Connect with us

تازه خبرونه

افغانستان د هغو ۷ هېوادونو په ډله کې دی، چې خلک یې له سختې لوږې سره مخ دي

خپور شوی

د

د ملګرو ملتونو د خواړو او کرنې ټولنې د خوراکي توکو د نړیوال بحران په راپور کې ویلي، چې افغانستان د هغو اووه هېوادونو په ډله کې دی، چې وګړي یې له سختې بېوزلۍ او لوږې سره مخ دي.

د دغه راپور له مخې ۵۷ سلنه لوږه په سومالیا کې ده. په داسې حال کې، چې دا ډول سخت شرایط په افغانستان، بورکینا فاسو، هایتي، نایجریا، جنوبي سوډان او یمن کې هم رامنځته شوي دي.

د دغې ټولنې په راپور کې راغلي، چې په پرلپسې توګه د څلورم کال لپاره د هغو کسانو شمېر، چې د سختو ناامنیو له کبله خواړو، تغذيې او معیشتي مرستو ته اړتیا لري، زیات شوی دی.

د ملګرو ملتونو د پروني خپوره شوي راپور له مخې؛ په ۵۸ هېوادونو کې تېر کال ۲۵۸ میلیون خلک د شخړو، اقلیمي بدلون، د کرونا وبا اغېزې او په اوکراین کې د روسیې جګړې له کبله د خوراکي توکو له نه‌خوندیتوب سره مخ ول.

ملګرو ملتونو او اروپايي ټولنې په یوه ګډ راپور کې څرګنده کړې، چې افغانستان د هغو اووه هېوادونو په سر کې دی، چې خلک یې له لوږې سره مخ دي.

د ملګرو ملتونو او د خواړو ټولنې د موندنو له مخې؛ په ۵۸ هېوادونو کې شاوخوا ۲۵۸ میلیون وګړي په ۲۰۲۲ کې د خورا سختې لوږې سره مخ ول. په داسې حال کې، چې په ۲۰۲۱ کې په ۵۳ هېوادونو کې دا شمېر ۱۹۳ میلیون و.

له بلې خوا  یو شمېر مرستندویه بنسټونه وايي، چې په افغانستان کې پوره لوږه بشري ناورین ته پکی وهي.

د ناروې د کډوالو شورا رییس جان ایګلند وایي: مونږ واقعاً په افغانستان، سودان، یمن او سومالیا کې د لوړ بشري ناورین تمه نه درلوده. سودان، چې مخکې بشري مرستو ته اړتیا لرله؛ اوس له جګړو سره په دې هېواد کې  له  ۱۵څخه تر ۱۶ میلیون پورې خلک بشري مرستو ته اړتیا لري.

افغانان وايي، چې په هېواد کې د لوږې او بېوزلۍ اصلي لامل بي کاري ده.

د بلخ اوسیدونکی عبدالقیوم وايي؛ که په افغانستان کې پراخیتايي پروژې پيل شي او خلک بوخت شي؛ نو کیدای شي، چې د خلکو اقتصاد پر پښو ودریږي.

یو شمېر اقتصاد پوهان وايي، چې بشري مرستې لنډ مهاله اقتصادي ستونزې له منځه وړي، خو د اوږدمهاله اقتصادي ستونزو د له منځه وړلو لپاره په هېواد کې د نړیوالې ټولنې لخوا د اقتصادي او پرمختیايي پروژو پیل ته اړتیا ده.

د ملګرو ملتونو د څرګندونو له مخې؛ دا مهال په افغانستان کې ۲۸ میلیون وګړي بشري مرستو ته اړتیا لري، چې شاوخوا اووه میلیون یې له سختې لوږې سره مخ بلل شوي دي.

دا په داسې حال کې ده، چې د اسلامي امارت مالیې وزارت د افغانستان د اقتصادي بحران په اړه د ملګرو ملتونو دا خپور شوي راپور، چې ګواکې افغانستان له ستر اقتصادي بحران سره مخ دی او ۹۰ سلنه وګړي یې په فقر کې ژوند کوي؛ وایي: دا راپور له حقیقته لرې او غیر عادلانه دي.

تازه خبرونه

رسنۍ کولی شي د اسلامي شریعت او ملي ارزښتونو په چوکاټ کې فعالیت وکړي – مجاهد

د اسلامي امارت ویاند ذبیح الله مجاهد د تلویزون نړیوالې ورځې په مناسبت، چې د نومبر له یوویشتمې سره برابره ده؛ ویلي: د افغانستان اسلامي امارت په ټولیزه توګه له رسنیو ملاتړ کړی او ورته ژمن هم دي. رسنۍ کولی شي د شرعي قوانینو او ملي ګټو په چوکاټ کې کولی شي فعالیت وکړي.

Published

on

د اسلامي امارت ویاند ويلي، حکومت د رسنیو ملاتړ ته ژمن دی او رسنۍ کولی شي د اسلامي شریعت او ملي ارزښتونو په چوکاټ کې فعالیت وکړي.

د اسلامي امارت ویاند ذبیح الله مجاهد د تلویزون نړیوالې ورځې په مناسبت، چې د نومبر له یوویشتمې سره برابره ده؛ ویلي: د افغانستان اسلامي امارت په ټولیزه توګه له رسنیو ملاتړ کړی او ورته ژمن هم دي. رسنۍ کولی شي د شرعي قوانینو او ملي ګټو په چوکاټ کې کولی شي فعالیت وکړي.

ذبیح الله مجاهد زیاته کړې: تر کومه ځایه، چې توان لرو؛ له رسنیو سره همکاري کوو او د افغانستان رسنۍ اوسمهال خپرونې لري او خپلې خپرونې په ښه توګه پرمخ وړي.

باید وویل شي، چې د ملګرو ملتونو عمومي اسمبلۍ پر ۱۹۹۶ کال کې د نومبر یوویشتمه د ټلویزیون نړیواله ورځ ونوموله.

په افغانستان کې د ټلویزیون له فعالیت څخه شاوخوا ۵۰ کاله تېر شوي دي.

د دې ورځې په مناسبت د افغانستان د ازادو خبريالانو ټولنې مشر حجت الله مجددي ويلي: له بدلون وروسته د ١٨٤ ملي او سيمه‌ييزو ټلويزيونونو په ګډون ٥٧ ټلویزيونونه د اقتصادي ستونزو له کبله بند شول.

په افغانستان کې خبریالان کله ناکله معلوماتو ته د لاسرسي له نشتوالي شکایت کوي او وايي، چې دغه ننګونې باید لرې شي.

د یادونې ده، چې دا مهال په هېواد کې شاوخوا ۳۷۰ چاپي، غږیزې او انځوریزې رسنۍ فعالې دي.

Continue Reading

تازه خبرونه

د اوبو کمښت د هېوادونو پر اړیکو منفي اغېز کړی – ملابرادر

د اسلامي امارت د ریاست‌الوزرا اقتصادي مرستیال ملا عبدالغني برادر ويلي، افغانستان طبیعي زیرمې او د اوبو پراخې سرچینې لري؛ خو په نړۍ کې د اوبو کمښت محسوسیږي.

Published

on

د ریاست الوزراء اقتصادي مرستیال ویلي دي، چې د اوبو پرله‌پسې کمښت نه یوازې هېوادونه د دې اړینو زیرمو د کمښت له ستونزې سره مخ کړي، بلکې د هېوادونو پر سیاسي او اقتصادي اړیکو یې هم منفي اغېز کړی دی.

د اسلامي امارت د ریاست‌الوزرا اقتصادي مرستیال ملا عبدالغني برادر ويلي، افغانستان طبیعي زیرمې او د اوبو پراخې سرچینې لري؛ خو په نړۍ کې د اوبو کمښت محسوسیږي.

اقتصادي مرستیالۍ د پنجشنبې پر ورځ( د لیندۍ لومړۍ ) په ایکس پاڼه کې لیکلي، چې ملابرادر د اوبو او انرژۍ وزارت د علمي او تخنیکي سیمینار په وروستۍ ناسته کې ګډون کړی دی.

نوموړي په افغانستان کې د اوبو د زیرمو پر مدیریت ټینګار څرګند کړ او وایي؛ اسلامي امارت هڅه کوي، چې د ټولو امکاناتو پر کارولو د هېواد د اوبو ښه مدیریت وکړي.

د ملابرادر د څرګندونو له مخې؛ اقليمي بدلون، د اوبو ککړتيا د کچې لوړېدل، د انسانانو د اړتياوو ډېرېدل او لګښت له کبله په اوسنۍ نړۍ کې د اوبو کمښت پوره احساسېږي.

د اسلامي امارت د ریاست‌الوزرا اقتصادي مرستیال وایي، چې په نړۍ کې د اوبو د کمښت دې ستونزې د نړۍ د هېوادونو ترمنځ سیاسي او اقتصادي اړیکې اغېزمنې کړې دي.

هغه په داسې حال کې د اوبو د کمښت خبره کوي، چې افغانستان د نړۍ د ډېرو هېوادونو په اند د څښاک اوبو له پوره کمښت سره مخ دی او د ملګرو ملتونو د ارزونې له مخې ښايي په راتلونکیو څو کلونو (۲۰۳۰) کې د کابل تر ځمکې لاندې اوبه وچې شي.

Continue Reading

تازه خبرونه

د اقلیم بدلون په اړه مالي مرستو ته د افغانستان د لاسرسي غوښتنه وشوه – رویټرز

افغانستان یو له هغو هېوادونو څخه دی، چې د اقلیم د بدلون له کبله زیانمن شوی؛ په ۲۰۲۱ کال کې د اسلامي امارت د بیا واکمنۍ له پیل راپدېخوا په دې برخه کې هیڅ راز مرسته ترلاسه کړې نده.

Published

on

رویټرز د ملګرو ملتونو د دوه چارواکو د څرګندونو له مخې راپور ورکړی؛ دا ټولنه هڅه کوي، چې افغانستان د اقلیم د بدلون له اغېزو سره د مبارزې لپاره مالي مرستو ته لاسرسی پیدا کړي.

افغانستان یو له هغو هېوادونو څخه دی، چې د اقلیم د بدلون له کبله زیانمن شوی؛ په ۲۰۲۱ کال کې د اسلامي امارت د بیا واکمنۍ له پیل راپدېخوا په دې برخه کې هیڅ راز مرسته ترلاسه کړې نده.

په افغانستان کې د ملګرو ملتونو د خوړو او کرنې ادارې مشر ډیک ټرینچارډ ویلي: په افغانستان کې د اقلیم په اړه هیڅوک منفي نظر نلري. د افغانستان په هر ځای کې د اقلیم د بدلون او د چاپېریال اغېزې لیدل کیږي.

د ملګرو ملتونو دوه ادارې اوسمهال د هغو وړاندیزونو پر چمتو کولو بوختې دي، چې تمه ده په راتلونکي کال کې به له افغانستان سره د شاوخوا ۱۹ میلیون ډالر مرستې ترلاسه کړي.

له دغو څانګو څخه یوه هم د ملګرو ملتونو د خوړو او کرنې اداره ده، چې د ۱۰ میلیون ډالرو پر ارزښت به له یوې پروژې ملاتړ وکړي. دا پروژه به د افغانستان په څلورو ولایتونو کې د څړځایونو، ځنګلونو او اوبو لګولو سیمو مدیریت ته وده ورکړي.

دغه راز د ملګرو ملتونو پراختیایي پروګرام هیله لري، چې له کلیوالو خلکو سره د مرستې لپاره ۸ اعشاریه ۹ میلیون ډالر ترلاسه کړي.

د ملګرو ملتونو د پراختیایي ادارې استازي سټیفن روډریکوز ویلي: مونږ د شنه اقلیم صندوق په ګډون د اقلیم په برخه کې له ټولو لویو تمویلوونکیو بنسټونو سره خبرې کوو، چې خنډونه لري او داسې لارې پرانیزي، چې په افغانستان کې واکمن د غو مرستو لګولو ته لاسرسی ونلري.

د اسلامي امارت چارواکو سږ کال د لومړي ځل لپاره په باکو کې د اقلیم د بدلون په اړه په نړیواله غونډه کې ګډون کړی دی.

د چاپېریال ساتنې او پراختیا د زده کړو موسسې مسوول عبدالهادي اڅکزي ویلي، چې په دې غونډه کې د اسلامي امارت حضور به د افغانستان او نړیوالو مرستندویانو ترمنځ د باور فضا رامنځته کړي.

Continue Reading
Advertisement

Trending

Copyright © 2024 Ariana News. All rights reserved!