سیمه ییز خبرونه
د سپوږمکۍ انځورونه د ایران د توغندیو پر ودانیو د اسرائیلو برید ښیي
دا ارزونه په جلا توګه د ډیویډ البرایټ، د ساینس او نړیوال امنیت د انسټیټیوټ رییس او ډیکر ایولیټ په سیان – ای فکري خونه کې د څېړنې شنونکي ترسره کړي دي.
د رویټرز څرګنده کړې؛ د سوداګریزې سپوږمکۍ انځورونه ښیي، چې د اسرائیلو الوتکو د شنبې پر ورځ ( د لړم پېنځمه) په ایران کې هغه ودانۍ پر نښه کړې، چې د بالستیک توغندیو د تېلو لپاره کارول کېدي.
دا ارزونه په جلا توګه د ډیویډ البرایټ، د ساینس او نړیوال امنیت د انسټیټیوټ رییس او ډیکر ایولیټ په سیان - ای فکري خونه کې د څېړنې شنونکي ترسره کړي دي.
دې څېړونکیو تائید کړې: اسرائیلو د ایران پر دوه پوځي اډو، پارچین او خجیر، چې تهران ته څېرمه موقعیت لري؛ بریدونه کړي دي.
پارچین یو لوی پوځي کمپلکس او خجیر د توغندیو د تولید ځای دی، چې مخکې یې د پراخېدو راپور ورکړ شوی و.
ایولیټ ویلي، چې دې بریدونو ممکن د توغندیو د تولید لپاره د ایران وړتیاوې زیانمنې کړي دي.
د اسرائیلو پوځ اعلان وکړ، چې دغه بریدونه په درې پړاوونو کې همهاله د تهران او د ایران د لویدیځ په ګډون پر بېلابېلو سیمو ترسره شوي او هدف یې د توغندیو تولیدي فابریکې او نورې پوځی ودانۍ وې.
دا بریدونه د ایران لخوا د اکتوبر پر لومړۍ د اسرائیلو پر لوري د څه باندې ۲۰۰ توغندیو د توغولو په ځواب کې تر سره شوي دي.
د ایران پوځ د دغو بریدونو په ځواب کې څرګنده کړې: د اسرائیلو جټ الوتکو، چې سپکې خولۍ یې لېږدولي؛ د ایلام، خوزستان او د تهران د شاوخوا سیمو رادار سیسټمونه یې ویشتي دي.
انځورونه ښیي، چې پر خجیر د اسرائیل په برید کې د بالستیک توغندیو د تیلو دوه ودانۍ ویجاړې شوې دي.
دا ودانۍ پر خاورو پوښل شوې وې، چې ورسره د نورو ودانیو د چاودنې مخه ونیول شي. دغه راز له پارچين څخه نور انځورونه هم ښيي، چې د تېلو درې ودانۍ او يو ګودام ويجاړ شوي دي.
ویل کیږي، چې دا تجهیزات د "خیبر" او "حاج قاسم" راکټونو په جوړولو کې کارول شوي. دا هماغه راکټونه دي، چې ایران د میاشتې په پیل کې د اسرائیلو پر لور توغولي وه.
اسرائیلي سرچینو اعلان وکړ، چې په دې بریدونو کې د بالاستیک توغندیو د تېلو هغه مکسرونو ویجاړ شوي، چې ایران یې له چین څخه واردوي.
ایران په منځني ختیځ کې د توغندیو تر ټولو ستره کارخونه ده.
د امریکايي چارواکو د څرګندونو له مخې ایران روسیې، د یمن حوثيانو او د لبنان حزب الله ته ترې توغندي استولي دي؛ خو ایران او روسیه، روسیې ته د راکټونو د استولو ادعاوې ردوي.
پر ایران د اسرائیلو هوايي برید د افغانستان، سعودي عربستان، قطر، عراق، پاکستان او لبنان په ګډون یو شمېر اسلامي هېوادونو د اسرائیلو برید غندلی او پر ټولو خواوو یې غږ کړی، چې له زغم کار واخلي او د تاوتریخوالي له پارولو ډډه وکړي.
اروپا او لوېدیځو هېوادونو په داسې حال کې، چې د دغه برید له غندلو یې ډډه کړې؛ ایران ته یې ګواښ کړی، چې له ځواب ورکولو ډډه وکړي.
د یادونې ده، چې د ایران لوړپوړیو چارواکو هم دغه بریدونه غندلي او ویلي یې دي، چې دوی له ځانه د دفاع حق لري او په مناسب وخت کې به ځواب ورکړي.
سیمه ییز خبرونه
د انقرې پر هوايي چلند او فضايي صنایعو د برید له کبله ۲۷ کسانو ته مرګ او ژوبله اوښتې
د ترکیې ګارواکو ویلي؛ په دې وسلوال برید کې دوه برید ګر وژل شوي او څرګندوي، چې د دې برید د ۳ ټپیانو روغتیایي حالت د اندېښنې وړ دی.
د چارشنبې پر ورځ (د لړم دوهیمه) د ترکیې په پلازمېنه انقره کې د ترکیې د هوايي چلند او فضايي صنایعو( توساش ) پر ودانۍ وسلوال برید د ۵ کسانو پر وژلو او د ۲۲ نورو پر ټپي کېدو پای ته رسېدلی دی.
د ترکیې ګارواکو ویلي؛ په دې وسلوال برید کې دوه برید ګر وژل شوي او څرګندوي، چې د دې برید د ۳ ټپیانو روغتیایي حالت د اندېښنې وړ دی.
ترکي رسنیو له دې مخکې خبر ورکړی و، چې په انقره کې د ترکیې د هوايي چلند او فضايي صنعت په مرکزي دفتر کې یوه زوروره چاودنه شوې ده.
د ترکي رسنیو د راپورونو له مخې، درې بریدګرو یو ټکسي چلوونکی وژلی؛ موټر یې غلا او په انقره کې یې د ترکیې د پوځي صنعت ستراتیژیک شرکت ته ورغلل.
یوه بریدګر د ترکیې د هوايي چلند او دفاعي صنایعو د شرکت په دروازه کې ځانمرګی برید ترسره کړ او نورو بریدګرو ته یې ودانۍ ته د ننوتو فرصت برابر کړ او د شرکت په ودانۍ کې دننه جګړه پیل شوه.
خپاره شوي انځورونه لږ تر لږه درې وسلوال بریدګر ښیي، چې یوه یې ښځه وه له چاودنې مخکې د شرکت په دروازه کې ډزې کوي.
توساش شرکت د ډرون، پوځي او ملکي الوتکو او نورو دفاعي محصولاتو د ډیزاین او جوړولو په برخه کې فعالیت کوي.
تر اوسه کومې ډلې د دغه برید مسوولیت منلی ندی.
د تركيې ولسمشر رجب طيب اردوغان ته د بريكس د سرمشريزې په څنډه كې له خپل روسي سيال ولاديمير پوتين سره د ليدنې پر مهال له دې برید په اړه معلومات وركړ شول او دا يې په کلکه وغانده.
ترکي رسنیو راپور ورکړی، چې د اردوغان او پوتین تر منځ د لیدنې له پای ته رسېدو څو دقیقې وروسته د ناټو عمومي منشي مارک روټ د ترکیې له ولسمشر سره ټیلیفوني خبرې وکړې.
سره له دې، چې تر اوسه د چاودنې او ډزو لامل معلوم ندی؛ خو ځینو رسنیو لیکلي، چې د ترکیې د هوايي چلند او فضايي صنایعو په مرکز کې ځانمرګی برید شوی دی.
د افغانستان اسلامي امارت د ترکیې په پلازمېنه انقره کې د هوايي صنايعو پر شرکت "توساش" د یو شمېر وسلوالو پر برید ، مرگ او ژوبله خپله خواشیني څرګنده کړې ده. د دې وزارت په خبرپاڼه کې راغلي؛ د افغانستان اسلامي امارت د بهرنیو چارو وزارت د یاد برید د غندنې ترڅنګ د ترکیې دولت، ولس او د قربانیانو کورنیو ته د دې غمجنې پېښې په اړه د خواشینۍ امراتب وړاندي کوي او هیله څرگندوي، چې د ترکیې قدرمن ولس او دولت له ورته دردمنو پېښو سره بیا مخ نشي. ویل کیږي، چې په دې وسلوال برید کې ، چې تېره ورځ رامنځته شوي ۵ کسان وژل شوي او ۲۲ نور ټپیان دي.
سیمه ییز خبرونه
په امریکا کې د ترکیې د ولسمشر سیاسي مخالف فتحالله ګولن مړ شو
ترکي چارواکو فتحالله ګولن د ۲۰۱۶ ز. کال په ناکامه کودتا کې پر لاس لرلو تورن کړی؛ خو ګولن دا ادعاوې رد کړې دي.
د ترکیې د ولسمشر رجب طیب اردوغان مخالف سیاستوال فتحالله ګولن د ۸۳ کلونو پر عمر د زړه د ناروغۍ له کبله مړ شو.
ترکي رسنیو ډاګیزه کړې، چې فتحالله ګولن تېر ماښام ( یکشنبه د تلې نههویشتمه) د امریکا په پنسلوانیا ایالت کې مړ شوی دی.
هغه له ۱۹۹۹ ز. کال راپدېخوا د امریکا په پنسلوانیا کې استوګن و او د منځنۍ آسیا او ختیځې اروپا په هېوادونو کې یې د جاسوسۍ لویه شبکه اداره کوله.
ترکي چارواکو فتحالله ګولن د ۲۰۱۶ ز. کال په ناکامه کودتا کې پر لاس لرلو تورن کړی؛ خو ګولن دا ادعاوې رد کړې دي.
ګولن په ترکیه کې د ناکامې کودتا په اړه ویلي وه، چې که د ۲۰۱۶ ز. کال په کودتا کې د هغه د رول په اړه "بې طرفه، خپلواکه او نړیواله" څېړنه وشي، هغه به ترکیې ته ستون او محاکمې ته حاضر شي.
ترکي چارواکو له دغې ناکامې کودتا وروسته لسګونه زره کسان ونیول، چې په نیول شویو کسانو کې قاضیان، جنرالان او د پولیسو او اردو غړي هم ول.
له ګولن سره د تړاو پر تور څه د ډاکټرانو، د پوهنتون د کارکوونکیو او استادانو په ګډون څه باندې سل زره دولتي کارکوونکي له دندو ګوښه او یا وشړل شول.
نوموړي په وروستیو کلونو کې د امریکا د استخباراتو د ادارې (سي آی ای) تر څارنې لاندې و او د ترکیې د حکومت لخوا د هغه د سپارلو او محاکمې په اړه له څو ځلو غوښتنو سره - سره واشنګټن هېڅکله د هغه له راستنېدو ته زړه ښه نکړ.
د ګولن خدمت غورځنګ بنسټ د ترکي همدې ديني عالم ایښی؛ په زرګونه ملاتړي، پلویان او له زر ډېر ښوونيز مرکزونه لري، چې له محصلينو سره پوهنتونونو ته د داخلېدو په برخه کې مرسته کوي.
سیمه ییز خبرونه
د حماس د مشر وژنه به د مقاومت محور ونهدروي ـ د ایران مذهبې رهبر
د خامنهاي د څرګندونو له مخې؛ د هغه نشتوالی له شک پرته د مقاومت د محور لپاره دردونکي دی؛ خو دا جبهه د مخکښو شخصیتونو پر وژنه له وړاندې تګه نه پاتې کیږي. حماس ژوندی دی او ژوندی به وي.
د ایران مذهبي رهبر ایت الله علي خامنهاي د شنبې پر ورځ ویلي، چې د حماس د مشر یحیی سنوار پر وژنه به د مقاومت محور ونه دریږي او حماس به ژوندی وي.
د خامنهاي د څرګندونو له مخې؛ د هغه نشتوالی له شک پرته د مقاومت د محور لپاره دردونکي دی؛ خو دا جبهه د مخکښو شخصیتونو پر وژنه له وړاندې تګه نه پاتې کیږي. حماس ژوندی دی او ژوندی به وي.
یحیی سنوار د ۲۰۲۳ کال د اوکټوبر پر اوومه پر اسرائیلو د حماس د برید بنستوال و، چې ورسره سمه د غزې جګړه هم پیل شوه.
د چارشنبې پر ورځ له اسرائیلي ځواکونو سره په ډزو کې له یوه کال اوږده جګړې وروسته ووژل شو او د پنجشنبې پر ورځ یې د وژل کېدا اعلان راپور خپور شو.
خامنهای د نوموړي په اړه ویلي: هغه د مقاومت او مبارزې ځلانده څېره وه. پر کلک هوډ د ظالم او نیواکګر دښمن پر وړاندې ودرېد؛ پر زړورتیا او هوښيارۍ يې د اوکټوبر د اوومې نېټې هغه نه جبرانېدونکې ګوزار وکړ، چې د دې سيمې په تاريخ کې ثبت شوی دی. بیا یې ارواح پر عزت او غرور د شهیدانو هسک ته پورته شوه.
دغه د "مقاومت محور" چې د ایران په ملاتړ له کلونو هڅو وروسته جوړ شوی؛ حماس، د لبنان حزب الله ، د یمن حوثي غورځنګ او په عراق او سوریه کې بېلابېل شیعه ډلې رانغاړي.
رویټرز راپور ورکړی، چې دا ډلې ځانونه په منځني ختیځ کې د اسرائیلو او د امریکا د نفوذ پر وړاندې د مقاومت سرلاري بولي.
خامنهاي ویلي، د تل په شان مونږ به د خدای پر فضل او مرسته د مخلصو میړنیو او جنګیالیو تر څنګ پاتې وو.
دا په داسې حال کې ده، چې اسلامي امارت د اسرائيلي پوځ لخوا د حماس د سياسي مشر یحیی سنوار د وژلو په غبرګون کې نوموړی يو اتل بللی او څرګندوي، چې پر وړاندې به یې جهاد پر زيات قوت روان وي.
-
لوبی5 days ago
د افغانستان کرکټ بورډ د بنګله دېش پر وړاندې د یو ورځني لوبلړ نوملړ په ډاګه شو
-
تازه خبرونه4 days ago
د ایران او هند مشران د افغانستان په اړه وغږېدل
-
سیمه ییز خبرونه3 days ago
د انقرې پر هوايي چلند او فضايي صنایعو د برید له کبله ۲۷ کسانو ته مرګ او ژوبله اوښتې
-
تازه خبرونه3 days ago
د بریکس غړیو هېوادونو د نجونو پر زدهکړو د بندیز لرې کولو غوښتنه وکړه
-
نړۍ4 days ago
اسرائیلو په ۴۸ ساعتونو کې د حزب الله درې قومندانان او ۷۰ جنګیالي ووژل
-
تازه خبرونه4 days ago
د کابل د پامیر سینما په اړوند سیمه کې د چاودنې له کبله ۱۱ کسان ټپیان شول
-
تازه خبرونه4 days ago
د محمد علي کلي میرمن خلیله علي به سبا کابل ته راشي
-
تحول5 days ago
تحول: د روسیې په کازان کې د بریکس د دوه ورځنۍ ناستې ارزونه