تازه خبرونه
د افغانستان ۴۸ سلنه وګړي د فقر تر کرښې لاندې ژوند کوي – اوچا
اوچا د یکشنبې پر ورځ ( د زمري څوارلسمه) یو راپور خپور کړی، چې بارانونو د افغانستان یو شمېر ولایتونه په تېره بیا د هېواد په لویدیځ کې مالي زیانونه رامنځته کړې دي.
د ملګرو ملتونو د بشري مرستو د همغږۍ دفتر ( اوچا ) ویلي، چې په افغانستان کې وروستیو سېلابونو لږ تر لږه ۸۳ زره کسان اغېزمن کړي دي.
اوچا د یکشنبې پر ورځ ( د زمري څوارلسمه) یو راپور خپور کړی، چې بارانونو د افغانستان یو شمېر ولایتونه په تېره بیا د هېواد په لویدیځ کې مالي زیانونه رامنځته کړې دي.
دغه بنسټ ویلي، چې دا مهال په افغانستان کې ۱۲ اعشاریه ۴ میلیون وګړي د خوراکي توکو له کمښت سره مخ دي.
د راپور له مخې؛ په افغانستان کې ۲۳ اعشاریه ۷ میلیون وګړي مرستو ته اړتیا لري او د افغانستان ۴۸ سلنه وګړي د فقر تر کرښې لاندې ژوند کوي.
اوچا زياته کړې، چې په داسې يوه حالت کې له ايران او پاکستان څخه د افغان کډوالو هېواد ته شړل د خوراکي توکو ناورین نور هم پراخه کړى دى.
ویل کیږي، چې په هېواد کې د وروستيو مياشتو طبيعي پېښو ځاني او مالي زيانونه اړولي دي.
تازه خبرونه
د سترو اقتصادي پروژو له پرانیستې سره به د سیمې اقتصاد وغوړېږي – امیر خان متقي
د بهرنیو چارو وزارت د خبر پاڼې له مخې؛ په دې ناسته کې د بهرنیو چارو وزیر مولوي امیر خان متقي تېره اوونۍ له ترکمنستان سره د ټاپي، ټاپ، نوري فایبر او اوسپنې پټلۍ د سترو پروژو د پرانیستي په تړاو د ناستې ګډونوالو ته هراړخیزه معلوماتي وینا وړاندې کړه.
د افغانستان بهرنیو چارو وزارت چارسمبالي تېره ورځ د وږي پېنځهویشتمه په کابل کې د مېشتو دولتونو سفیرانو او د سیمهییزو او نړیوالو ټولنو له استازو سره د ماښامنۍ ناسته تر سره کړه.
د بهرنیو چارو وزارت د خبر پاڼې له مخې؛ په دې ناسته کې د بهرنیو چارو وزیر مولوي امیر خان متقي تېره اوونۍ له ترکمنستان سره د ټاپي، ټاپ، نوري فایبر او اوسپنې پټلۍ د سترو پروژو د پرانیستي په تړاو د ناستې ګډونوالو ته هراړخیزه معلوماتي وینا وړاندې کړه.
د بهرنیو چارو وزیر امیر خان متقي ویلي؛ د افغانستان په خاوره کې د سیمې د ټاپي نللیکې د عملي کار پیل په حقیقت کې له جګړې او سیالۍ څخه د پرمختګ او همکارۍ پر لور د بحث بدلون دی.
مولوي امیر خان متقي د افغانستان په خاوره کې د ټاپي نللیکې د غځولو په برخه کې د اسلامي امارت سیاسي اراده ټینګه وبلله او هیله یې څرګنده کړه، چې که ټاپي تر خپل منزل مقصود پورې ورسېږي؛ نو د پاکستان او هندوستان پر ولسونو سربېره به نور ولسونه هم ترې ګټه واخلي.
د بهرنیو چارو وزیر له ګډونوالو وغوښتل، چې د خپلو هېوادونو او ولسونو د هوساینې او پرمختګ لپاره باید د منفي سیالیو، امنیتي او صفر مجموعې له زاویو د تعامل پر ځای د ګټې-ګټې له مثبتې زاویې مسایلو ته وګوري.
امیر خان متقي زیاته کړې؛ اوس د نړۍ ګڼ هېوادونه دې پایلې ته رسېدلي، چې د ژیوپولیتیک لیدلوري پر ځای کولی شي مسایلو ته له ژیوایکانومیکي زاویې وګوري او په پای کې ټول ګټونکي واوسي.
د بهرنیو چارو وزارت چارسمبالي هیله وښوده، چې د سترو اقتصادي پروژو له پرانیستې سره به په سیمه کې داسې ستر مثبت اقتصادي بدلون رامنځته شي، چې د ټولو لوریو اقتصادونه به ورسره وغوړېږي.
ویل کیږي، چې په دې ناسته کې د ترکمنستان سفیر خوجه عوضوف هم وینا وکړه او د افغانستان او ترکمنستان ترمنځ یې د سترو پروژو پرانیسته د دواړو هېوادونو په اړیکو کې د نوي څپرکي پیل وباله.
تازه خبرونه
اسلامي امارت د پخواني حکومت (۲.۷) میلیارډ افغانۍ پورونه ورکړل
د مالیې وزارت د خپرې شوې خبرپاڼې له مخې؛ دې وزارت (۹۱۰) میلیون افغانۍ نړیوال بانک ته او شاوخوا (۱.۹) میلیارډ افغانۍ د آسیا پراختیايي بانک ته ورکړې دي.
د افغانستان اسلامي امارت د رهبر د پرېکړې له مخې؛ پر پخواني حکومت د یو شمېر بهرنیو بنسټونو پاتي (۲.۷) میلیارډ افغانۍ پورونه ورکړ شوي دي.
د مالیې وزارت د خپرې شوې خبرپاڼې له مخې؛ دې وزارت (۹۱۰) میلیون افغانۍ نړیوال بانک ته او شاوخوا (۱.۹) میلیارډ افغانۍ د آسیا پراختیايي بانک ته ورکړې دي.
د مالیې وزارت د څرګندونو له مخې؛ دغه راز په (۱۴۰۳لمریز لېږدیز) کال کې د یو شمېر بهرنیو بنسټونو د پورونو د ادا کولو لپاره له ملي بودجې څخه یوه مشخصه اندازه ځانګړې شوې، چې د پور ورکوونکیو بنسټونو له غوښتنې سره سم به د اسلامي امارت د مشرتابه پر لارښوونه ورکړ شي.
له دې مخکې ویل شوي وه، چې پخوانی حکومت له بهرنیو بنسټونو نږدې ۱۸ میلیارډ افغانۍ پوروړی دی.
ویل کیږي، چې اسلامي امارت په تېرو درې کلونو کې له هیڅ هېواد او بهرني بنسټ څخه پور ندی اخیستی؛ هڅه یې کړې، چې د پخواني حکومت ټول پاتې پورونه د مشرتابه د پرېکړې له مخې ورکړي او افغانستان د کوم بهرني هېواد او ادارې پوروړی پاتې نشي.
تازه خبرونه
آلمان له ازبکستان سره د مهاجرت هوکړه لاسلیک کړه
شولز د یکشنبې پر ورځ د ازبکستان په سمرقند ښار کې د ازبکستان له ولسمشر شوکت میرضیایوف سره له کتنې وروسته ویلي؛ مونږ د بااستعداده کارګرانو د اړتیا وړ مهاجرت ته اړتیا لرو، چې اقتصاد به مو ورسره وده وکړي.
د آلمان لومړي وزیر اولاف شولز ویلي؛ آلمان له ازبکستان سره یوه داسې هوکړه لاسلیک کړې، چې له مخې به یې د اقتصادي ملاتړ لپاره د منځنۍ آسیا له هېوادونو څخه ماهر کارګر آلمان ته مهاجر شي او د ځینو نورو مهاجرو په بېرته ستنېدو کې مرسته وکړي.
شولز د یکشنبې پر ورځ د ازبکستان په سمرقند ښار کې د ازبکستان له ولسمشر شوکت میرضیایوف سره له کتنې وروسته ویلي؛ مونږ د بااستعداده کارګرانو د اړتیا وړ مهاجرت ته اړتیا لرو، چې اقتصاد به مو ورسره وده وکړي.
شولز پرته له دې، چې توضیحات ورکړي ویلي؛ دواړو هېوادونو د هغو کسانو لپاره، چې باید بېرته لاړ شي پر ساده، غیر بیوروکراټیک طرزالعملونو هم موافقه وکړه.
هغه د رسنیو هغو ګونګوسیو ته ځواب ورنکړ، چې ګنې له ازبکستان سره تړون به د هغو افغانانو د ایستلو لپاره هم کار وکړي، چې جرم یې کړی وي.
هغه زیاته کړې: بل دا، چې له نیکه مرغه په ډېرو برخو کې د همکارۍ په اړه محرمې خبرې روانې دي.
جرمني د اګست پر دېرشمه ویلي وه؛ له سیمهییزو ټاکنو څخه څو ورځې مخکې، چې مهاجرت د کمپاین مسله وه خپل هېواد ته د مجرم پېژندل شویو افغان وګړیو جبري ایستل بیا پیل کړي.
برلین په ۲۰۲۱ ز.کال کې د اسلامي امارت له بیا واکمنېدو وروسته د بشري حقونو د اندېښنو له کبله افغانستان ته د خلکو راتګ ودراوه.
د رویټرز خبري آژانس د راپور له مخې: د آلمان کورنیو چارو وزیرې نانسي فایسر، چې له شولز سره یې په سمرقند کې اړوند هوکړه لاسلیک کړی ویلي؛ هغه افغانستان ته د نورو الوتنو پلان لري، چې سرغړوونکي افغان وګړي جبري وباسي.
فایسر وایي: خو مونږ به وګورو، چې له کومو هېوادونو سره د همکارۍ له مخې دا کار تر سره کړو.
د جرمني حکومت په افغانستان کې د طالبانو له حکومت سره کومې اړیکې نلري؛ خو د قطر پر منځګړیتوب یې په اګست کې د جرمني د وتلو لومړۍ الوتکه تر سره کړه.
-
تازه خبرونه1 day ago
د افغانستان له پامه غورځول به د سپټمبر د یوولسمې پېښې تکرار رامنځته کړي – دُرانی
-
لوبی5 days ago
په هند کې د باران له کبله بیا هم د افغانستان او نیوزیلینډ ټسټ لوبه ونشوه
-
لوبی2 days ago
افغانستان د انګولا پر وړاندې په فوټسال نړیوال جام کې لوبیږي
-
تازه خبرونه5 days ago
د اسلامي امارت او ملګرو ملتونو ترمنځ اړيکې د ډاډ وړ دي
-
تازه خبرونه1 day ago
آلمان له ازبکستان سره د مهاجرت هوکړه لاسلیک کړه
-
لوبی1 day ago
د افغانستان فوټسال لوبډلې د ازبکستان په نړیوال جام کې د انګولا پر وړاندې لومړۍلوبه وکړه
-
لوبی23 hours ago
د فیفا فوټسال نړیوال جام پر اړتیاوو پوهېدل اړین دي
-
نړۍ2 days ago
په نایجیریا کې د یوې کښتۍ د ډوبېدو له کبله لږ تر لږه ۶۴ کسان مړه شول