تازه خبرونه
د ایران د سرحدي ځواکونو له خوا لسګونه افغان کډوال ووژل شول
ځینو رسنیو د عیني شاهدانو د څرګندونو له مخې په ډاګه کړې، چې ایراني سرحدي ځواکونو شاوخوا ۳۰۰ افغان کډوال پر نښه کړي او له ۲۰۰ ډېر یې وژلي دي.
د بشري حقونو یوې ټولنې حالوش د راپور له مخې؛ د ایران سرحدي ځواکونو د سراوان په کلګان سیمه کې پر افغان مهاجرینو، چې غوښتل یې ایران ته واوړي ډزې کړي او لسګونه کسان یې وژلي دي.
حالوش د سې شنبې پر ورځ (د تلې څلیریشتمه) د ترلاسه شویو ویډیوګانو او انځورونو او همدا راز د عیني شاهدانو د ادعاوو له مخې خبر ورکړی، چې له ۳۰۰ افغان مهاجرو څخه شاوخوا ۶۰ یا ۷۰ کسان ژوندي پاتې شوي او پاتې نور ټول وژل شوي او یا هم ټپیان دي.
ځینو رسنیو د عیني شاهدانو د څرګندونو له مخې په ډاګه کړې، چې ایراني سرحدي ځواکونو شاوخوا ۳۰۰ افغان کډوال پر نښه کړي او له ۲۰۰ ډېر یې وژلي دي.
د سراوان کلګان سیمه د ایران په سیستان او بلوچستان ایالت کې پرته ده او د پاکستان د بلوچستان ایالت له پنجګور سیمې سره ګډه پوله لري. داسې ښکاري، چې افغان کډوالو غوښتل د پاکستان له لارې ایران ته ننوځي.
دا پېښه په داسې حال کې ده، چې تېره ورځ د افغانستان د مهاجرینو او راستنېدونکیو چارو وزارت چارسمبالي خلیل الرحمن حقاني د ایران له استازي حسن کاظمي قُمي سره په کابل کې وکتل او نوموړي ته یې ویلي، چې اسلامي امارت هم هېواد ته د مهاجرینو د راستنولو پرېکړه کړې ده؛ خو په دې اړه باید یو ګډ میکانیزم رامینځته شي، چې د کډوالو راسنېدا پر عزا او درناوي تر سره شي.
د اسلامي امارت دې چارواکي له ایران څخه له ۴۰ کلونو راپدېخوا د مهاجرینو له کوربتوبه د مننې تر څنګ ویلي، چې په دې اړه باید له زغمه کار واخیستل شي.
د ایران سفیر دا هم ویلي، چې هېواد یې په هر ډول سختو حالاتو کې د افغانستان تر څنګ ولاړ دی او تر پایه به ولاړ وي.
هغه په ایران کې له کډوالو سره د ناوړه چلند په اړه راپورونه "جعلي" وبلل او زیاتوي، چې ایران د کډوالو "ټولو حقونو" ته پاملرنه کوي.
تر اوسه ايراني چارواکو د دې پېښې په اړه څه ندي ويلي او د مرګ او ژوبلې کره او پوره شمېر هم په ډاګه شوی ندی.
د افغانستان اسلامي امارت هم تر دې دمه پدې اړه څه ندي ویلي.
تازه خبرونه
پاکستان او چین په افغانستان کې د ټولګډونه حکومت د جوړولو غوښتنه وکړه
د پاکستان د بهرنیو چارو وزارت د سېشنبې پر ورځ (د تلې څلیریشتمه) د پاکستان او چین د لومړيو وزیرانو شهباز شریف او لي چیانګ ګډه غوښتنه خپره کړې ده.
د پاکستان او چین مشرانو له اسلامي امارت ګډه غوښتنه کړې، چې نه یوازې منځلارې تګلاره غوره او ټولګډونه حکومت جوړ کړي، بلکې د ترورېزم پر وړاندې د اغېزمنې او ډاډمنې مبارزې پر اړتیا هم ټینګار وکړي.
د پاکستان د بهرنیو چارو وزارت د سېشنبې پر ورځ (د تلې څلیریشتمه) د پاکستان او چین د لومړيو وزیرانو شهباز شریف او لي چیانګ ګډه غوښتنه خپره کړې ده.
د چین لومړی وزیر، چې د شانګهای همکاریو ټولنې په غونډه کې د ګډون لپاره پر څلور ورځني سفر اسلامآباد ته تللی؛ له شهباز شریف سره یې په یوه ګډه غوښتنه کې د ګاونډ هېوادونو پر ضد د افغانستان د خاورې د کارولو د مخنیوي پر اړتیا ټینګار څرګند کړ.
پاکستان پر اسلامي امارت تور لګوي، چې د تحریک طالبان پاکستان په ګډون د پاکستان له مخالفو ډلو ملاتړ کوي.
پاکستان دا هم ويلي، چې تحریک طالبان پاکستان (ټيټيپي) د افغانستان خاوره د دوی پر ضد کاروي او له هغه ځایه خپل بریدونه پلانوي.
اسلامآباد په پاکستان کې پر چینایي وګړو شوي بریدونه هم له افغانستان څخه انګیري؛ خو اسلامي امارت بیا پاکستان تورنوي، چې له داعش ډلې ملاتړ کوي.
شریف او چیانګ په دوه اړخیزو او څو اړخیزو کچو کې د تروریزم پر ضد د همکارۍ پر پیاوړتیا ټینګار کړی او د افغانستان له چارسمبالي حکومت څخه یې غوښتي، چې د فعالو تروریستي ډلو د له منځه وړلو لپاره کوټلي او د تائید وړ ګامونه پورته کړي.
د پاکستان او چین ولسمشرانو د افغانستان د حالاتو په اړه د اړیکو او همغږۍ د پیاوړتیا پر اړتیا ټینګار کړی او د اسلامي امارت د هڅولو لپاره یې د نړیوالې ټولنې د همغږو هڅو داسې غوښتنه یې کړې، چې یو ټولګډونه سیاسي چوکاټ رامنځته او منځلارې پالیسي پلې کړي.
ویل کیږي، چې دواړو هېوادونو د افغانستان له ودې او پراختیا هم ملاتړ وکړ او ژمنه وشوه، چې په نړیواله ټولنه کې یې د ادغام په اړه رغنده رول ولوبوي.
تازه خبرونه
په تورخم کې نیول شوې وسلې د اسلامي امارت ندي – عبدالمتین قانع
د افغانستان کورنیو چارو وزارت ویاند عبدالمتین قانع په خپلو ویډیوي څرګندونو کې په ډاګه کړې، چې د دوی د امنیتي او دفاعي ځواکونو وسلې خوندي دي او په ډیپوګانو کې ساتل کیږي.
د اسلامي امارت کورنیو چارو وزارت ويلي، چې په تورخم کې نیول شوې وسلې له افغانستان سره هیڅ تړاو نلري.
د افغانستان کورنیو چارو وزارت ویاند عبدالمتین قانع په خپلو ویډیوي څرګندونو کې په ډاګه کړې، چې د دوی د امنیتي او دفاعي ځواکونو وسلې خوندي دي او په ډیپوګانو کې ساتل کیږي.
هغه وايي؛ شونې ده، چې وسلې په تور بازار کې پېرل شوې وي او له یوه هېواده بل ته قاچاق شي؛ خو د دوی کشفي او امنیتي ادارو ته دنده سپارل شوې، چې د وسلو د پېر، پلور او قاچاق مخه ونیسي.
په تورخم کې د پاکستان ګمرکي چارواکو تېره ورځ اعلان وکړ، چې په افغانستان کې له امریکايي ځواکونو پاتې یوه اندازه وسلې یې پاکستان ته د قاچاق پر مهال له دوه کسانو سره نیولي دي.
يوې پاکستانۍ ورځپاڼې نیوز انټرنشنل د تورخم ګمرګ د رییس محمد عمرجان د څرګندونو له مخې په ډاګه کړې، چې دغه وسلې یې د ډبرو سکرو د یوه لېږدوونکي موټر د ور اوښتو پر مهالو د معلوماتو له تر لاسه کولو وروسته نیولې دي.
د دغو وسلو بیه، چې تومانچې، د شپې لرلیدونه او د وسلو زرګونه مرمۍ دي؛ ۱۲۶ زره امریکايي ډالره اټکل شوې ده.
یوې امریکایي رسنۍ میډیا انلاین په خپل راپور کې څرګنده کړې؛ د پاکستان چارواکي باورمن دي، چې دغه وسلې پاکستانيو جنګیالیو تحریک طالبان پاکستان ته لېدول کېدې.
دا په داسې حال کې ده، چې پاکستان د شانګهای همکاریو ټولنې د دوه ورځنۍ سرمشریزې کوربه دی.
تازه خبرونه
چین د واخان دهلیز د فعالولو لپاره خپل چمتووالی څرګند کړ
په بیجینګ کې د افغانستان سفارت د خبرپاڼې له مخې؛ په دې کتنه کې دواړو لوریو د سوداګرۍ پر دوام، د اقتصاد د پیاوړتیا او د سیمې او ګاونډ هېوادونو سره د مثبتو دوه اړخیزو اړیکو، سیاسي، اقتصادي، سوداګریزو او ټرانزیټي همکاریو په اړه خبرې شوې دي.
په بیجینګ کې د اسلامي امارت سفير بلال کريمي د چین بهرنيو چارو وزارت د آسيایي څانګې له مشر ليو جين سونګ سره په ليدنه کې د دواړو هېوادونو د اقتصادي او سیاسي اړيکو پر پراختيا او پياوړتيا خبرې کړې دي.
په بیجینګ کې د افغانستان سفارت د خبرپاڼې له مخې؛ په دې کتنه کې دواړو لوریو د سوداګرۍ پر دوام، د اقتصاد د پیاوړتیا او د سیمې او ګاونډ هېوادونو سره د مثبتو دوه اړخیزو اړیکو، سیاسي، اقتصادي، سوداګریزو او ټرانزیټي همکاریو په اړه خبرې شوې دي.
په خبرپاڼه کې راغلي؛ سونګ د چين او افغانستان ترمنځ د واخان دهليز د فعالولو په اړه د اسلامي امارت له هڅو قدرداني وکړ او د دغه دهليز د فعالولو لپاره يې د تدريجي ګامونو د پورته کولو لپاره د خپل هېواد چمتووالی څرګند کړ.
هغه زیاته کړې؛ د ۲۰۲۵ کال له جنورۍ څخه د چین ولسمشر د افغانستان په ګډون د څه نا څه ۴۰ هېوادونو پر صادراتو ګمرکي تعرفې بښلي، چې دا د افغان سوداګرو لپاره ښه زیری دی.
ویل کیږي، چې د منځنۍ آسيا د تېلو او ګازو شرکتونه به وهڅول شي، چې د آمو سيند د تېلو له سیمې څخه د تېلو د استخراج او د مس عینک پروژې د روانو کارونو د پراختيا او ګړنديتوب لپاره هڅې وکړي.
-
تازه خبرونه4 days ago
د اسلامي امارت رهبر د صنعتي سیمو قانون توشیح کړ
-
نړۍ2 days ago
امریکا د ایران د احتمالي برید د مخنیوي لپاره اسرائیل له خپل دفاعي سیسټمه برخمنوي
-
تازه خبرونه2 days ago
هالینډ او ازبکستان د افغان کډوالو د ایستلو پر تړون غور پیل کړ
-
ساینس او ټیکنالوژي3 days ago
ایران د ځمکې پر مدار د راڅرخېدو لپاره روسیې ته دوه سپوږمکۍ استولي
-
تازه خبرونه2 days ago
د قطر او آلمان چارواکو د افغانستان حالات وارزول
-
لوبی3 days ago
د افغانستان کرکټ الف لوبډلې د هانګ کانګ لوبډلې ته ماتې ورکړه
-
تازه خبرونه1 day ago
افغانستان د نړۍ د ۲۶ بېوزلو هېوادونو په نوملړ کې راغلی – نړیوال بانک
-
تازه خبرونه1 day ago
د ډلهییز امنیت تړون د افغانستان پولې ته څېرمه د پوځي روزنیزو هڅو له ترسره کولو خبر ورکړ