تازه خبرونه
وسلوالو طالبانو اوربند ته هیله مندي ښودلې- د سولې عالي شورا
د سولې عالي شورا وايي، چې وسلوالو طالبانو د افغان حکومت درې میاشتني اوربند ته شین څراغ ښودلی او هیله من یو، چې اوږدمهاله اوربند رامنځته شي.
له وسلوالو طالبانو سره د ولسمشر غني لخوا د مشروط درې میاشتني اوربند له اعلان وروسته د ولسمشرۍ ماڼۍ ویاند هارون چخانسوري د توضیحاتو په لړ کې وویل، چې: که وسلوال طالبان اوربند رعایت نه کړي، افغان ځواکونه د اوربند په عملي کولو مکلف نه دي.
د هغه په وینا، داعش او نورې ترهګرې ډلې په اوربند کې نه دي شاملې.
د سولې عالي شورا تمه ښيي، چې دا ډول اوربند کولی شي د جګړې د ښکېلو خواوو تر منځ د سولې خبرو ته لار پرانیزي.
د سولې عالي شورا غړې لیلا جعفري زیاتوي؛ داسې ښکاري، چې وسلوالو طالبانو د افغان حکومت درې میاشتني اوربند ته شین څراغ ښودلی او هیله من یو، چې اوږدمهاله اوربند رامنځته شي.
په نړیواله کچه هم د افغان حکومت د اوربند له دغه اعلانه هرکلی او ملاتړ شوی دی.
د ناتو عمومي منشي ویلي، چې د ولسمشر غني لخوا دغه اعلان شوي اوربند ته باید وسلوال طالبان هم غاړه کیدي.
د ناتو عمومي منشي ینس ستولتنبرګ وایي: زه د ولسمشر غني لخوا د اعلان شوي اوربند ملاتړ کوم او له وسلوالو طالبانو هم غواړم، چې د ولسمشر غني د دغې پرېکړې درناوی وکړي.
دغه راز په کابل کې روند سبز نومي بهیر پلویان سړکونو ته را ووتل او د وسلوالو طالبانو ضد شعارونه یې پورته کړل.
دوی وویل، چې د تېر اختر په څېر وسلوالو طالبانو ته باید ډېره آزادي ورنکړشي.
د روند سبز غړی عبدالوحید حمزه وایي، طالبان په تېر اختر کې ښارونو ته راغلل او ډاډمنې ځالې یې جوړې کړې؛ هیله من یو، چې حکومت د اختر په ورځو کې د امنیت خوندي کولو هڅې وکړي.
د کورنیو چارو وزارت پخوانی مرستیال میرزا محمد یارمند هم وایي، چې ډېر ځله اوربندونه هغه مهال تېر ایستونکي وي، چې پیل او پای یې څرګند نه وي. زما په اند که طالبان اوربند وکړي، مونږ یې باید ومنو.
په کوچني اختر کې افغان حکومت له وسلوالو طالبانو سره لس ورځنی اوربند اعلان کړ؛ خو وسلوالو طالبانو یوازې درې ورځې اوربند وکړ؛ ډلې ډلې ښارونو ته ننوتل او له افغان سرتېرو سره یې ګډ انځورونه واخیستل.
د یادونې ده، چې طالبانو په لوی اختر کې تر دې دمه د اوربند په اړه څه نه دي ویلي.
خبریال: علی اصغري
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه4 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ2 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
نړۍ4 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
لوبی5 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه3 days ago
راشد خان د افغان بیسیم سوداګریز سفیر شو
-
لوبی4 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
لوبی1 day ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه4 days ago
د ایران ولسمشر پر درې ورځني سفر پاکستان ته ولاړ