تازه خبرونه
مولوي متقي اسماعیل خان او احمد مسعود راستنېدو ته وهڅول
د اسلامي امارت د بهرنیو چارو وزارت سرپرست امیر خان متقي ایران ته د خپل سفر پر وخت په تهران کې له احمد مسعود او محمد اسماعیل خان سره لیدلي. که څه هم دا نده څرګنده، چې په دې ناسته کې پر څه خبرې شوي؛ خو د بهرنیو چارو وزارت چارسمبالي ویلي؛ دوی ته یې ډاډ ورکړی، چې افغانستان ته راستانه شي او پر وړاندې به یې هیڅ کوم ګواښ هم نه وي.
د اسلامي امارت د ویاند مرستیال انعام الله سمنګاني تائید کړې، چې اسماعیل خان او احمد مسعود د اسلامي امارت له پلاوي سره په تهران کې لیدلي دي.
د سمنګاني د څرګندونو له مخې، په دې ناسته کې اسلامي امارت دوی ته ډاډ ورکړ، چې له کومې اندېښنې پرته دې خپل هېواد ته راستانه شي.
د نوموړي د څرګندونو له مخې؛ اسلامي امارت هڅه کوي، چې د هېواد راتلونکی د ټولو لپاره خوندي او د هیچا د مخالفت سبب نه وي.
د ایران د بهرنیو چارو وزارت له احمد مسعود او اسماعیل خان سره د اسلامي امارت د پلاوي لیدنه اړینه نومولې او څرګندوي، چې د افغانانو خپلمنځي خبرې د دغه هېواد د اجنډا په سر کې دي.
له بلې خوا د ایران د بهرنیو چارو وزیر د اسلامي امارت له پلاوي سره په کتنه کې بشري ناورین ته نغوته کړې او څرګندوي، چې امریکا باید د افغانستان د اسعارو زیرمې آزادې کړي.
د اسلامي امارت او ایراني چارواکو پلاويو د ډیپلوماټیکو اړیکو پر ښه والي او د ګډو سوداګریزو او اقتصادي همکاریو پر پراختیا هم ټینګار کړی دی.
دا لومړی ځل دی، چې په هېواد کې د اسلامي امارت له واکمنۍ وروسته یو رسمي دولتي پلاوی ایران ته سفر کوي او له ایراني چارواکو سره د هلمند سیند په اوبو کې د ایران پر برخه هم خبرې کیږي او ټاکل شوې، چې د دواړو خواوو تخنیکي پلاوي ډېر ژر په دې اړه سره خانګړې خبرې وکړي.
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه3 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ3 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
نړۍ1 day ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی4 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه3 days ago
راشد خان د افغان بیسیم سوداګریز سفیر شو
-
لوبی1 day ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
لوبی3 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه4 days ago
د ایران ولسمشر پر درې ورځني سفر پاکستان ته ولاړ