تازه خبرونه
د ښځو لپاره د څو لسیزو پرمختګونه د ورکېدو په حال کې دي – ګوټرش
ملګرو ملتونو په دې وروستیو کې راپور ورکړی، چې له ۶۰۰ میلیون څخه زیاتې ښځې او نجونې د جګړې له کبله اغیزمنې شوي دي.
د ملګرو ملتونو عمومي منشي انټونیو ګوترش ويلي؛ په ټوله نړۍ کې د ښځو د حقونو په برخه کې نسلي لاسته راوړنې په ټپه ولاړې دي او د ښځو لپاره د څو لسیزو پرمختګونه د ورکېدو په حال کې دي.
ملګرو ملتونو په دې وروستیو کې راپور ورکړی، چې له ۶۰۰ میلیون څخه زیاتې ښځې او نجونې د جګړې له کبله اغیزمنې شوي دي.
په دغه راپور کې انټونیو ګوټرش اندېښنه ښودلې، چې په نړۍ کې د تاوتریخوالي، تبعیض او جګړو د کچې د ډېروالي له کبله د ښځو په برخه کې د څو لسیزو راپدېخوا شوي پرمختګونه له منځه تللو سره مخ دي.
په دغه راپور کې په افغانستان کې د ښځو له حقونو څخه د سرغړونې څو قضیو ته هم نغوته شوې او ټینګار شوی، چې د ښځو حقونو ته پاملرنه یو ګډ مسوولیت دی.
د ملګرو ملتونو عمومي منشي انټونیوګوټرش ویلي؛ د ښځو او نجونو له حقونو څخه دفاع یو نړیوال مسوولیت دی. په افغانستان کې له دولس کلونو څخه پورته نجونې له زدهکړو بې برخې دي او د ښځو حقونو ته د لاسرسي محدودیتونه زیات شوي دي.
هغه ویلي؛ ملګري ملتونه په کور دننه او بهر له ښځو سره منظمې غونډې کوي. په بهر کې یې د کلیدي شریکانو سره د ښکېلتیا اسانتیاوې برابرې کړي؛ خو ټول ښکېل اړخونه او فعالین باید د ښځو د حقونو او په عامه ژوند کې د دوی د ګډون په شمول د پخلاینې یا پالیسۍ په بهیر کې د ګډون لپاره ډېر څه وکړي.
د ښځو تر سرلیک لاندې د ملګرو ملتونو د امنیت شورا د دې اوونۍ په غونډه کې؛ د سولې، ثبات او امنیت په برخه کې د ملګرو ملتونو د ښځو د څانګې مشرې هم د ښځو رول ته په نغوته کې ویلي: په سولهییزه نړۍ کې د هرچا غږ اورېدلو ته اړتیا ده او هر قشر باید په واک کې شریک شي.
دا په داسې حال کې ده، چې د اسلامي امارت چارواکو په وار وار د دغه ډول ادعاوو په غبرګون کې ویلي، چې په افغانستان کې د ښځو حقونه د اسلامي شریعت او د هېواد د خلکو د کلتور له مخې تامین شوي دي. اسلامي امارت پر هېوادونو او نړیوالو ټولنو هم غږ کړی، چې د افغانستان په کورنیو چارو کې دې لاسوهنه نهکوي.
تازه خبرونه
د افغانستان انارو پر لومړځل قزاقستان ته صادر شول
د دې وزارت د نننۍ (دوشنبه د تلې اوومه) خبرپاڼې له مخې؛ دا لومړی ځل دی، چې له کندهار ولایت څخه انار قزاقستان ته صادرېږي.
د افغانستان د سوداګرۍ او صنایعو وزارت ويلي، له کندهار ولایت څخه ۲۳ ټنه انار د تورغنډۍ بندر له لارې د قزاقستان الماتا ښار ته صادر شول.
د دې وزارت د نننۍ (دوشنبه د تلې اوومه) خبرپاڼې له مخې؛ دا لومړی ځل دی، چې له کندهار ولایت څخه انار قزاقستان ته صادرېږي.
د افغانستان د صنایعو او سوداګرۍ وزارت زیاته کړې؛ دغه وزارت ژمن دی، چې نورو هېوادونو ته هم د افغانستان تولیداتو او محصولاتو ته د صادراتو زمینه برابره کړي.
تازه خبرونه
په تېره یوه میاشت کې پر اوسپنې پټلۍ نږدې ۳۴۸ زره مټریک ټنه توکي انتقالات شوی
د ټولګټو چارو وزارت د خبرپاڼې له مخې؛ د حیرتان بندر له لارې ۲۴۵ زره ۴۸۰ ټنه، د آقینې بندر له لارې ۴۹ زره ۱۲۱ ټنه، د تورغونډۍ بندر له لارې ۵۲ زره ۱۸۱ ټنه او د خواف-هرات له لارې ۷۸۰ ټنه نفتي، غیر نفتي او نور توکي هېواد ته وارد او صادر شوي دي.
د افغانستان ټولګټو چارو وزارت ویلي؛ د ۱۴۰۳ لمریز لږدیز کال د تلې له پيل څخه تر پايه د اوسپنې پټلۍ له لارې ۳۴۷ زره ۵۶۳ مټریک ټنه انتقالات شوي دي.
د ټولګټو چارو وزارت د خبرپاڼې له مخې؛ د حیرتان بندر له لارې ۲۴۵ زره ۴۸۰ ټنه، د آقینې بندر له لارې ۴۹ زره ۱۲۱ ټنه، د تورغونډۍ بندر له لارې ۵۲ زره ۱۸۱ ټنه او د خواف-هرات له لارې ۷۸۰ ټنه نفتي، غیر نفتي او نور توکي هېواد ته وارد او صادر شوي دي.
د ټولګټو چارو وزارت ویلي؛ په میزان مياشت کې ۷ زره ۱۲۳ ټنه صادرات او ټرانزيټ شوي، چې لویه برخه یې وچه میوه او معدني ډبرې دي. هر څومره، چې د اوسپنې پټلۍ له لارې د صادراتو او انتقالاتو کچه لوړيږي؛ په هماغه اندازه کاري فرصتونه برابر او نه یوازې ورسره ملي عواید زياتيږي، بلکې په ټوله کې اقتصادي ثبات، ترقۍ او ځان بسياينې ته لاره هم اواریږي.
دې وزارت له سوداګرو غوښتي؛ که غواړئ خپل سوداګريز توکي خوندي، ارزانه او چټک ولېږدوئ؛ نو د اوسپنېپټلۍ له لارې انتقال پیل کړئ او په مرکز کابل او ولايتونو کې د ټولګټو وزارت د اوسپنې پټلۍ د مرستیالۍ له اړوند مسوولينو سره اړيکه ونیسئ.
ویل کیږي، چې سوداګرو ته د مالونو د انتقال لپاره مناسب شرایط پوره اسانتياوې رامنځته شوې دي.
تازه خبرونه
په تېر یو کال کې مو یو میلیارډ ډالر مرسته ترلاسه کړې – د افغانستان د بشري مرستو صندوق
دغه صندوق د یکشنبې پر ورځ (د لړم شپږمه) د دې صندوق د جوړېدو د لسمې کالیزې په مناسبت په یوه خبرپاڼه کې لیکلي، چې په تېرو لس کلونو کې افغانستان له پرلهپسې بشري اغېزو سره د یو لړ پرلهپسې پرمختګونو او ننګونو شاهد دی.
د افغانستان د بشري مرستو صندوق ويلي، چې په تېر کال کې مرسته کوونکیو هېوادونو له دې صندوق سره یو میلیارډ ډالر مرسته کړې ده.
دغه صندوق د یکشنبې پر ورځ (د لړم شپږمه) د دې صندوق د جوړېدو د لسمې کالیزې په مناسبت په یوه خبرپاڼه کې لیکلي، چې په تېرو لس کلونو کې افغانستان له پرلهپسې بشري اغېزو سره د یو لړ پرلهپسې پرمختګونو او ننګونو شاهد دی.
په دې خبرپاڼه کې راغلي؛ افغانانو په تېرو لس کاونو کې د جګړو، سیاسي بې ثباتۍ، وچکالۍ، طبیعي پېښو، د خوړو د نه خوندیتوب او مهاجرت له کبله کراره ورځ لیدلې نده.
دغه راز زیاته شوې، چې په دې وروستیو کې د افغان ښځو او نجونو محرومیت او زیانونه د پخوا پر پرتله زیات شوي دي.
په خبرپاڼه کې راغلي، چې دغه راز بشري مرستو ته د اړمنو کسانو شمېر ډېر شوی او تر ۲۳ میلیون کسانو ډېر شوی دی.
خبرپاڼې څرګنده کړې، د افغانستان د بشري مرستو صندوق د افغانانو لپاره د هیلو یوازنی څراغ دی.
دغه صندوق له نړیوالې ټولنې وغوښتل، چې د افغانستان له خلکو سره مرستې روانې وساتي.
دا صندوق په ٢٠١٤ کال کې له افغانستان سره د مرستو د راټولولو لپاره جوړ شوى دی.
دا په داسې حال کې ده، چې څو مياشتې مخکې د ملګرو ملتونو د بشري مرستو د همغږۍ دفتر (OCHA) اعلان کړی و، چې تېر کال د دغه هېواد د بشري مرستو له صندوق سره ٨١ اعشاریه ۶ ميليون ډالره مرسته شوې ده.
-
تازه خبرونه4 days ago
د بریکس غړیو هېوادونو د نجونو پر زدهکړو د بندیز لرې کولو غوښتنه وکړه
-
سیمه ییز خبرونه1 day ago
د سپوږمکۍ انځورونه د ایران د توغندیو پر ودانیو د اسرائیلو برید ښیي
-
سیمه ییز خبرونه5 days ago
د انقرې پر هوايي چلند او فضايي صنایعو د برید له کبله ۲۷ کسانو ته مرګ او ژوبله اوښتې
-
نړۍ1 day ago
اسرائیل باید د ایران له ځواکه خبر شي – خامنهیي
-
تازه خبرونه2 days ago
لس ایراني پوله ساتي د ایران په سیستان بلوچستان ولایت کې ووژل شول
-
لوبی1 day ago
افغانستان د آسیایي ملتونو جام په روزنیز پړاو کې بنګله دېش ته ۳-۲ ماتې ورکړه
-
نړۍ4 days ago
شمالي کوريا په روسيه کې پوځيان لري – امریکا
-
تازه خبرونه1 day ago
سبرینا اوګولیني د افغانستان لپاره د ایټالیا د سفارت نوې چارسمبالې وټاکل شوه