تازه خبرونه
طالبان او امریکایان د هوکړې لاسلیک ته نږدې شوي- سهیل شاهین
په قطر کې د طالبانو د سیاسي دفتر ویاند ویلي، چې په لنډو ورځو کې به د امریکایانو او طالبانو تر منځ هوکړه لیک لاسلیک شي.
د قطر په دوحه کې د طالبانو د سیاسي دفتر غړی او ویاند سهیل شاهین څرګنده کړې، چې د سولې دا هوکړه لیک به په دوحه کې د ۲۳ هېوادونو د بهرنیو چارو وزیرانو او نړیوالو سازمانونو په شتوالي کې لاسلیک شي.
سرچینو ویلي، د تاوتریخوالي د کمیدو او اوربند تر څنګ، دواړه لوري په دې اړه، چې کوم هېوادونه او سازمانونه به د هوکړې د لاسلیک ضمانت وکړي؛ نن دوشنبه( د لیندۍ ۱۸) هم پرې خبرې روانې دي. په قطر کې د طالبانو د سیاسي دفتر ویاند ویلي، دا هوکړه لیک ښایي تر دوه اوونیو پورې په دوحه کې لاسلیک شي.
ځینو امریکایي چارواکو هم رسنیو ته ویلي، د طالبانو پر سنګرونو د بهرنیو ځواکونو د شپنیو بریدونو او دغه راز پرامریکایي پوځي اډو د طالبانو د ځانمرګو بریدونو او چاودنو دریدل په روانو خبرو اترو کې شامل دي. د دغو سرچینو پر وینا، په افغانستان کې د نړیوالو ځواکونو لوی قومندان سکات میلر طالبانو ته د هغو امریکایي پوځي اډو شمېر او موقعیت ورکړی، چې پرې دا ډله برید ونکړي.
په قطر کې د طالبانو د سیاسي دفتر ویاند سهیل شاهین وایي، چې د هوکړې له لاسلیک سره سم به له افغانستان څخه بهرني پوځیان وځي او بریدونه پرې نه کیږي. بیا به د افغانانو خپلمنځي خبرې پیل او پر کورنیو مسایلو به بحث کیږي.
ناتو، چې دا مهال په افغانستان کې زرګونه سرتېري لري؛ هیله من دي، چې دا هڅې باید د افغانانو د خپلمنځي خبرو د پیل سبب شي، چې افغانان مخامخ پر نورو پړاوونو خبرې وکړي.
په افغانستان کې د ناتو ملکي سفیر نیکولاس کې ویلي؛ هیله من یو، چې ژر هوکړې ته ورسیږو او په پایله کې خبرې اترې د افغان حکومت، طالبانو او نورو ښکېلو افغان لوریو تر منځ پیل شي او خپلې ستونزې حل کړي.
طالبانو ویلي، چې له امریکا سره هرډول اوربند له افغان حکومت سره د اوربند معنا نلري او د تاوتریخوالي کمی د افغانانو له ناستو سره تړلی دی.
د سولې په چارو کې د دولت وزارت ویانده ناجیه انوري وایي، چې دا خبرې باید د حکومت او طالبانو مخامخ خبرو ته لار خلاصه کړي.
ټاکل شوې د زلمي خلیلزاد او طالب استازیو خبرې راتلوونکیو ورځو کې هم دوام وکړي؛ خو تمه ده، چې د دې پړاو خبرې اترې وروستۍ وي.
دا په داسې حال کې ده، چې افغان ولسمشر اشرف غنې د آسیا زړه هېوتادونو په اتمه ناسته کې غوښتنه وکړه، چې د سیمې هېوادونه دې د افغانانو په مشرۍ او مالکیت د سولې له بهیره ملاتړ وکړي.
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه3 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ1 day ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
نړۍ3 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
لوبی4 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه3 days ago
راشد خان د افغان بیسیم سوداګریز سفیر شو
-
لوبی3 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
لوبی1 day ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه4 days ago
د ایران ولسمشر پر درې ورځني سفر پاکستان ته ولاړ