تازه خبرونه
د سولې خبرو ډلې غړې فوزیه کوفي د کاسا آسیا جایزه وګټله
د افغانانو د خپلمنځي خبرو د جمهوریت پلاوي غړې فوزیه کوفي د آسیا کور د تنوع او تلپاتې پراختیا د جایزې ګټونکې شوه.
دې بنسټ ویلي، چې میرمن کوفي د ښځو او ماشومانو د حقونو په برخه کې د پرلپسې هڅو د تر سره کولو او د سولې د ټینګښت په بهیر کې د سیاسي رول لوبولو او د نجونو او ښځو ښوونې ته د هغې د ژمنتیا له کبله د دې جایزې وړ پېژندل شوې ده.
د جمهوریت د مرکچي پلاوي غړی میرمن کوفي له شاه پورفرهمند سره په خبرو کې ویلي، چې دا جایزه به د نجونو د تحصیلي بورسیو لپاره ځانګړې کړي.
هغه د سولې په مرکچي پلاوي کې له څلور ښځو یوه ده، چې د دوحې په خبرو کې یې له جمهوریت دفاع روانه ساتلې ده.
د ښځو حقونو هڅانده میرمن اندېشه شفق ویلي؛ میرمن کوفي څو میاشتې مخکې په یوه وسلوال برید کې پر لاس ټپي شوې؛ خو په ټپي لاس له طالبانو سره د سولې خبرو ته کېناسته.
د کاسا آسیا ۲۰۲۱ جایزې ګټونکی د دوشنبې پر ورځ د هسپانیا په ماډریډ ښار کې له هغې وروسته اعلان شول، چې قاضیانو په څلورو کټګوریو کې د دې جایزو لپاره ۵۲ کسان په پام کې ونیول.
دا جایزه په ۲۰۰۴ زېږدیز کال کې رامنځته شوې، چې د هسپانیا بهرنیو چارو وزارت او اروپایي ټولنه یې هم وندوال دي. د دوی موخه د هسپانیا او آسیایي هېوادونو ترمنځ په ښه تفاهم رامنځته کولو کې مرسته او د ټولنیزو، اقتصادي، فرهنګي او ښوونیزو اړیکو وده ده.
د یادونې ده، له افغانستان څخه ګوفي او درې نورو د فرهنګ او ټولنې، اقتصاد او کاري فرصتونو او په ښوونیزو او علمي برخو کې جایزې وکټلې.
تازه خبرونه
په بغلان کې د ناڅرګندو وسلوالو د ډزو له کبله ۱۰ کسان ووژل شول
د بغلان پولیسو ويلي: ۱۰ کسان، چې تېره شپه( د لړم یوویشتمه ) یې د دغه ولایت د نهرین ولسوالۍ په یوه جومات کې ذکر کاوه د ناڅرګندو وسلوالو لخوا وژل شوي دي.
په بغلان ولایت کې پرون شپه د یوه وسلوال برید له کبله ۱۰ کسان وژل شوي دي.
د بغلان پولیسو ويلي: ۱۰ کسان، چې تېره شپه( د لړم یوویشتمه ) یې د دغه ولایت د نهرین ولسوالۍ په یوه جومات کې ذکر کاوه د ناڅرګندو وسلوالو لخوا وژل شوي دي.
د بغلان ولايت د امنيې قومندانۍ د مطبوعاتو او عامه اړيکو دفتر په خبرپاڼه کې راغلي، چې يادو کسانو د ورځې په اوږدو کې کار کاوه او د شپې جومات او خانقا ته د عبادت لپاره تلل.
د دې برید پړه تر دې دمه هیچا پر غاړه نده اخیستې.
د بغلان د امنيه قومندانۍ د امنيت آمر عبدالغيور خادم ويلي، د دې قضيې په تړاو څو کسان نيول شوي او څېړنې ترې روانې دي.
تازه خبرونه
رسنۍ کولی شي د اسلامي شریعت او ملي ارزښتونو په چوکاټ کې فعالیت وکړي – مجاهد
د اسلامي امارت ویاند ذبیح الله مجاهد د تلویزون نړیوالې ورځې په مناسبت، چې د نومبر له یوویشتمې سره برابره ده؛ ویلي: د افغانستان اسلامي امارت په ټولیزه توګه له رسنیو ملاتړ کړی او ورته ژمن هم دي. رسنۍ کولی شي د شرعي قوانینو او ملي ګټو په چوکاټ کې کولی شي فعالیت وکړي.
د اسلامي امارت ویاند ويلي، حکومت د رسنیو ملاتړ ته ژمن دی او رسنۍ کولی شي د اسلامي شریعت او ملي ارزښتونو په چوکاټ کې فعالیت وکړي.
د اسلامي امارت ویاند ذبیح الله مجاهد د تلویزون نړیوالې ورځې په مناسبت، چې د نومبر له یوویشتمې سره برابره ده؛ ویلي: د افغانستان اسلامي امارت په ټولیزه توګه له رسنیو ملاتړ کړی او ورته ژمن هم دي. رسنۍ کولی شي د شرعي قوانینو او ملي ګټو په چوکاټ کې کولی شي فعالیت وکړي.
ذبیح الله مجاهد زیاته کړې: تر کومه ځایه، چې توان لرو؛ له رسنیو سره همکاري کوو او د افغانستان رسنۍ اوسمهال خپرونې لري او خپلې خپرونې په ښه توګه پرمخ وړي.
باید وویل شي، چې د ملګرو ملتونو عمومي اسمبلۍ پر ۱۹۹۶ کال کې د نومبر یوویشتمه د ټلویزیون نړیواله ورځ ونوموله.
په افغانستان کې د ټلویزیون له فعالیت څخه شاوخوا ۵۰ کاله تېر شوي دي.
د دې ورځې په مناسبت د افغانستان د ازادو خبريالانو ټولنې مشر حجت الله مجددي ويلي: له بدلون وروسته د ١٨٤ ملي او سيمهييزو ټلويزيونونو په ګډون ٥٧ ټلویزيونونه د اقتصادي ستونزو له کبله بند شول.
په افغانستان کې خبریالان کله ناکله معلوماتو ته د لاسرسي له نشتوالي شکایت کوي او وايي، چې دغه ننګونې باید لرې شي.
د یادونې ده، چې دا مهال په هېواد کې شاوخوا ۳۷۰ چاپي، غږیزې او انځوریزې رسنۍ فعالې دي.
تازه خبرونه
د اوبو کمښت د هېوادونو پر اړیکو منفي اغېز کړی – ملابرادر
د اسلامي امارت د ریاستالوزرا اقتصادي مرستیال ملا عبدالغني برادر ويلي، افغانستان طبیعي زیرمې او د اوبو پراخې سرچینې لري؛ خو په نړۍ کې د اوبو کمښت محسوسیږي.
د ریاست الوزراء اقتصادي مرستیال ویلي دي، چې د اوبو پرلهپسې کمښت نه یوازې هېوادونه د دې اړینو زیرمو د کمښت له ستونزې سره مخ کړي، بلکې د هېوادونو پر سیاسي او اقتصادي اړیکو یې هم منفي اغېز کړی دی.
د اسلامي امارت د ریاستالوزرا اقتصادي مرستیال ملا عبدالغني برادر ويلي، افغانستان طبیعي زیرمې او د اوبو پراخې سرچینې لري؛ خو په نړۍ کې د اوبو کمښت محسوسیږي.
اقتصادي مرستیالۍ د پنجشنبې پر ورځ( د لیندۍ لومړۍ ) په ایکس پاڼه کې لیکلي، چې ملابرادر د اوبو او انرژۍ وزارت د علمي او تخنیکي سیمینار په وروستۍ ناسته کې ګډون کړی دی.
نوموړي په افغانستان کې د اوبو د زیرمو پر مدیریت ټینګار څرګند کړ او وایي؛ اسلامي امارت هڅه کوي، چې د ټولو امکاناتو پر کارولو د هېواد د اوبو ښه مدیریت وکړي.
د ملابرادر د څرګندونو له مخې؛ اقليمي بدلون، د اوبو ککړتيا د کچې لوړېدل، د انسانانو د اړتياوو ډېرېدل او لګښت له کبله په اوسنۍ نړۍ کې د اوبو کمښت پوره احساسېږي.
د اسلامي امارت د ریاستالوزرا اقتصادي مرستیال وایي، چې په نړۍ کې د اوبو د کمښت دې ستونزې د نړۍ د هېوادونو ترمنځ سیاسي او اقتصادي اړیکې اغېزمنې کړې دي.
هغه په داسې حال کې د اوبو د کمښت خبره کوي، چې افغانستان د نړۍ د ډېرو هېوادونو په اند د څښاک اوبو له پوره کمښت سره مخ دی او د ملګرو ملتونو د ارزونې له مخې ښايي په راتلونکیو څو کلونو (۲۰۳۰) کې د کابل تر ځمکې لاندې اوبه وچې شي.
-
لوبی4 days ago
آریانا تلویزیون د ابوظبي ۱۰ اوریز کرکټ لیګ سیالۍ خپروي
-
نړۍ4 days ago
د لبنان حزب الله له اسرائیلو سره د اوربند لپاره د امریکا وړاندیز ومانه
-
تازه خبرونه2 days ago
په پاکستان کې د یوې چاودنې له کبله ۱۵ پوځیانو ته مرګ او ژوبله اوښتې
-
تازه خبرونه4 days ago
په بُن او برلین کې د پخواني حکومت دوه ډیپلوماټان ګوښه شول
-
نړۍ5 days ago
بایډن اوکراین ته پر روسیې د امریکایي توغندیو د توغولو اجازه ورکړه
-
تازه خبرونه3 days ago
اروپايي ټولنه د افغانستان له ماشومانو ملاتړ کوي
-
لوبی1 day ago
آریانا نیوز په افغانستان کې IPL ته د داوطلبۍ مراسم پر ژوندۍ او ځانګړې بڼه خپروي
-
تازه خبرونه3 days ago
د افغانستان فوټبال ملي لوبډلې د تاجکستان پر وړاندې ماتې وخوړه