تازه خبرونه
ولسمشر غني که په واک کې پاتې کیږي، باید له نوماندۍ تېر شي- د ولسمشرۍ نوماندان
د ولسمشریزو ټاکنو دولس نوماندانو په یوه ګډه اعلامیه کې ویلي، چې ولسمشر غني که په واک کې پاتې کیږي باید له خپلې نوماندۍ تېر شي.
د غبرګولي لومړۍ نېټې ته د ګوتو پر شمېر ورځې پاتې دي؛ هغه نېټه، چې سیاستوال یې د واک د غزیدو پر سر له یو بل سره په ناندریو کې ښکېل کړي دي.
د ولسمشریزو ټاکنو د نوماندانو شورا د یوې نوې طرحې په وړاندې کولو له ولسمشر غوښتي، چې په واک کې له پاتې کیدو او کاندیدۍ څخه یو غوره کړي.
د ولسمشرۍ نوماند شهاب حکیمي وایي، چې مونږ ټول نوماندان، سیاسیون او نور اړخونه باید د غبرګولي له لومړۍ وروسته پر یو سرپرست حکومت هوکړې ته ورسیږو.
که څه هم سترې محکمې د غبرګولي له لومړۍ وروسته په واک کې د ولسمشر پاتې کیدل قانوني ګڼلي؛ خو د ولسمشرۍ نوماندان دا یوه ستونزه ګڼي او د حل لپاره یې د ملګرو ملتونو او نور بهرنیو استازولیو سره اړیکې نیولي دي.
د ولسمشریزو ټاکنو نوماند عنایت الله حفیظ وایي، چې په دې اړه مو د ملګرو ملتونو له دفتر او نورو بنسټونو سره خبرې کړې دي.
یو شمېر حقوقپوهانو هم ويلي، چې د غبرګولي پر لومړۍ د ولسمشر د واک موده پای مومي او په واک کې د پاتې کیدو په اړه یې د سترې محکمې پرېکړه هم له قانون سره په ټکر کې ده.
دا، چې څوک به برلاسي ومومي حقوقپوه وحید فرزه یي په اړه وایي، چې د دغې طرحې لومړۍ ماده له اساسي قانون سره اړخ نه لګوي؛ خو دوه یمه ماده یې قانوني ده.
اجرائيه رييس عبدالله عبدالله وایي؛ له هرې هغې طرحې هرکلی کوو، چې په ټاکنیز کمپاین کې د دولتي امکاناتو د کاروني مخینوی کوي.
د اساسي قانون له مخې؛ د ولسمشر کاري موده د پېنځم کال د غبرګولي په لومړۍ نېټه د ولسمشریزو ټاکنو له تر سره کیدو وروسته پای مومي. د قانون له مخې ولسمشریزې ټاکنې باید د روان کال د وري پر یو دېرشمه تر سره شوې وای؛ خو د ستونزو له کبله دا ټاکنې پېنځه میاشتې وځنډيدې او په پام کې ده، چې د میزان پر شپږمه تر سره شي.
خبریال: شاهپورفرهمند
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه3 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ1 day ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
نړۍ3 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
لوبی4 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه3 days ago
راشد خان د افغان بیسیم سوداګریز سفیر شو
-
لوبی1 day ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
لوبی3 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه4 days ago
د ایران ولسمشر پر درې ورځني سفر پاکستان ته ولاړ