تازه خبرونه
کرنې وزارت د کرنې وړ ځمکه تثبیت کړه
د کرنې او مالدارۍ وزارت وایيچې د لومړي ځل له پاره یې د خوراک نړیوال سازمان په مرسته د هېواد د کرنې وړ ځمکې دقیقه اندازه معلومه کړې ده.
دوی وايي چې دا څېړنه يې د ځانګړو الوتکو له لارې کړې چې د ځمکې تصویرونه اخلي. د دغې څېړنې له مخې د افغانستان درې اعشاریه پنځه میلیون هکتاره ځمکه د کښت وړ ده.
د افغانستان د کرنې او ځنګلونو دودې له پاره د مناسبې ځمکې دقیقه اندازه د یوې علمي او تخنیکي څېړنې له مخې چې د افغانستان غني اطلس نومېږي، په ډاګه شوې ده. دغه څېړنه ښيي چې د افغانستان له درې اعشاریه پنځو میلیونو هکتارو څخه زیاته ځمکه د کښت او کرکیلې وړ ده.
د کرنې او مالدارۍ وزارت د احصایې ریاست سرپرست نورالله ستانکزی وايي: “د کرنې دغه ځمکه مو په پنځه ویشتو برخو وېشلې چې مهم یې اوبه خور، للمي، بڼونه، تاکونه، ځنګلونه او وچې دښتې بلل شوې دي.”
په همدې حال کې د خوراک نړیوال سازمان وایي دغه لاسته راوړنه د افغانستان د لویو اقتصادي، پراختیایي او ټولنیزو پروګرامونو له پاره ډېره مهمه ده.
د کرنې او خوراک نړیوال سازمان استازی تومیو شیچیري وايي: “له کرنې او سړخونې څخه څېړنې د افغانستان د پراختیایي متوازنو سکتورونوله پاره ډېره اړینه ده. دغه موخې ته د رسېدو له پاره باید ټولې سرچینې وکارول شي او په ښه توګه مدیریت شي.”
د افغانستان د کرنې وړ ځمکې د اندازې د معلومولو له پاره په دوه زره لسم کال کې هم هڅې پیل شوې وې، خو لرې پرتو سیمو ته د نه لاسرسي له کبله هغه هڅې بشپړې نه شوې.
تر دې مخکې اټکلونه داسې وو چې ښايي د افغانستان دوه اعشاریه څلور میلیون هکتاره ځمکه د کښت او کرنې وړ وړ وي.
ویل کېږي د افغانستان اویا په سلو کې وګړي په کرنه او مالدارۍ بوخت دي، خو دغې برخې ته د نه پاملرنې له کبله افغانستان لاهم د خوراکي توکو له درکه په خپلو پښو نه دی ولاړ چې د همدې ستونزو له امله خپله خوراکي توکي له ګاونډیو هېوادونو څخه واردوي.
خبرياله: نبیله حفیظي
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه4 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ2 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
نړۍ4 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
لوبی5 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه4 days ago
راشد خان د افغان بیسیم سوداګریز سفیر شو
-
لوبی2 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
لوبی4 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه5 days ago
د ایران ولسمشر پر درې ورځني سفر پاکستان ته ولاړ