لوبډله هم ولوبیږي.

په دې درې اړخیزو لوبو کې به هره لوبډله دوه - دوه سیالۍ کوي او دوه مخکښې لوبډلې به د نومبر پر ۲۶شپږویشتمه پایلوبې ته ځي.

ویل کیږي، چې له دې سیاليو وروسته به د نومبر پر نهه‌ویشتمه په عربي متحده اماراتو کې افغان ۱۹‌‌‌کلن ځوانان د آسیا کپ سیالیو برخوال هم وي.

افغانستان د متحدو عربي اماراتو په شارجه کې له بنګله دېش سره د درې یو ورځنیو لوبو وروستۍ لوبه د ۵ ویکټو پر توپیر وګټله.

د دې لوبلړ پچه بنګله‌ دېش وګټله او لومړی یې د توپ‌وهنې پرېکړه وکړه.

د بنګله‌دېش لوبډلې په ۵۰ اوورونو کې د ۸ لوبغاړو پر سوځېدو ۲۴۴ منډې وکړې او افغان لوبډلې ته یې د ۲۴۵ منډو هدف وټاکه.

افغان لوبډلې د لوبې په ۴۹ اوور کې ټاکلی هدف پوره کړ.

په افغان لوبډله کې د رحمان الله ګوربز ۱۰۱ او عظمت الله عمرزي ۷۰ منډې برخلیک ټاکونکې وې. دې دواړو لوبغاړو له محمد نبي سره هم زړه‌راکښونکې ملګرتیا وکړه او افغان ملي لوبډله یې بریالۍ کړه؛ عمرزی د دې لوبې غوره لوبغاړی یاد شو او ګوربز خپله اتمه سلیزه جوړه کړه.

د دغو لوبو د لړۍ لومړۍ سیالي افغانستان په ۹۲ منډو ګټلې؛ خو دوه‌يمه يې بيا د ۶۸ منډو پر توپير بايللې وه.

په لومړۍ لوبه کې افغانستان د پچې له ګټلو سره لومړی توپوهنه کړې وه او بنګله دېش ته يې د ۲۳۷ منډو هدف ټاکلی و، چې بنګله دېش یې پر پوره کولو بریالی نشو. په دې لوبه کې الله محمد غضنفر د شپږو لوبغاړو پر سوځېدو غوره لوبغاړی نومول شوی دی.

په دوه‌يمه لوبه کې بیا بنګله دېش ۲۵۳ هدف وټاکه، چې افغانستان يې په پوره کولو بريالی نشو.

د افغانستان او بنګله دېش کرکټ ملي لوبډلو تر اوسه ټولې ۱۸ یو ورځنۍ لوبې کړي، چې ۱۱ یې بنګله دېش او اووه افغانستان ګټلې دي.