سوداگري
ډېر ژر به په هېواد کې د سمنتو پېنځه کارخونې جوړې شي – شهاب الدین دلاور
د کانونو او پترولیم وزیر کندهار ولایت ته د خپل سفر پر مهال ویلي، چې ډېر ژر به په هېواد کې د سمنتو پېنځه کارخونې جوړې شي.
د کانونو او پترولیم وزیر شهاب الدین دلاور زیاته کړې، چې د دغو کارخونو له جوړېدو سره د سمنتو په وارداتو کې د سلګونه میلیون دالرو د لګښت مخه نیول کیږي او هېواد به پر ځانبسیا شي.
د نوموړي د څرګندونو له مخې، په دې وروستيو کې د هېواد د کانونو عوايد زيات شوي دي.
شهاب الدین دلاور په ډاګه کړې: نړۍ مونږ پر رسمیت نه پېژني او بېلابېلې پلمې جوړوي؛ خو سره له دې مو د افغانۍ ثبات ساتلی او په ۱۲ میاشتو کې د کانونو وزارت عواید ۱۷.۵ میلیارد افغانۍ و.
ټاکل شوې، چې په هرات، کندهار، لوګر، جوزجان او پروان ولایتونو کې د سمنتو کارخونې جوړې شي. دا مهال په هېواد کې د غوري او جبل السراج سمنتو کارخونې فعالې دي، چې تر یوه حده د هېواد د سمنتو اړتیا پوره کوي.
کندهار ته د کانونو او پتروليم د وزير سفر په داسې حال کې ترسره کېږي، چې په دې ولايت کې د يو شمېر کانونو قراردادونه له یو شمېر شرکتونو سره شوي، چې په بدل کې يې ولسي پروژې پلې کیږي.
سوداگري
افغانستان ته د ایران د ټرانزیټ کچه ۸ برابره لوړه شوه – ایران
محمد کوهګرد د دوشنبې پر ورځ (د تلې نهمه) دولتي خبري سرچینې ایرنا ته ویلي: د روان کال په لومړیو شپږ میاشتو کې څه باندې ۱۵ زره کانټینرونه، چې له څلور نیم زره ټنو ډېر وزن لري؛ د ماهیرود له پولې افغانستان ته لېږدول شوي دي.
د ایران د جنوبي خراسان ولایت د ګمرکونو عمومي رییس ويلي، چې د روان کال په لومړیو شپږو میاشتو کې د دغه ولایت له پولو څخه افغانستان ته د ټرانزیټ کچه ۸ برابره لوړه شوې ده.
محمد کوهګرد د دوشنبې پر ورځ (د تلې نهمه) دولتي خبري سرچینې ایرنا ته ویلي: د روان کال په لومړیو شپږ میاشتو کې څه باندې ۱۵ زره کانټینرونه، چې له څلور نیم زره ټنو ډېر وزن لري؛ د ماهیرود له پولې افغانستان ته لېږدول شوي دي.
محمد کوهګرد زیاته کړې، چې: دا شمېر د تېر کال د همدومره وخت پر پرتله اته برابره ډېروالی ښیي.
هغه زياته کړه، چې په ټرانزيټي توکو کې مصرفي توکي، بوره، اوړه، د پخلي غوړي او سره شته، چې له ترکيې، متحده عربي اماراتو، روسيې او انډونيزيا څخه د ماهیرود ګمرک له لارې افغانستان ته لېږدول شوي دي.
تازه خبرونه
د بریټانیا د سفارت چارسمبالي د افغانستان د سوداګرۍ او پانګونې خونې له مسوولینو سره وکتل
د سوداګرۍ او پانګونې خونې د خبرپاڼې له مخې؛ نن (دوشنبه د تلې نهمه) د دغه بنسټ مسوولینو د بریټانیا له ډیپلوماټ سره په لیدنه کې د سیمې د هېوادونو ترمنځ د سوداګرۍ او پانګونې د ستونزو په اړه بحث او اندونه وړاندې کړل.
د افغانستان لپاره د بریټانیا د سفارت چارسمبالي رابرټ ډیکسن په کابل کې د سوداګرۍ او پانګونې خونې له مسوولینو سره د سوداګرۍ او پانګونې په اړه بحث او خبرې وکړې.
د سوداګرۍ او پانګونې خونې د خبرپاڼې له مخې؛ نن (دوشنبه د تلې نهمه) د دغه بنسټ مسوولینو د بریټانیا له ډیپلوماټ سره په لیدنه کې د سیمې د هېوادونو ترمنځ د سوداګرۍ او پانګونې د ستونزو په اړه بحث او اندونه وړاندې کړل.
د سوداګرۍ او پانګونې خونې لومړي مرستیال محمد یونس مومند له خصوصي سکټور سره د دولت د هراړخیز ملاتړ د یادونې پر مهال د نړۍ له ټولو هېوادونو سره د هېواد د خصوصي سکټور د همکارۍ ډاډ ورکړ او په دې برخه کې یې د نړۍ له هېوادونو سره د اړیکو پر ښه کولو او په دې اړه د عملي ګامونو پر پورته کولو ټینګار څرګند کړ.
نوموړي د بريټانيا له چارسمبالي څخه وغوښتل، چې له نړيوالې ټولنې څخه د افغانستان د کنګل شويو شتمنيو په خلاصون او د پيسو د لېږد پر وړاندې د خنډونو لرې کولو کې همکاري وکړي، چې خصوصي سکټور ته يې ګڼې ستونزې رامنځته کړې دي.
ویل کیږي، چې افغانستان جنوبي آسیا له منځنۍ آسیا سره نښلوي او د افغانستان له لارې هم ټرانزیټ عادي روان دی.
تازه خبرونه
په ۴ ولايتونو کې د ۶ کرنیزو نمایشي او ترویجي کمپلکسونو جوړول ومنل شول
د ریاست الوزراء اقتصادي مرستیال وايي، دغه کمپلکس د کرنې، اوبولګولو او مالدارۍ وزارت لخوا د ۵۴۹ میلیون افغانیو پر لګښت په ۴۵۰۰ جریبه ځمکه کې جوړېږي.
د اقتصادي کمیسیون تخنیکي کمیټې نوبتي غونډې د کرنې، اوبولګولو او مالدارۍ وزارت د شپږ کرنیزو نمایشي او ترویجي کمپلکسونو د جوړولو طرحه ومنل شوه.
د ریاست الوزراء له دفتره په خپره شوې خبرپاڼه کې راغلي، چې په هرات، هلمند، ننګرهار او بلخ ولایتونو کې به د ۶ کرنیزو نمایشي او ترویجي کمپلیکسونو د جوړولو طرحه پلې شي.
د دغې طرحې له مخې؛ به د هېواد په طبیعي ځنګلونو کې د لرګیو وهلو مخنیوی ترسره او د ځنګلونو د بیا احیا لپاره بنسټیز ګامونه واخیستل شي.
د ریاست الوزراء اقتصادي مرستیال وايي، دغه کمپلکس د کرنې، اوبولګولو او مالدارۍ وزارت لخوا د ۵۴۹ میلیون افغانیو پر لګښت په ۴۵۰۰ جریبه ځمکه کې جوړېږي.
ویل کیږي، چې په دې غونډه کې د کرنې، اوبولګولو او مالدارۍ وزارت له لوري په هېواد کې د طبیعي ځنګلونو د لرګیو او د ځنګل د فرعي محصولاتو څخه د ګټې اخیستنې پر جوړه شوې کړنلاره هم بحث وشو.
-
سوداگري5 days ago
افغانستان ته د ایران د ټرانزیټ کچه ۸ برابره لوړه شوه – ایران
-
نړۍ4 days ago
په غزه کې د اسرائیلو د نویو بریدونو له کبله ۳۷ کسان ووژل شول
-
سیمه ییز خبرونه4 days ago
د مخ پر زیاتېدونکې جګړې د پراخېدو د وېرې له کبله پر اسرائیلو برید ودرول شو – ایران
-
لوبی5 days ago
برازیل، اوکراین، ارجنټاین او فرانسه د فوټسال نړیوال جام نیمه پایلوبې ته ورسېدل
-
سیمه ییز خبرونه3 days ago
په لبنان کې د اسرائیلو د هوايي برید له کبله یو امریکايي وګړی ووژل شو
-
تازه خبرونه3 days ago
افغان سوداګرو له امریکایي استازې سره پر سوداګریزو اسانتیاوو خبرې وکړې
-
تازه خبرونه4 days ago
په بدخشان کې د مارکوپولو هوسۍ نسل مخ پر کمېدو دی
-
تازه خبرونه3 days ago
د مسکو فارمټ لومړیتوب له کابل سره د همکاریو پراخول دي