تازه خبرونه
بندیزونه د حل لاره نهده او پر بشري هڅو منفي اغېز کوي – عبدالسلام حنفي
د اسلامي امارت د ریاست الوزرا اداري مرستیال د خوراک نړیوال پروګرام له مرستیال سره په کتنه کې وویل، بندیزونه د حل لاره نهده او پر بشري فعالیتونو به منفي اغېز وکړي.
د اسلامي امارت اداري مرستیال مولوي عبدالسلام حنفي پرون (دوشنبه د غبرګولي ۲۲ ) د خوراک نړیوال پروګرام له مرستیال کارل سکاو او مل پلاوي سره وکتل.
په دې کتنه کې اداري مرستیال د افغانستان له اړو او بېوزله خلکو سره د خوراک نړیوال پروګرام له مرستو مننه وکړه او د دغو مرستو د زیاتوالي غوښتنه یې وکړه.
مولوي عبدالسلام حنفي ویلي، چې په افغانستان کې د اسلامي امارت له واکمنۍ وروسته په ټول هېواد کې امنیت ټینګ شوی؛ جګړه او ناامني نشته. اسلامي امارت پخپل زړه راکښونکي پرېکړه لیک بښنه اعلان کړه، د نشهيي توکو پر کارولو، کرنېاو او قاچاق یې بندیز ولګاوه، د روږدو کسانو درملنه یې وکړه او له بېلابېلو ځایونو څخه یې سوالګر راټول کړل، خو سره له دې بیا هم د نړیوالې ټولنې په ځانګړي توګه د ملګرو ملتونو مرستې پوره نهدي او باید زیاتې شي.
د ریاست الوزرا اداري مرستیال مولوي عبدالسلام حنفي وايي، د افغانستان په ادارو کې اداري فساد او کاغذ ځغلونه له منځه تللي دي.
هغه وايي، بندیزونه د حل لار نهده او ان پر بشري هڅو هم منفي اغېز کوي؛ نو نړیواله ټولنه باید له اسلامي امارت سره د تعامل او خبرو اترو لار خپله کړي.
مولوي حنفي دغه راز زياته کړې: نړيواله ټولنه بايد هېره نهکړي، چې افغانستان د تېرې نيمې پېړۍ د جګړو، ګډوډۍ او وروستيو وچکاليو له کبله زيانمن شوى او د پراختيايي پروژو له پلي کېدو څخه بايد ملاتړ روان وساتي.
د خوراک نړیوال پروګرام مرستیال کارل سکاو ویلي، دغه پروګرام له ۶۰ کلونو راپدیخوا په افغانستان کې د خواړو خوندیتوب، خوراک، بشري مرستو او پراختیا په ګډون په بېلابېلو برخو کې هڅې کوي. زمونږ موخه دا ده، چې د افغانستان خلکو ته د نړیوالو زیاتې مرستې راجلب کړو.
هغه په ډاګه کړې: په تېر کې اداري فساد يوه لويه ستونزه وه، چې له نېکهمرغه له منځه تللې، نشهيي توکي کم شوي او په ټوليز ډول په افغانستان کې امنيت ټينګ شوى دى.
د خوراک نړیوال پروګرام مرستیال هم زیاته کړې، چې د افغانستان خلک په رښتیا هم د جګړو او د اقلیم د بدلون له کبله زیانمن شوي؛ نو مونږ هڅه کوو، چې د افغانستان بېوزله خلکو ته لا زیاتې بشري مرستې ورسوو.
تازه خبرونه
افغانستان کولی شي منځنۍ آسیا ته د پاکستان د ټرانزیټ لار وتړي – عباس ستانکزی
په لوګر ولایت کې د تازه میوو او سابو د سوداګرو د ستونزو د اوریدو غونډې ته د بهرنیو چارو وزارت سیاسي مرستیال شېر محمد عباس ستانکزي ویلي، چې پاکستان دې د افغانستان سوداګریزې لارې نه بندوي؛ ځکه، چې افغانستان هم د منځنۍ آسیا لپاره د پاکستان ټرانزیټي لار تړلی شي.
د بهرنیو چارو وزارت سیاسي مرستیال پاکستان ته د افغان سوداګریزو محصولاتو د صادراتو په برخه کې پر شته ستونزو اندېښنه وښوده او څرګندوي؛ پاکستان باید د میوو او سبزیو د حاصلاتو په موسم کې د افغانستان سوداګریزې لارې بندې نکړي؛ ځکه، چې افغانستان هم کولی شي منځنۍ آسیا ته د پاکستان د ټرانزیټ لار بنده کړي.
په لوګر ولایت کې د تازه میوو او سابو د سوداګرو د ستونزو د اوریدو غونډې ته د بهرنیو چارو وزارت سیاسي مرستیال شېر محمد عباس ستانکزي ویلي، چې پاکستان دې د افغانستان سوداګریزې لارې نه بندوي؛ ځکه، چې افغانستان هم د منځنۍ آسیا لپاره د پاکستان ټرانزیټي لار تړلی شي.
د افغانستان او پاکستان په اړیکو کې ترینګلتیا نوې خبره نده؛ خو دا لومړی ځل دی، چې افغان حکومت په ټرانزیټي برخه کې د اسلامآباد د نه همکارۍ په غبرګون کې منځنۍ آسیا ته د پاکستان د ټرانزیټي لارې د تړلو خبرداری ورکوي.
عباس ستانکزي له پاکستان څخه وغوښتل، چې د افغانستان د مېوو او سبزیجاتو د حاصلاتو په موسم کې دې سوداګریزې لارې نه بندوي، چې د افغان سوداګرو محصولات د پاکستان خلکو ته ورسیږي؛ ځکه د لارې تړل د دواړو هېوادونو په ګټه ندي.
د صنایعو او سوداګرۍ وزارت مرستیال احمدالله زاهد وايي، هڅه کوي د صادراتو پر وړاندې پراته خنډونه لرې کړي؛ ځکه اقتصادي ځان بسیاینه د اسلامي امارت لومړیتوب دی.
د افغان سوداګرو پر مخ د مېوو او سابو د سوداګریزو لارو تړل، د پاکستان لخوا د ګمرکي تعرفو لوړېدل او د دواړو هېوادونو ترمنځ د سوداګریزو تړونونو نه مراعات د دې لامل شوي، چې د روان کال په لومړیو پېنځه میاشتو کې پاکستان ته د افغانستان صادرات لس سلنه کم شي.
تازه خبرونه
په جوزجان کې د یتیم طاق سمنټو پروژې د تړون لاسلیک ته هیله من یوو -د ۷۷ ترکي شرکت مشر
د کانونو وزارت نن (پنجشنبه د تلې دولسمه) په یوه خبرپاڼه کې لیکلي، چې هدایت الله بدري په هېواد کې د ۷۷ ترکي شرکتونو فعالیتونه وستایل او له هغوی یې وغوښتل، چې د افغانستان د تالک، اوسپنې او مسو په کانونو کې زیاته پانګونه وکړي.
د ۷۷ ترکۍ کمپنۍ عمومي رییس سلیمان جیلیو د کانونو او پټرولیم وزارت له چارسمبالي هدایت الله بدري سره په کتنه کې هیله من شو، چې د دې شرکت د اسنادو له وروستي کېدو وروسته به د دواړو بنسټونو ترمنځ په جوزجان ولایت کې د یتیم طاق سمنټو د پروژې تړون لاسلیک شي.
د کانونو وزارت نن (پنجشنبه د تلې دولسمه) په یوه خبرپاڼه کې لیکلي، چې هدایت الله بدري په هېواد کې د ۷۷ ترکي شرکتونو فعالیتونه وستایل او له هغوی یې وغوښتل، چې د افغانستان د تالک، اوسپنې او مسو په کانونو کې زیاته پانګونه وکړي.
تازه خبرونه
مولوي عبدالکبیر د وچې مېوې سوداګرو ته له هند سره پر ویزو د خبرو ډاډ څرګند کړ
ویل کیږي، د وچې مېوې سوداګرو ته به د اسلامي امارت له تګلارې سره سم ځمکې ځانګړې او اسانتیاوې برابرې شي.
د ریاست الوزراء سیاسي مرستیال د وچې مېوې له یو شمېر سوداګرو سره په لیدنه کې ویلي، چې اسلامي امارت به له هندي چارواکو سره د ویزو د ورکړې په برخه کې د ستونزو پر حل خبرې وکړي.
په دې کتنه کې، چې د چارشنبې پر ورځ ترسره شوې مولوي عبدالکبیر زیاته کړې، چې ګاونډ هېوادونه باید د افغان سوداګرو پر وړاندې د ستونزو د رامنځته کولو مخه ونیسي او د دوه اړخیزې سوداګرۍ د ودې لپاره لازمې اسانتیاوې برابرې کړي.
ویل کیږي، د وچې مېوې سوداګرو ته به د اسلامي امارت له تګلارې سره سم ځمکې ځانګړې او اسانتیاوې برابرې شي.
-
سوداگري5 days ago
افغانستان ته د ایران د ټرانزیټ کچه ۸ برابره لوړه شوه – ایران
-
نړۍ4 days ago
په غزه کې د اسرائیلو د نویو بریدونو له کبله ۳۷ کسان ووژل شول
-
سیمه ییز خبرونه4 days ago
د مخ پر زیاتېدونکې جګړې د پراخېدو د وېرې له کبله پر اسرائیلو برید ودرول شو – ایران
-
نړۍ5 days ago
اسرایلو پر لبنان محدود ځمکنی یرغل پیل کړ
-
لوبی5 days ago
برازیل، اوکراین، ارجنټاین او فرانسه د فوټسال نړیوال جام نیمه پایلوبې ته ورسېدل
-
سیمه ییز خبرونه5 days ago
ایران د اسرائیلو جنایي کړنې زغملی نشي – بهرنیو چارو وزارت
-
سیمه ییز خبرونه3 days ago
په لبنان کې د اسرائیلو د هوايي برید له کبله یو امریکايي وګړی ووژل شو
-
تازه خبرونه3 days ago
افغان سوداګرو له امریکایي استازې سره پر سوداګریزو اسانتیاوو خبرې وکړې