تازه خبرونه
په اوکراین کې د جګړې اوږدېدل به سیمه ډېره زیانمنه کړي
د کډوالو په چارو کې د ملګرو ملتونو کمیشنر فیلیپو ګرانډي ويلي؛ په اوکراین کې د جګړې له اوږدېدو سره به سیمه له بشري ناورین سره مخ شي.
فلیپو ګرانډي د یکشنبې پر ورځ له سي بي سي سره په مرکه کې څرګنده کړې: د یوې بشري ادارې په توګه د خپلې تجربې له مخې ویلی شو، چې دا جنګونه ناوړه بشري پایلې رامنځته کولی شي.
د ملګرو ملتونو د کډوالو کمېشنرۍ د څرګندونو له مخې؛ پر اوکراین د روسیې له یرغل راپدیخوا نږدې ۴.۴ میلیون اوکراینیان له خپل هېواده وتلي، چې دا یې د ټولو وګړیو څه نا څه ۱۰ سلنه ده.
ګرانډي له اوکراینه د روانې تېښتې په اړه ویلي: د خلکو دا وتل سمندري بڼه لري؛ خلک د سیند په څېر له اوکراین څخه ګاونډ هېوادونو ته روان دي.
نوموړي زیاته کړې؛ له ټولو خواشینوونکې شېبه د نرینه وو بېلتون له کورنیو دی؛ ځکه، چې نرینه د جګړې پرلامل پاتې کیږي، چې ما هیڅکله داسې څه ندي لیدلي.
ډېري اوکرایني کډوال ګاونډ هېواد پولنډ ته تښتیدلي، چې سرپناه، روغتیایي پاملرنې او نورو لومړنيو خدماتو ته اړتیا لرونکي خلک یو ناڅاپه ورغلي او له دې پراخې څپې سره یې د ټینګار لپاره د مبارزې ډګر ته رادانګلي دي.
یاد بنسټ څه وخت مخکې په کراکوف کې له دې ښار سره د مرستې لپاره یو لنډمهاله دفتر پرانست، چې شاوخوا ۱۵۰۰۰۰اوکراینیان یې نیولي دي.
ګرانډي یادې اروپایي سرچینې ته په ډاګه کړې؛ دغه بحران ته د اروپا غبرګون ښیي، چې دا وچه کډوالو ته د ښه راغلاست وړتیاوې لري؛ خو باید د اوږدېدو مخنیوی یې وشي.
نوموړي زیاته کړې؛ که څه هم امریکا اوس له یوه پراخ پروګرام سره راستانه شوې، چې بده نده؛ خو که کاناډا د بیا میشتیدنې ډاډ نه وای ورکړی... مونږ به د ډېرو زیان منونکیو خلکو د ځای پر ځای کولو وړتیا له لاسه ورکړې وه، چې ستاینه یې باید وشي.
ګراندي د افغانستان په کړکېچ کې د بدلون یادونه هم وکړه او وایي، چې بشري ادارې اوس په پراخه کچه پر دغه ډاډ راڅرخي، چې خلک اوس هم په هېواد کې خوندي ژوند کولی شي؛ د دې پرځای، چې د نورو وتلو آسانتیاوې برابرې کړي.
هغه ویلي؛ نړیواله ټولنه باید د افغانستان پر اسلامي امارت فشار راوړي، چې د بشردوستانه مسلو په اړه خپل دریځ ښه کړي. حتا ښوونځیو ته د نجونو د ورتګ په ګډون د یو شمېر خنډونو لرې کولو ته باید پام راوړول شي.
ګرانډي په دې اړه زیاته کړې: ځواب مو ورته باید دوامداره ښکېلتیا وي. مونږ نشو کولی افغانستان پریږدو؛ ځکه، چې که افغانستان د یو هېواد په توګه سقوط وکړي ... نو مونږ به له یو بل لوی بشري بېړني حالت سره مخ شو.
ویل کیږي، چې نړیواله ټولنه هڅه کوي، چې په اوکراین کې د روانې جګړې د اوږدېدو مخه ونیسي. که نه؛ نو د جګړې اوږدېدل به نه یوازې سیمه ییز بشري ناورین رامنځته کړې، بلکې د نړۍ اقتصاد به هم وګواښي.
تازه خبرونه
رسنۍ کولی شي د اسلامي شریعت او ملي ارزښتونو په چوکاټ کې فعالیت وکړي – مجاهد
د اسلامي امارت ویاند ذبیح الله مجاهد د تلویزون نړیوالې ورځې په مناسبت، چې د نومبر له یوویشتمې سره برابره ده؛ ویلي: د افغانستان اسلامي امارت په ټولیزه توګه له رسنیو ملاتړ کړی او ورته ژمن هم دي. رسنۍ کولی شي د شرعي قوانینو او ملي ګټو په چوکاټ کې کولی شي فعالیت وکړي.
د اسلامي امارت ویاند ويلي، حکومت د رسنیو ملاتړ ته ژمن دی او رسنۍ کولی شي د اسلامي شریعت او ملي ارزښتونو په چوکاټ کې فعالیت وکړي.
د اسلامي امارت ویاند ذبیح الله مجاهد د تلویزون نړیوالې ورځې په مناسبت، چې د نومبر له یوویشتمې سره برابره ده؛ ویلي: د افغانستان اسلامي امارت په ټولیزه توګه له رسنیو ملاتړ کړی او ورته ژمن هم دي. رسنۍ کولی شي د شرعي قوانینو او ملي ګټو په چوکاټ کې کولی شي فعالیت وکړي.
ذبیح الله مجاهد زیاته کړې: تر کومه ځایه، چې توان لرو؛ له رسنیو سره همکاري کوو او د افغانستان رسنۍ اوسمهال خپرونې لري او خپلې خپرونې په ښه توګه پرمخ وړي.
باید وویل شي، چې د ملګرو ملتونو عمومي اسمبلۍ پر ۱۹۹۶ کال کې د نومبر یوویشتمه د ټلویزیون نړیواله ورځ ونوموله.
په افغانستان کې د ټلویزیون له فعالیت څخه شاوخوا ۵۰ کاله تېر شوي دي.
د دې ورځې په مناسبت د افغانستان د ازادو خبريالانو ټولنې مشر حجت الله مجددي ويلي: له بدلون وروسته د ١٨٤ ملي او سيمهييزو ټلويزيونونو په ګډون ٥٧ ټلویزيونونه د اقتصادي ستونزو له کبله بند شول.
په افغانستان کې خبریالان کله ناکله معلوماتو ته د لاسرسي له نشتوالي شکایت کوي او وايي، چې دغه ننګونې باید لرې شي.
د یادونې ده، چې دا مهال په هېواد کې شاوخوا ۳۷۰ چاپي، غږیزې او انځوریزې رسنۍ فعالې دي.
تازه خبرونه
د اوبو کمښت د هېوادونو پر اړیکو منفي اغېز کړی – ملابرادر
د اسلامي امارت د ریاستالوزرا اقتصادي مرستیال ملا عبدالغني برادر ويلي، افغانستان طبیعي زیرمې او د اوبو پراخې سرچینې لري؛ خو په نړۍ کې د اوبو کمښت محسوسیږي.
د ریاست الوزراء اقتصادي مرستیال ویلي دي، چې د اوبو پرلهپسې کمښت نه یوازې هېوادونه د دې اړینو زیرمو د کمښت له ستونزې سره مخ کړي، بلکې د هېوادونو پر سیاسي او اقتصادي اړیکو یې هم منفي اغېز کړی دی.
د اسلامي امارت د ریاستالوزرا اقتصادي مرستیال ملا عبدالغني برادر ويلي، افغانستان طبیعي زیرمې او د اوبو پراخې سرچینې لري؛ خو په نړۍ کې د اوبو کمښت محسوسیږي.
اقتصادي مرستیالۍ د پنجشنبې پر ورځ( د لیندۍ لومړۍ ) په ایکس پاڼه کې لیکلي، چې ملابرادر د اوبو او انرژۍ وزارت د علمي او تخنیکي سیمینار په وروستۍ ناسته کې ګډون کړی دی.
نوموړي په افغانستان کې د اوبو د زیرمو پر مدیریت ټینګار څرګند کړ او وایي؛ اسلامي امارت هڅه کوي، چې د ټولو امکاناتو پر کارولو د هېواد د اوبو ښه مدیریت وکړي.
د ملابرادر د څرګندونو له مخې؛ اقليمي بدلون، د اوبو ککړتيا د کچې لوړېدل، د انسانانو د اړتياوو ډېرېدل او لګښت له کبله په اوسنۍ نړۍ کې د اوبو کمښت پوره احساسېږي.
د اسلامي امارت د ریاستالوزرا اقتصادي مرستیال وایي، چې په نړۍ کې د اوبو د کمښت دې ستونزې د نړۍ د هېوادونو ترمنځ سیاسي او اقتصادي اړیکې اغېزمنې کړې دي.
هغه په داسې حال کې د اوبو د کمښت خبره کوي، چې افغانستان د نړۍ د ډېرو هېوادونو په اند د څښاک اوبو له پوره کمښت سره مخ دی او د ملګرو ملتونو د ارزونې له مخې ښايي په راتلونکیو څو کلونو (۲۰۳۰) کې د کابل تر ځمکې لاندې اوبه وچې شي.
تازه خبرونه
د اقلیم بدلون په اړه مالي مرستو ته د افغانستان د لاسرسي غوښتنه وشوه – رویټرز
افغانستان یو له هغو هېوادونو څخه دی، چې د اقلیم د بدلون له کبله زیانمن شوی؛ په ۲۰۲۱ کال کې د اسلامي امارت د بیا واکمنۍ له پیل راپدېخوا په دې برخه کې هیڅ راز مرسته ترلاسه کړې نده.
رویټرز د ملګرو ملتونو د دوه چارواکو د څرګندونو له مخې راپور ورکړی؛ دا ټولنه هڅه کوي، چې افغانستان د اقلیم د بدلون له اغېزو سره د مبارزې لپاره مالي مرستو ته لاسرسی پیدا کړي.
افغانستان یو له هغو هېوادونو څخه دی، چې د اقلیم د بدلون له کبله زیانمن شوی؛ په ۲۰۲۱ کال کې د اسلامي امارت د بیا واکمنۍ له پیل راپدېخوا په دې برخه کې هیڅ راز مرسته ترلاسه کړې نده.
په افغانستان کې د ملګرو ملتونو د خوړو او کرنې ادارې مشر ډیک ټرینچارډ ویلي: په افغانستان کې د اقلیم په اړه هیڅوک منفي نظر نلري. د افغانستان په هر ځای کې د اقلیم د بدلون او د چاپېریال اغېزې لیدل کیږي.
د ملګرو ملتونو دوه ادارې اوسمهال د هغو وړاندیزونو پر چمتو کولو بوختې دي، چې تمه ده په راتلونکي کال کې به له افغانستان سره د شاوخوا ۱۹ میلیون ډالر مرستې ترلاسه کړي.
له دغو څانګو څخه یوه هم د ملګرو ملتونو د خوړو او کرنې اداره ده، چې د ۱۰ میلیون ډالرو پر ارزښت به له یوې پروژې ملاتړ وکړي. دا پروژه به د افغانستان په څلورو ولایتونو کې د څړځایونو، ځنګلونو او اوبو لګولو سیمو مدیریت ته وده ورکړي.
دغه راز د ملګرو ملتونو پراختیایي پروګرام هیله لري، چې له کلیوالو خلکو سره د مرستې لپاره ۸ اعشاریه ۹ میلیون ډالر ترلاسه کړي.
د ملګرو ملتونو د پراختیایي ادارې استازي سټیفن روډریکوز ویلي: مونږ د شنه اقلیم صندوق په ګډون د اقلیم په برخه کې له ټولو لویو تمویلوونکیو بنسټونو سره خبرې کوو، چې خنډونه لري او داسې لارې پرانیزي، چې په افغانستان کې واکمن د غو مرستو لګولو ته لاسرسی ونلري.
د اسلامي امارت چارواکو سږ کال د لومړي ځل لپاره په باکو کې د اقلیم د بدلون په اړه په نړیواله غونډه کې ګډون کړی دی.
د چاپېریال ساتنې او پراختیا د زده کړو موسسې مسوول عبدالهادي اڅکزي ویلي، چې په دې غونډه کې د اسلامي امارت حضور به د افغانستان او نړیوالو مرستندویانو ترمنځ د باور فضا رامنځته کړي.
-
لوبی4 days ago
آریانا تلویزیون د ابوظبي ۱۰ اوریز کرکټ لیګ سیالۍ خپروي
-
تازه خبرونه5 days ago
په افغانستان کې مو د ځانګړي ځواک د نیولو موضوع تر څار لاندې ده – کاناډا
-
سوداگري5 days ago
په کابل کې د کمبل جوړولو کارخونه پرانیستل شوه
-
سیمه ییز خبرونه5 days ago
عباس عراقچي په م.م کې د ایران له سفیر سره د ایلان ماسک لیدل رد کړل
-
نړۍ3 days ago
د لبنان حزب الله له اسرائیلو سره د اوربند لپاره د امریکا وړاندیز ومانه
-
سیمه ییز خبرونه5 days ago
هند د سوپرسونیک توغندي بریالۍ ازموینه وکړه
-
تازه خبرونه3 days ago
په بُن او برلین کې د پخواني حکومت دوه ډیپلوماټان ګوښه شول
-
تازه خبرونه2 days ago
په پاکستان کې د یوې چاودنې له کبله ۱۵ پوځیانو ته مرګ او ژوبله اوښتې