لوبی
د ۲۰ اوریز نړیوال جام د نیمه پایلوبې مهالوېش تائید شو
لومړۍ نیمه پایلوبه: افغانستان د سویلي افریقا پر وړاندې؛ چهارشنبه د جون شپږویشتمه (په سیمهییز وخت ۸:۳۰ بجې). دا لوبه به د پنجشنبې پر ورځ د کابل پر وخت د سهار پر ۵ بجو د برایان لارا کرکټ اکاډمۍ تروبا، ټرینیډاډ او ټوباګو کې پیل شي.
![](https://www.ariananews.af/wp-content/uploads/2024/06/T20World-Cup-Semi-Final.jpg)
د افغانستان او سویلي افریقا تر منځ د سیالیو لومړۍ نیمه پایلوبه به په ټرینېډاډ او ټوباګو کې ترسره او هند او انګلینډ به له ګویانا څخه په دوهیمه ناک آوټ سیالۍ کې سره مخ شي.
د ۲۰ اوریز نړیوال جام د ناک آوټ پړاو لپاره نېټې، لوبډلې او ځایونه تائید شوې دي.
سویلي افریقا او افغانستان به د پنجشنبې پر ورځ د کابل پر وخت د سهار پر ۵ بجو د ټرینېډاډ او ټوباګو په برایان لارا کرکټ اکاډمۍ کې له افغانستان سره مخ شي.
افغانستان د سې شنبې پر سهار د اته غوره لوبډلو په وروستۍ لوبه کې د سنټ وینسنټ پر کوربتوب بنګله دیش ته ماتې ورکړه او د وروستيو څلور لوبډلو لوبو ته یې لار پیدا کړه.
افغانستان په لومړۍ پاڼۍ کې له ۱۱۵/۵ منډو جوړولو وروسته د باران له کبله د بنګله دېش لوبډلې ته په ۱۰۵ منډو ماتې ورکړه او د ۸ منډو پر توپیر یې بریا خپله کړه.
دوهیمه نیمه پایلوبه به په ګویانا کې ترسره شي او د شل اوریز نړیوال جام سیالیو اتله هند له انګلستان سره لوبه کوي.
هندوستان د دوشنبې پر ورځ له اسټرالیا سره پر زړهراکښونکې بریا نیمه پایلوبې ته ډاډمن شو.
د نیمه پایلوبې مهالوېش:
لومړۍ نیمه پایلوبه: افغانستان د سویلي افریقا پر وړاندې؛ چهارشنبه د جون شپږویشتمه (په سیمهییز وخت ۸:۳۰ بجې). دا لوبه به د پنجشنبې پر ورځ د کابل پر وخت د سهار پر ۵ بجو د برایان لارا کرکټ اکاډمۍ تروبا، ټرینیډاډ او ټوباګو کې پیل شي.
دوهیمه نیمه پایلوبه: هند د انګلستان پر وړاندې، پنجشنبه د جون اووه ویشتمه (د سهار ۱۰:۳۰ بجې) د ګویانا ملي لوبغالی.
د افغانستان مینهوال کولی شي، چې د پنجشنبې پر ورځ د کابل پر وخت د مازدیګر پر ۴:۳۰ بجو دغه لوبه پر ژوندۍ بڼه له آریانا ټلویزیون څخه وګوري.
اړوند خبرونه:
افغانستان بنګله دېش ته پر ماتې ورکولو نیمه پایلوبې ته لار پیدا کړه
لوبی
درې افغان لوبغاړي د ۲۰ اوریز نړیوال جام سیالیو په غوره لوبډله کې راغلل
رحمان الله ګربز په دغو سیالیو کې ۲۸۱ منډې جوړې کړې، چې د یوه لوبغاړي له لوري تر ټولو ډېرې منډې وې او د اسټرالیا پر وړاندې یې ۶۰ منډو د افغانستان په بریا کې مرسته وکړه.
![](https://www.ariananews.af/wp-content/uploads/2024/07/Farooqi-Rashid-Gurbaz.jpg)
د کرکټ نړیوالې شورا د ۲۰ اوریز نړیوال جام له پایلوبې څخه په خپله غوره شوې لوبډله کې درې افغان لوبغاړي هم شامل کړي دي.
په دې غوره لوبډله کې د افغانستان له لوبډلې رحمان الله ګربز، راشد خان او فضل الحق فاروقي غوره شوي دي.
په دې لوبډله کې نور لوبغاړي دا دي: روهیت شرما (هند)، نیکولاس پوران (ویسټ انډیز)، سوریا کمار یاداو (هند)، مارکوس سټونیز (آسټرالیا)، هاردیک پانډیا (هند)، اکسر پټیل (هند)، جسپریټ بومرا (هند) او ارشد سنګهـ (هند).
روهیت شرما د دې لوبډلې د لوبډلمشر په توګه اعلان شو.
رحمان الله ګربز په دغو سیالیو کې ۲۸۱ منډې جوړې کړې، چې د یوه لوبغاړي له لوري تر ټولو ډېرې منډې وې او د اسټرالیا پر وړاندې یې ۶۰ منډو د افغانستان په بریا کې مرسته وکړه.
راشد خان ۱۴ ویکټې واخیستې او په هر اور کې یې د منډو کچه ۶ وه.
فضل الحق فاروقي ۱۷ ویکټې واخیستې، چې دا له ارشډیپ سنګهـ سره د ډېرو ویکټو اخیستو ګډ ریکارډ دی. د نیوزیلینډ پر وړاندې په لوبه کې د هغه څلور ویکټې د نیوزیلینډ په ماتولو کې له افغان لوبډلې سره مرسته وکړه.
اړوند خبرونه:
کوهلي په ۲۰ اوریز نړیوال جام کې د هندوستان له اتلولۍ وروسته استعفا وکړه
له سویلي افریقا سره په نیمه پایلوبه کې ماته مو د کار پیل دی – راشدخان
لوبی
کوهلي په ۲۰ اوریز نړیوال جام کې د هندوستان له اتلولۍ وروسته استعفا وکړه
کوهلي له لوبې وروسته وویل: دا زما وروستی ۲۰ اوریز نړیوال جام دی او دا هغه څه دي، چې مونږ یې ترلاسه کول غوښتل. یوه ورځ به داسې احساس کوئ، چې نورې منډې ونشئ کولی او بیا هرڅه پېښیږي.
![](https://www.ariananews.af/wp-content/uploads/2024/06/Kohli.jpg)
د شنبې پر شپه د کرکټ په ۲۰ اوریز نړیوال جام کې د سویلي افریقا پروړاندې د هند لوبډلې له بریا وروسته ویرات کوهلي د لوبې غوره لوبغاړي اعلان شو او د جایزې له ترلاسه کولو وروسته یې وویل، چې نور په دې ډول لوبو کې برخه نهاخلي.
د هند لپاره، دا په تېرو ۱۷ کلونو کې لومړی ځل و، چې د ۲۰ اوریز نړیوال جام اتل شو. د نړیوال جام په وروستۍ لوبه کې هند سویلي افریقا ته یوازې پر ۷ منډو ماتې ورکړه.
کوهلي له لوبې وروسته وویل: دا زما وروستی ۲۰ اوریز نړیوال جام دی او دا هغه څه دي، چې مونږ یې ترلاسه کول غوښتل. یوه ورځ به داسې احساس کوئ، چې نورې منډې ونشئ کولی او بیا هرڅه پېښیږي.
هغه زیاته کړې: دا یو ښکاره راز دی؛ اوس هغه وخت رارسېدلی، چې راتلونکي نسل ګام پورته کړي، ځینې حیرانونکي لوبغاړي به لوبډله رهبري او بیرغ لوړ وساتي.
دا په شل اوریزه نړیوال جام کې د هند د لوبډلې دوهیمه بریا ده، چې لومړۍ هغه پر ۲۰۰۷ کال په سویلي افریقا کې د ایم ایس دهوني پر لوبډلمشرۍ تر لاسه شوې وه.
د هند پخوانی لوبډلمشر د شنبې پر ورځ په نړیوال جام کې د بیا اتلولۍ په اړه په خپل انسټاګرام کې څرګنده کړه: د ۲۰۲۴ نړیوال جام اتلولي؛ د زړه ضربان مې لوړ شوی و، د باور او ډاډمن پاتې کیدو او هغه کار، چې لوبغاړو ترسره کړ. ټولو هغو هندیانو ته، چې په وطن او د نړۍ په ګوټ ګوټ کې دي د کرکټ د نړیوال جام د ګټلو له کبله ترې مننه کوم او مبارکي ورته وایم.
له دې بریا سره د هند کرکټ ملي لوبډلې د مشر روزونکي په توګه د راهول ډراویډ ماموریت هم پای ته ورسېد.
مطالب مرتبط:
هند او سویلي افریقا د کرکټ ۲۰ اوریز نړیوال جام پایلوبې ته لار پیدا کړه
لوبی
د افغانستان فوټسال لوبډله په دوستانه سیالیو کې له مراکش سره لوبیږي
د فوټسال نړیوال جام د ۲۰۲۴ کال د سپټمبر پر څوارلسمه په ازبکستان کې پیلېږي.
![](https://www.ariananews.af/wp-content/uploads/2024/04/Futsal-2.jpg)
د افغانستان فوټبال فډراسیون ویلي، چې د هېواد فوټسال ملي لوبډله به راتلونکې میاشت د مراکش پر وړاندې دوه دوستانه لوبې وکړي.
د افغانستان فوټبال فډراسیون په یوه خبرپاڼه کې لیکلي، چې دغه سیالۍ به د جولای پر لسمه او دیارلسمه په مراکش کې د تړلو دروازو تر شا ترسره شي.
د هېواد فوټبال فډراسیون په ډاګه کړې، چې دغه سیالۍ به د ۲۰۲۴ کال فوټسال نړیوال جام ته د لوبډلې د چمتووالي لپاره ترسره شي او لګښت به یې د فډراسیون له بودجې ورکول کېږي.
د فوټسال نړیوال جام د ۲۰۲۴ کال د سپټمبر پر څوارلسمه په ازبکستان کې پیلېږي.
دا لومړی ځل دی، چې افغانستان په دغو سیالیو کې ګډون کوي.
اړوند خبرونه:
افغانستان د ۲۰۲۴ فوټسال نړیوال جام په C ګروپ کې راغی
افغانستان پر لومړي ځل د فوټسال نړیوال جام ته لار وموندله
-
لوبی3 days ago
هند او سویلي افریقا د کرکټ ۲۰ اوریز نړیوال جام پایلوبې ته لار پیدا کړه
-
لوبی4 days ago
له سویلي افریقا سره په نیمه پایلوبه کې ماته مو د کار پیل دی – راشدخان
-
تازه خبرونه3 days ago
له افغانستان څخه د امریکايي ځواکونو وتل امریکا ته له شرمه ډکه تاریخي پېښه وه – ټرمپ
-
لوبی2 days ago
د افغانستان فوټسال لوبډله په دوستانه سیالیو کې له مراکش سره لوبیږي
-
تازه خبرونه5 days ago
په افغانستان کې مو له ۵۴ زره څخه د ډېرو روږدو کسانو درملنه کړې
-
لوبی4 days ago
د افغانستان لوبډلې سویلي افریقا ته خپله لومړۍ نیمه پایلوبه وبایلله
-
تازه خبرونه4 days ago
په بامیان کې سېلابونو ځاني او مالي زیانونه اړولي
-
تازه خبرونه5 days ago
اسلامي امارت د انساني قاچاق پر وړاندې پرېکنده مبارزه کړې – عبدالمتین قانع