تازه خبرونه
په افغانستان کې پر کرونا اخته کسان ۲۲۱۴۳ شول
د عامې روغتیا وزارت د څرګندونو له مخې؛ په افغانستان کې له تېرو څلیریشت ګړیو راپدیخوا کرونا ویروس ۲۱ کسان له ژوند کولو بې برخې کړي دي.
یاد وزارت ویلي، چې په همدې یوه ورځ کې دې ویروس د هرات ۱۰، د کابل ۳، د نیمروز ۳، بادعیس ۲، د هلمند ۲ کسان او د زابل یو کس مړه کړي دي.
دغه راز ویل کیږي، چې په تېرو ۲۴ ګړیو کې پر کرونا ویروس ټول ۶۸۴ کسان اخته شوي، چې ۳۹۳ یې په کابل، ۹۶ په هرات، ۹۵ په ننکرهار، ۲۵ په نیمروز، ۱۸ په کونړ، ۱۳ په کندهار، ۱۲ په فراه، ۸ په کندوز، ۷ په روزګان، ۶ په بادغیس، ۴ په بدخشان، ۴ په زابل او ۳ په پروان ولایتونو کې دي.
همدارنګه له دغو نویو پېښو سره په ټول هېواد کې پر کرونا د اخته کسانو شمېر ۲۲۱۴۳ ته رسیدلی دی.
د عامې روغتیا وزارت دا هم ویلي، چې له تېرې ورځې راپدیخوا ۳۲۴ کسان له رغیدو وروسته کورونو ته رخصت شوي دي.
په افغانستان کې له کرونا ویروسه تر دې دمه ټول ۴۰۵ کسان مړه شوي او ۲۹۷۵ نور روغ شوی دي.
خلک وايي؛ که څه هم ګواښونه ډېردي او خدمتونه لږ؛ خو پوښتنه دا ده، چې آیا حکومت د بودیجې له کموالي سره مخ دی؟
د دې پوښتنې د ځوابولو په اړه مالیې وزارت ویلي، چې تراوسه له افغانستان سره د دېرش میلیارډ افغانیو مرستې ژمنه شوې؛ خو یوازې شل میلیون ډالر حکومت ته رسیدلي دي.
دا په داسې حال کې ده، چې په افغانستان کې پر روڼتیا د څار بنسټ ویلي؛ حکومت د کرونا ویروس پروړاندې په مبارزه کې د بهرنیو میلیونونو ډالره مرستې د لګولو په برخه کې ځواب ویونکی ندی.
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه3 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ1 day ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
نړۍ3 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
لوبی4 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه3 days ago
راشد خان د افغان بیسیم سوداګریز سفیر شو
-
لوبی3 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
لوبی1 day ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه4 days ago
د ایران ولسمشر پر درې ورځني سفر پاکستان ته ولاړ