د مخابراتو او معولوماتي ټکنالوژۍ وزارت د دوه‌یم ځل لپاره د مخابراتي شبکو د اړيکو او انټرنټ نوې ټيټې بيې اعلان کړې.

د مخابراتو او معلومتي ټکنالوژۍ وزارت ويلي د مخابراتي شرکتونو لپاره د بیو په نوي سقف کې د مخابراتي شبکو تر منځ د خپلمنځي نښلونې فیس ۰.۵۰ افغانۍ ټاکل شوی، چې د تېر پر پرتله په کې ۵۰ سلنه کموالی راغلی دی. دغه راز له یوې شبکې څخه بلې شبکې ته د پېرودونکیو ترمنځ د یوې دقیقې غږیزې اړیکې بیه ۱.۴۰ افغانۍ ټاکل شوې، چې د بیو د تېر سقف په پرتله ۳۶ سلنه ټیټوالی ښیي.

په همدې ډول د یو جي بي میاشتنۍ انټرنټي کڅوړې بیه ۹۵ افغانۍ ټاکل شوې، چې د تېر پر پرتله په کې ۱۴ سلنه ټیټوالی راغلی دی.

د مخابراتو وزارت مسوولانو زياته کړې، چې د مخابراتي شرکتونو لپاره په نويو بيو کې د هرې شبکې دننه د پېرودونکیو ترمنځ د یوه لیکلي پیغام بیه ۱.۳۰ افغانۍ او له یوې شبکې څخه بلې ته ۱.۴۰ افغانۍ ټاکل شوې، چې په ترتیب سره د مخکیني سقف په نسبت ۶۸ او ۶۰ سلنه ټیټوالی ښیي.

ویل کیږي، چې د نوي سقف پورتنۍ بیې به یوه نیمه میاشت وروسته، یعنې د راتلونکي زېږدیز کال له پیل څخه عملي شي.

د افغانستان بهرنیو چارو وزارت له سپارښتنې سره سم نن دوشنبه ( د لړم یوویشتمه ) په ممبي ښار کې افغان جنرال قونسلګرۍ د پاسپورټونو د وېش بهیر پیل کړ.

د دې وزارت د څرګندونو له مخې؛ هغه هېوادوال، چې د پاسپورټ وخت یې پای ته رسېدلی او یا پاسپورټونه نلري؛ کولی شي، چې د معتبرو اسنادو پر وړاندې کولو کونسلګرۍ ته مراجعه وکړي او د پاسپورټ لپاره خپل غوښتنلیک وړاندې کړي.

د هند په ممبۍ ښار کې د افغانستان کونسلګرۍ د خبرې شوې خبرپاڼې له مخې؛ نن ( دوشنبه د لړم یوویشتمه ) افغان وګړو ته د پاسپورټونو د وېش بهیر پیل شو.

 د افغانستان بهرنیو چارو وزارت د ویاند مرستیال حافظ ضیا احمد تکل هم د یادې کونسلګرۍ دغه خبرتیا راخیستې ده؛ د هند په ممبي ښار کې د افغانستان کونسلګرۍ ایکس پاڼه په دې وروستیو کې جوړه شوې ده.

په یوه بله لنډه لیکنه کې، چې پرون په همدې پاڼه کې خپره شوې؛ راغلي، چې په ممبي کې د افغانستان قونسلګري له دوشنبې څخه تر جمعې پورې ټولې کونسلي چارې ترسره کوي. 

دغه راز هندي رسنیو د دوشنبې پر ورځ راپور ورکړ، چې ممبي کونسلګرۍ ته استازی ټاکل شوی او دا مهال د ممبي په کونسلګرۍ کې کار کوي.

د راپورونو له مخې، نوموړی ډیپلوماټیک پاسپورټ نلري.

د راپورونو له مخې؛ د اسلامي امارت استازی اکرام الدین کامل پخوا په هند کې زده‌کړې کړې دي.

که دا غوښتنه ومنل شي، نو دا کړنه به د دواړو هېوادونو ترمنځ د ډيپلوماټيکو اړيکو د رسمي کولو لپاره يو مهم ګام وي.

دا په داسې حال کې ده، چې د هندي چارواکو یوه کوچنۍ "تخنیکي" ډله له څو میاشتو راپدېخوا په کابل کې د اړیکو د ښه کېدو هڅې کوي.