تازه خبرونه
طالبانو د سولې خبرو ته جدي چمتووالی ښکاره کړی- پخوانی جهادي
پخواني جهادي او د جمعیت اسلامي د رهبرۍ غړی محمد اسماعیل خان څرګنده کړې، چې وسلوال طالبان د سولې خبرو ته جدي چمتووالی ښکاره کړی دی.
وسلوال طالبان او امریکا د سولې د په ټپه دریدلو خبرو د بیا پیلولو په لټه کې دي؛ خو په افغان حکومت کې د سولې د خبرو په اړه بېلابېل اندي غبرګونونه را پاریدلي دي.
پخوانی جهادي رهبر محمد اسماعیل خان وايي، چې وسلوال طالبان سولې ته چمتو دي؛ خو حکومت د سولې مخنیوی کوي او خنډونه جوړوي.
پخوانی جهادي مشر او د جمعیت اسلامي د رهبرۍ غړی محمد اسماعیل خان وایي: حکومت تل د سولې بهیر خنډ شوی دی او مخنیوی یې کوي. په داسې حال کې، چې بهرنیو چارو وزارت سم دریځ څرګند کړی دی. له طالبانو څخه د پاکستان تود هرکلي نوي هیلې راټوکولي دي.
دغه راز د سولې عالي شورا غړي دین محمد ويلي، چې له پاکستانيو چارواکو سره د طالبانو د لیدنې په اړه د افغان حکومت اختلافي دریځ هغو ته مشروعیت وربښي.
د سولې د عالي شورا غړی حاجي دین محمد په ډاګه کړې، چې ارګ او بهرنیو چارو وزارت دې د افغانستان پت او عزت خوندي کړي؛ دا په ملي مسایلو کې د دوی ژور اختلاف دی، راپورته شوی دی.
ولسمشرۍ ماڼۍ ویلي، چې ولسمشر د بهرنیو چارو وزارت ویاند، پاکستان ته د طالبانو د پلاوي د سفر په اړه د (نامسولانه) څرګندونو له کبله له دندې ګوښه کړی دی.
د ارګ په اعلامیه کې راغلي، چې د نوی ویاند تر ټاکل کیدو پورې به د بهرنیو چارو وزارت د اقتصادي همکاریو مرستیال میرویس ناب د ویاند د دفتر سرپرستې کوي.
د ولسمشر فرهنګي سلاکار نبي مصداق څرګنده کړې، چې د ارګ او بهرنیو چارو وزارت تر منځ دوه بېلابېل اندونه پای ته رسیدلي او په دې اند دي، چې طالبان دې لومړی اوربند وکړي او بیا دې خبرو ته راودانګي.
وسلوالو طالبانو د افغان حکومت اختلافي دریځ ته په نغوته(اشاره) کې ویلي، چې هیڅ کله به له حکومت سره خبرو ته حاضر نشي؛ خو غواړي له ټولو سیاسي جریانونو سره خبرې وکړي.
داسې ویل کیږي، چې د طالبانو او امریکا ترمنځ خبرو ته د زمینې د برابرولو لپاره په چین کې هم غونډه وشي.
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه3 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ5 days ago
د جاپان دوه پوځي چورلکې بحر ته وغورځېدې
-
تازه خبرونه5 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
نړۍ3 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
نړۍ1 day ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی4 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه3 days ago
راشد خان د افغان بیسیم سوداګریز سفیر شو
-
لوبی3 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ