تازه خبرونه
په افغانستان کې سلګونه میلیارد ډالر ضایع شوي – سیګار
د افغانستان په بیا رغونه کې د امریکا د څار ادارې یا سیګار مشر په یوه تازه راپور کې په ډاګه کړې، چې له افغانستان سره مرسته شوي میلیارډونه ډالر ضایع شوي دي.
د سیګار ادارې مشر ويلي، چې له دوه زره دوه یم میلادي کال څخه تر دوه زره اتلسم میلادي کال پورې له افغانستان سره د امریکا مرسته شوي نولس میلیارډ ډالر تالاترغۍ شوي دي.
د سیګار په راپور کې د درغلیو لس اړینې پېښې یادې شوي او څرګنده شوې، چې په افغانستان کې پر یوه ورځ له نشه يي توکو سره د مبارزې پر نوم یو نیم میلیون ډالر لږول شوي دي.
لومړی: د ژمي لپاره د کابل تدارکات:
پر ۲۰۰۷ زېږدیز کال د کابل په تره خېل کې د پلازمېنې د برښنا د غښتلي کولو لپاره د برښنا د تولید پروژه یا برېښناکوټ ۳۳۵ میلیون ډالرو پر ارزښت جوړه شوه؛ خو د یوې ورځې د تېلو لګښت یې ۲۴۵ میلیون ډالره کیده.
دویم: د نیم میلیارد ډالرو پر ارزښت د افغان هوايي ځواک لپاره د ټرانسپورټي الوتکو پېرل:
پنتاګون په ۲۰۰۸ زېږدیز کال کې د اړتیا له مخې د افغان پوځ د ټرانسپورټ لپاره ۱۶ جي ۲۲۲ الوتکې وپېرلې. شپږ کاله وروسته دا الوتکې د کباړ په بیه پر څلويښت زره ډالرو، یا په ۲۵۰ زره ډالرو و پلورل شوې.
درېیم: پر ۲۰۱۰ زېږدیز کال په هلمند کې د سمندري ځواکونو لپاره د ۳۶ میلیون ډالرو پر ارزښت د یوې اډې جوړول.
د راپور له مخې، دا اډه هیڅکله ونه کارول شوه.
څلورم: په ۲۰۰۷ زېږدیز کال کې د افغان پوځ لپاره د نوي یونیفورم پر ډيزاین ۲۸ میلیون ډالر ولګول شول.
په راپور کې راغلي، چې د وخت ملي دفاع وزیر عبدالرحیم وردګ له یوه کاناډايي شرکت څخه پوځ ته د یو میلیون و درې سوه زره دریشیو لپاره ځانګړې شوې پیسې ولګولې؛ خو دریشۍ په جګړه کې ښکېلو سرتېرو ته ونه رسیدې.
د افغانستان په بیا رغونه کې د امریکا د څار ادارې مشر جان سیپکو وایي: په هر ځای کې مې د فساد بېلګې ولیدې، چې لویه برخه یې خیالي اردو او پولیس ول. د هغو تېلو پنځوس په سلو کې غلا کیدل، چې مونږ د افغان ملي اردو لپاره پېرل. په یوه قرارداد کې د ۲۵۰ میلیون ډالرو د فساد یوه لویه بېلګه مې له اشرف غني سره شریکه کړه. هغه وویل، چې په دې اړه به څېړنه وکړي؛ خو هیڅ یې ونکړل.
پېنځم: په دې راپور کې ویل شوي، چې په افغانستان کې له نشه يي توکو سره د مبارزې پر پلمه په یوه ورځ کې یو نیم میلیون ډالر لګول شوي دي.
امریکا له دوه زره دوه یم کال څخه تر ۲۰۱۸ کال پورې هره ورځ په افغانستان کې له نشه يي توکو سره د مبارزې لپاره یو نیم میلیون ډالره لګولي دي. په دوه زره شلم میلادي کال کې د نشه يي توکو تولید د ۲۰۱۹ کال په پرتله پېنځه دېرش په سلو کې ډېر شو.
شپږم: د افغانستان په شمال کې د یوه سړک په ناقص ډول جوړولو کې د ۲۴۹ میلیون ډالر لګول شوي.
دا ۲۳۳ کیلومتره سړک د قیصار او لامان ترمنځ پروت دی، چې یوازې پېنځلس په سلو کې یې چارې پر مخ ولاړې او بیا وروسته بېرته ویجاړ شو.
اووم: د ۸۵ میلیون ډالرو پر ارزښت د یوه هوټل جوړول، چې هیڅکله افتتاح نشو.
په کابل کې د امریکا د سفارت په خوا کې د یوه هوټل او استوګنځي چارې د ۸۵ میلیون ډالر پر ارزښت پیل شوې؛ په دوه زره شپاړسم کال کې سیګار وموندله، چې پيسې غلا شوي او ودانۍ نده جوړه شوې.
اتم: پنتاګون د سوداګریزو عملیاتو لپاره افغانستان ته په دوه زره نهم کال کې ۶۷۵ میلیون ډالره ځانګړي کړل، چې ۳۵۹ میلیون یې په نامستقیمه لار لګول شوي دي.
نهم: په دوه زره پېنځلسم کال کې د روغتیايي مرکزونو د جوړولو لپاره ۵۱۰ پروژې ځانګړې شوې؛ خو په عمل کې له هرو درې پروژو یوه یې نوه.
لسم: په ټولیزه توګه نولس میلیارډ ډالر تالا ترغۍ شوي دي.
د امریکا د کانګرس د راپور له مخې؛ امریکا له دوه زره دوه یم کال راپدیخوا په افغانستان کې یو سلو څلوردېرش میلیارډ ډالر لګولي؛ خو سیګار یوازې د ۶۳ میلیون ډالرو څېړنه کړې، چې له دې پيسو نولس میلیارډ ډالر غلا شوي دي.
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه3 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ5 days ago
د جاپان دوه پوځي چورلکې بحر ته وغورځېدې
-
تازه خبرونه5 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
نړۍ3 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
لوبی4 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه3 days ago
راشد خان د افغان بیسیم سوداګریز سفیر شو
-
نړۍ21 hours ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی3 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ