تازه خبرونه
غني: د افغانستان جګړه د ټولې سیمې په ګټه ده
په افغانستان تپل شوې جګړه د سیمې د ټولو هېوادونو په ګټه ده او د حل لپاره یې باید سیمه ییزه اجماع جوړه شي.
ولسمشر محمد اشرف غني د دې مطلب په څرګندولو سره ټینګار وکړ چې د افغانستان د سقوط فکر بې ځایه دی، ځکه دا هېواد پنځه زره کلن تاریخ لري، او افغانان به د قربانیو په ورکړې سره خپل هېواد په راتلونکې کې هم وساتي.
نن په کابل کې د ښځو، سولې او امنیت لپاره د ملګرو ملتونو د امنیت شورا پریکړه لیک پرانیستل شو.
په دې پروګرام کې هغه ګواښونه په ګوته شوي چې افغان میرمنې ورسره مخامخ دي او هغه فرصتونه هم بیان شوي چې باید په ټولنه کې د ښځو د رول د پراختیا لپاره ترې استفاده وشي.
ولسمشر محمد اشرف غنيباوري دی چې دې موخو ته رسېدل به د سیمې له هڅو پرته ناشونې وي.
“نن هغه جنګ چې موږ ورسره لاس او ګریوان یو، د ټولې سیمې په ګټه ده. یوازې د کندز په ولایت کې له لسو څخه د زیاتو هیوادونو جنګیالي موجود دي. موږ قرباني ورکوو او د دې اړتیا ده چې د سیمې او ګاونډي هیوادونه په یوه غږ يوې اجماع ته سره ورسيږي“
ولسمشر وایی، هیڅوک دې فکر نه کوي چې افغانستان به سقوط وکړي.
“څوک دې په دې باندې قمار نه وهي چې خدای مه کړه افغانستان سقوط نه شي؛ پنځه زره کاله مو ژوند کړی، دا خاوره مو ساتلې؛ پنځه زره کاله نور به هم قرباني ورکوو، دا خاوره به ساتو.“
د بهرنیو چارو وزارت هم د ملي عمل د پروګرام په اجرا کېدو ټینګار کوي.
د بهرنیو چارو وزیر صلاح الدین رباني:
“د ملي عمل د دې پروګرام سره سم، د افغانستان د ملي یووالي دولت به روښانه ګامونه واخلي. د دې پروګرام له مخې، په راتلونکو اتو کلونو کې مختلفي دولتي ادارې مکلفي دي چې د دې پروګرام څلورګونې ارکان تطبیق او په منظم ډول یې په اړه د بهرنیو چارو وزارت ته راپور ورکړي“
د ملي عمل پروګرام په څلورو رکنونو ولاړ دی. د سولې په پروسه کې د ښځو د مشارکت زیاتوالی، له بیلابیلو ګواښونو نه د ښځو ساتنه او د ټولنې د دې قشر د روغتیایی او اقتصادي وضعیت ښه والی.
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه3 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ3 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
نړۍ1 day ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی4 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه3 days ago
راشد خان د افغان بیسیم سوداګریز سفیر شو
-
لوبی1 day ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
لوبی3 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه4 days ago
د ایران ولسمشر پر درې ورځني سفر پاکستان ته ولاړ