تازه خبرونه
پریږدئ، چې طالبان سیاسي ډګر ته راوړاندې شي
اجرائیه رییس د مارچ پر اتمه افغان ښځو ته په خطاب کې وویل، د سولې په خبرو کې به د ښځو حقونه خوندي وي؛ پریږدئ، چې طالبان سیاسي ډګر ته راوړاندې شي.
پدې شپو او ورځو کې یوځل بیا له وسلوالو طالبانو سره د سولې پر خبرو بحثونه تاوده شوي؛ خو د ښځو د حقونو فعالانې بیا اندېښمنې دي، چې په کې د تېرو څو کلونو لاسته راوړنې قرباني نشي.
د ملي وحدت حکومت اجرائیه رییس عبدالله عبدالله د مارچ د اتمې یا د ښځو نړیوالې ورځې په نمانځونډه کې افغان ښځو ته وویل، چې د سولې په بهیر کې به د ښځو حقونه بشپړ خوندی وي او په دې اړه دې اندېښنه نه کوي.
هغه زیاتوي؛ پږدئ، چې طالبان له سیاسي ډګره، د جګړې په بندیدو او د خپلو پروګرامونو په وړاندې کولو له خلکو څومره رایه اخیستی شي؟
د هغه په وینا؛ په سوله کې به د ښځو حقونو خوندي وي او که یې طالبان د سولې پر مهال مخالفت وکړي، نو له سیاسي لارې به خلک رایه ورنکړي.
یوناما هم د سولې وروستۍ هڅې ستایلي او په دې بهیر کې یې د ښځو پر ونډې ټنیګار کړی دی.
د ملګرو ملتونو سیاسي استازولۍ یا یوناما له طالبانو سره د سولې په خبرو کې د ښځو پر رول، ونډې او برخې ټینګار کوي.
د یوناما استازی توبي لینزر ویلي، چې ملګري ملتونه طالبانو ته د افغان حکومت د سولې له وړاندیز او چوکات څخه ملاتړ کوي او هغه مهم بولي؛ خو یو ځل بیا ټینګار کوي، چې د سولې په هر ډول خبرو کې د ښځو رول د پاملرنې وړ او ډېر اړین دی.
د ولسي جرګې غړې هیلۍ ارشاد له مقاماتو غوښتنه کوي؛ حکومت دې د ښځو وړتیاوې بابېزه نه ګڼي او ښځو ته دې چانس ورکړي، چې د آزموینې له لارې پر دولتي څوکیو کار وکړي.
له څو کلونو راهیسې افغان حکومت او نړیوال متحدین یې هڅه کوي، چې طالبان د سولې خبرو ته را کاږي؛ خو طالبانو د افغان حکومت پر ځای له امریکا سره د مخامخ خبرو وړاندیز کړی.
خبریال: خلیل الرحمان امید
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه3 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ5 days ago
د جاپان دوه پوځي چورلکې بحر ته وغورځېدې
-
تازه خبرونه5 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
نړۍ3 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
نړۍ1 day ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی4 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه3 days ago
راشد خان د افغان بیسیم سوداګریز سفیر شو
-
لوبی3 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ