تازه خبرونه
په کابل کې د اهل تشیع د بیرغونو راکښته کوونکې درې کسیزه ډله ونیول شوه
د کابل ښار د شپږمې ناحیې استخباراتو یوه مسوول هندوکشغږ ته ویلي؛ د نیول شويو کسانو موخه د اهل تشیع راپارول ول.
![](https://www.ariananews.af/wp-content/uploads/2024/07/aashora.jpg)
د کابل ولایت د امنيتي مسوولینو د څرګندونو له مخې؛ تېره شپه نهه نیمې بجې د کابل ښار په شپږمه ناحیه کې هغه کسان نیول شوي، چې د اهل تشیع بیرغونه یې راکښته کول او خلکو ته یې ځانونه امنیتي ځواکونه ورپېژندل.
د کابل ښار د شپږمې ناحیې استخباراتو یوه مسوول هندوکشغږ ته ویلي؛ د نیول شويو کسانو موخه د اهل تشیع راپارول ول.
د یادې سرچینې د څرګندونو له مخې؛ د استخباراتو ځانګړو ځواکونو یاد کسان چې له خلکو سره یې بد چلند کړی او څو ورځې وړاندې یې لاسي بمونه هم غورځولي وه؛ نیولي دي.
د یادې سرچینې د معلوماتو پر بنسټ، د څېړنو پر مهال په ډاګه شوې، چې د ښار په نورو سیمو کې هم ورته کړنې شوي، چې موخه یې د اهل تشیع هېوادوالو راپارول ول.
روانه اوونۍ د کورنیو چارو وزارت ویلي وه: اهل تشیع هېوادوال په ډاډمنه توګه خپل مراسم نمانځلی شي. د اهل تشیع د مراسمو پر وړاندې کوم بندیز نشته او پر کابل ښار سربېره یې د هېواد په هغو ولایتونو کې، چې اهل تشیع په کې میشت دي هم د مراسمو د نمانځنې پوره ډاډ ورکړی دی.
ویل کیږي، چې په کابل کې دغه درې کسان داسې مهال نیول شوي، چې نن په نورستان ولایت کې هم د یادې ډلې دوه غړي د استخباراتو ځانګړو ځواکونو نیولي دي.
تازه خبرونه
په ننګرهار کې ماین چاودنې ۱۰ کسانو ته مرګ او ژوبله اړولې
عبدالبصیر زابلي په یوه ویډیويي پیغام کې ویلي، چې د دې پېښې قربانیان د مدرسې ښوونکي او زدهکوونکي دي.
![](https://www.ariananews.af/wp-content/uploads/2024/08/Zabeli.png)
د ننګرهار امنيې قومندانۍ وياند ويلي، نن (پنجشنبه) د دې ولايت د دره نور ولسوالۍ په کنډک سيمه کې د ملکي وګړو پر موټر د سړک غاړې د یوه پخواني ماين د چاودنې له کبله شپږ کسان وژل شوي او څلور نور ټپيان دي.
عبدالبصیر زابلي په یوه ویډیويي پیغام کې ویلي، چې د دې پېښې قربانیان د مدرسې ښوونکي او زدهکوونکي دي.عبدالبصیر زابلي په یوه ویډیويي پیغام کې ویلي، چې د دې پېښې قربانیان د مدرسې ښوونکي او زدهکوونکي دي.
د نوموړي د څرګندونو له مخې؛ وژل شوي کسان د نورستان ولايت اصلي اوسېدونکي دي، چې کنډک سيمې ته د ديني تعلیماتو او زدهکړې لپاره راروان ول.
تازه خبرونه
د امر بالمعروف او نهی عن المنکر قانون له توشیح وروسته د تطبیق وړ شو – عدلیې وزارت
د دغه وزارت ویاند برکت الله رسولي پرون (چارشنبه د زمري یودېرشمه) د ایکس پاڼې په خپره شوې خبرپاڼه کې لیکلي، چې دا قانون د امر بالمعروف او نهی عن المنکر وزارت د کاري چارو د تنظیم او د دې وزارت د محتسبینو د صلاحیتونو د ټاکلو لپاره ترتیب شوي دي.
![](https://www.ariananews.af/wp-content/uploads/2023/06/IEA-leader-1.jpg)
د افغانستان اسلامي امارت د عدلیې وزارت اعلان کړی، چې د امر بالمعروف او نهی عن المنکر قانون په ۴ فصلونو او ۳۵ مادو کې د اسلامي امارت د رهبرۍ له لوري توشیح شوی او په ټول افغانستان کې د پلي کېدا وړ دی.
د دغه وزارت ویاند برکت الله رسولي پرون (چارشنبه د زمري یودېرشمه) د ایکس پاڼې په خپره شوې خبرپاڼه کې لیکلي، چې دا قانون د امر بالمعروف او نهی عن المنکر وزارت د کاري چارو د تنظیم او د دې وزارت د محتسبینو د صلاحیتونو د ټاکلو لپاره ترتیب شوي دي.
هغه زياته کړه، چې د دغه قانون له مخې، که څوک د محتسب حکم له پامه غورځوي، له يو ساعت څخه تر درېيو ورځو پورې په دولتي زندانونو کې بندي کېږي او بالاخره د محتسب له خوا د ټاکل شوې سزا له مخې مجازات کېږي.
په خبرپاڼه کې راغلي: د دغه قانون له مخې، اړوند وزارت مکلف دى، چې د اسلامي شريعت او حنفي فقهې له مخې خلکو ته پر نېکۍ امر وکړي او له بدو يې منع کړي او همدارنګه مکلف دى، چې د خلکو تر منځ سوله او ورورولي رامنځته او د ژبني، سمتي او قومي تعصباتو مخه ونيسي.
دغه راز څرګنده شوې، چې د دې قانون له مخې، که څوک د محتسب حکم له پامه غورځوي؛ له يو ساعت څخه تر درې ورځو پورې په عمومي زندانونو کې بندي کېږي او د محتسب لهخوا د ټاکل شوې سزا له مخې مجازات کېږي.
د دغه قانون په يوه برخه کې د ښځو د جامو په اړه احکام راغلي، چې پر بنسټ يې د فتنې له وېرې د ښځو د ټول بدن او صورت پټول اړین ګڼل شوي دي.
ویل کیږي، چې د توشیح شوي قانون له مخې؛ د امر بالمعرف او نهی عن المنکر محتثب او مسوولین مکلف دي، چې نرینه د ږیرې له کلولو او یا له قبضي څخه له لنډولو منع کړي.
تازه خبرونه
په قزاقستان کې د اسلامي امارت ډیپلوماټ د افغانستان سفارت د چارسمبالي په توګه ومنل شو
د بهرنیو چارو وزارت مرستیال ویلي، چې په رسمي ډول د چارسمبالي په توګه د اسلامي امارت د استازي د منلو موخه د افغانستان او قزاقستان ترمنځ د سوداګریزو، اقتصادي او بشري همکاریو پراختیا ده.
![](https://www.ariananews.af/wp-content/uploads/2024/08/Kazakh-Afghan.jpg)
د قزاقستان بهرنیو چارو وزارت د چارشنبې پر ورځ ( د زمري یودېرشمه) اعلان وکړ، چې د افغانستان سفارت د چارسمبالي په توګه یې د اسلامي امارت د ډیپلومات باورلیک تائید کړی دی.
یاد وزارت ويلي، د محمد رحمان رحماني ټاکنه د دواړو هېوادونو د اړیکو د پراختیا لپاره اړینه ده.
د دې وزارت په خبرپاڼه کې راغلي، چې د چارشنبې پر ورځ په استانه ښار کې د قزاقستان بهرنیو چارو وزارت مرستیال عليبیک باقییوف د افغانستان سفارت له مسوول سره وکتل.
باقییوف ویلي: د سیمې د هېوادونو تر منځ د افغانستان فعال حضور به د دغه هېواد د اقتصاد د بیا احیا او ثبات لامل شي؛ ځکه، چې د افغانانو وضعیت ښه شوی او د دې ترڅنګ په سیمه کې له سولې او امنیت سره مرسته کوي.
د بهرنیو چارو وزارت مرستیال ویلي، چې په رسمي ډول د چارسمبالي په توګه د اسلامي امارت د استازي د منلو موخه د افغانستان او قزاقستان ترمنځ د سوداګریزو، اقتصادي او بشري همکاریو پراختیا ده.
د منځنۍ آسیا یو بل مهم هېواد ترکمنستان هم تېره میاشت په عشقآباد کې د افغانستان سفارت د چارسمبالي په توګه د اسلامي امارت ډیپلوماټ منلی و.
روسیه او د منځنۍ آسیا هېوادونه د افغانستان له چارسمبالي حکومت سره د اړیکو په پراخولو کې د سیمې مخکښان دي.
د قزاقستان ولسمشر د جون په میاشت کې اعلان وکړ، چې له افغانستان سره د اقتصادي اړیکو د پراختیا په خاطر یې د اسلامي امارت نوم د ترهګرو ډلو له نوملړ څخه ایستلی دی.
دا په داسې حال کې ده، چې تېره ورځ د متحده عربي اماراتو بهرنیو چارو وزارت هم د افغانستان اسلامي امارت د استازي بدرالدین مولانا باورلیک منلی دی.
-
تازه خبرونه4 days ago
ښايي له افغانستان څخه د سپټمبر یوولسمې ته ورته یو بل برید وشي – پاکستان
-
تازه خبرونه2 days ago
له چین سره د کاشغر – کابل سوداګریزه لار پرانیستل شوه
-
تازه خبرونه4 days ago
پاکستان تېره میاشت له ۳۲ زره ډېر افغان کډوال جبري ایستلي
-
نړۍ4 days ago
اسرائیلو په غزه کې د جګړې د پای ته رسولو لپاره د امریکا وړاندیز ومانه – امریکا
-
تازه خبرونه3 days ago
په افغانستان کې له ۲۳ میلیون ډېر خلک بشري مرستو ته اړتیا لري – یونیسف
-
روغتيا3 days ago
افغانستان د بیزوتڼاکې ناروغۍ د مخنیوي هڅې پیل کړې
-
سیمه ییز خبرونه4 days ago
د هند لومړی وزیر مودي اوکراین ته سفر کوي
-
تازه خبرونه2 days ago
ایران او افغانستان له مخدره توکو سره د مبارزې په اړه ګډه هوکړه وکړه