تازه خبرونه
ولسمشر غني ټاکنیزې ډلې ته د سروردانش پر ملګرتیا ټینګار څرګند کړ
په تازه ګام کې ولسمشر غني د خپلې ټاکنیزې ډلې یوه برخه روښانه کړې، چې د خپلو نیمګړیو کارونو د بشپړولو لپاره به یې سروردانش ملګری وي.
د ولسمشریزو ټاکنو لپاره ټاکنیزې ډلې د وروستي کیدو په حال کې دي او ولسمشر غني سرور دانش د خپلې ټاکنیزې ډلې غړی یادوي؛ خو تر اوسه روښانه نه ده، چې اجرائیه رییس هم کاندید دی او که نه؟
ځینوسرچینو ویلي، اجرائیه رییس عبدالله عبدالله د لوی ملي ائتلاف د نوماندانو په ډله کې ندی؛ خو صلاح الدین رباني د یاد ائتلاف لخوا ولسمشریزو ټاکنو ته نوماند دی او حزب اسلامي له لویو ګوندونو سره تر اوسه پر یوه ځانګړي او مشخص نوماند وروستۍ هوکړې ته ندی رسیدلی.
ولسمشر محمد اشرف غني دایکندي او بامیان ته په خپل دوه ورځني سفرونو کې ویلي: د دې لپاره، چې کوم شک پاتې نشي؛ سروردانش له ما سره دریږي. لکه څنګه، چې سره ودریدو؛ خپلې نیمګړتیاوې به بشپړوو.
لوی ملي ائتلاف ولسمشریزو ټاکنو ته اته کسان دروي او د افرادو نوملړ یې هم برابر کړی دی.
سرچینو ویلي، چې صلاح الدین رباني د ائتلاف لخوا ټاکنو ته دریږي؛ خو ځینې نورې څېرې هم په دې ائتلاف کې شته، چې ښایي له څو ادرسونو ټاکنو ته نوماندان شي. لکه رحمت الله نبیل، زلمی رسول او شیدا محمد ابدالی.
د لوی ملي ائتلاف غړی محمد ناطقي وایي: یو نوملړ جوړوو؛ بیا، چې پر هر چا هوکړه وشوه، هغه به مو په ټاکنیزه ډله کې نوماند وي.
اجرائیه رییس تر اوسه نده روښانه کړې، چې ولسمشریزو ټاکنو ته دریږي او که نه؛ خو څه، چې روښانه دي، عبدالله عبدالله به په لوی ملي ائتلاف کې شامل نه وي.
د ګلبدین حکمتیار حزب اسلامي وایي، تر اوسه یې پر یوه مشخص کاندید له چا سره هوکړه نده کړې.
د حزب اسلامي د سیاسي کمیتې غړی همایون جریر وایي: زمونږ بحث پر دې دی، چې ټول مهم ګوندونه په یوه ټاکنیزه ډله کې راټول شي او پرې هوکړه وشي.
ویل کیږي، چې حنیف اتمر هم ولسمشریزو ټاکنو ته نوماند دی او یونس قانوني به یې لومړی مرستیال وي. د لوی ملي ائتلاف نوماندان، چې ولسمشریزو ټاکنو ته دریږي؛ غواړي، چې نظام له ریاستي څخه پر نامتمرکز غیر ریاستي هغه واوړي او درې- درې مرستیالان ولري.
خبریال: باعث حیات
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه4 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ2 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
نړۍ3 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
لوبی4 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه3 days ago
راشد خان د افغان بیسیم سوداګریز سفیر شو
-
لوبی3 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
لوبی1 day ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه4 days ago
د ایران ولسمشر پر درې ورځني سفر پاکستان ته ولاړ